2015 جىلعى 31 ناۋرىز, استانا قالاسى
ەڭبەككە ۋاقىتشا جارامسىزدىققا ساراپتاما جۇرگىزۋ, ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 59-بابىنىڭ 2-تارماعىنا سايكەس بۇيىرامىن:
1. قوسا بەرىلىپ وتىرعان ەڭبەككە ۋاقىتشا جارامسىزدىققا ساراپتاما جۇرگىزۋ, ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە مەرزىمدىك باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ.تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن باستاپ قولدانىسقا ەنگىزىلەدى.
مينيستر ت.دۇيسەنوۆا
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 31 ناۋرىزداعى №183 بۇيرىعىمەن بەكىتىلگەن
ەڭبەككە ۋاقىتشا جارامسىزدىققا ساراپتاما جۇرگىزۋ, ەڭبەككە
ۋاقىتشا جارامسىزدىق پاراعىن جانە انىقتاماسىن بەرۋ قاعيدالارى
1. جالپى ەرەجەلەر
1. وسى ەڭبەككە ۋاقىتشا جارامسىزدىققا ساراپتاما جۇرگىزۋ, ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ قاعيدالارى (بۇدان ءارى – قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 59-بابىنىڭ 2-تارماعىنا سايكەس ازىرلەندى جانە مەديتسينالىق ۇيىمداردىڭ ەڭبەككە ۋاقىتشا جارامسىزدىققا ساراپتاما جۇرگىزۋ, ەڭبەككە ۋاقىتشا جارامسىزدىقتى كۋالاندىراتىن قۇجاتتار بەرۋ ءتارتىبىن ايقىندايدى.
2. وسى قاعيدالاردا مىناداي ۇعىمدار پايدالانىلادى:
1) ەڭبەككە ۋاقىتشا جارامسىزدىق – ادام ورگانيزمىنىڭ سىرقاتتانۋمەن نەمەسە جاراقاتتانۋمەن نەگىزدەلەتىن جاي-كۇيى, مۇنداي كەزدە فۋنكتسيالاردىڭ بۇزىلۋى ەڭبەككە جارامدىلىعىن قالپىنا كەلتىرۋ نەمەسە مۇگەدەكتىكتى بەلگىلەۋ ءۇشىن قاجەتتى ۋاقىت بويى كاسىپتىك ەڭبەكتى ورىنداۋدىڭ مۇمكىن بولماۋىمەن ىلەسە جۇرەدى;
2) ەڭبەككە ۋاقىتشا جارامسىزدىق ساراپتاماسى – ماقساتى جەكە ادامنىڭ ەڭبەككە جارامسىزدىعىن جانە ونىڭ سىرقاتتانۋ كەزەڭىندە ەڭبەك مىندەتتەرىن ورىنداۋدان ۋاقىتشا بوساتىلۋىن رەسمي تانۋ بولىپ تابىلاتىن دەنساۋلىق سالاسىنداعى ساراپتامانىڭ ءتۇرى;
3) مەديتسينالىق-الەۋمەتتىك ساراپتاما (بۇدان ءارى – ءماس) – وڭالتۋدى قوسا العاندا, ورگانيزم فۋنكتسياسىنىڭ تۇراقتى بۇزىلۋىنان تۋىنداعان تىرشىلىك-تىنىسىنىڭ شەكتەلۋىن باعالاۋ نەگىزىندە كۋالاندىرىلاتىن ادامنىڭ الەۋمەتتىك قورعاۋ شارالارىنا قاجەتتىلىكتەرىن ايقىنداۋ;
4) دارىگەرلىك-كونسۋلتاتسيالىق كوميسسيا (بۇدان ءارى – دكك) – مەنشىك نىسانىنا جانە ۆەدومستۆولىق تيىستىلىگىنە قاراماستان مەديتسينالىق ۇيىمدا قۇرىلاتىن كوميسسيا;
5) ورتالىقتاندىرىلعان دارىگەرلىك - كونسۋلتاتسيالىق كوميسسيا (بۇدان ءارى – ودكك) – تۋبەركۋلەزگە قارسى ۇيىمدا قۇرىلاتىن كوميسسيا;
6) ەڭبەككە ۋاقىتشا جارامسىزدىق پاراعى – وسى قاعيدالارعا قوسىمشاعا سايكەس نىسان بويىنشا ادامداردىڭ ەڭبەككە ۋاقىتشا جارامسىزدىعىن كۋالاندىراتىن, جۇمىستان ۋاقىتشا بوساتۋعا جانە ەڭبەككە ۋاقىتشا جارامسىزدىعى بويىنشا جاردەماقى الۋعا قۇقىعىن راستايتىن قۇجات;
7) ەڭبەككە ۋاقىتشا جارامسىزدىق انىقتاماسى – جاردەماقى الماي جۇمىستان (وقۋدان) بوساتۋ ءۇشىن نەگىز بولىپ تابىلاتىن, دەنساۋلىق ساقتاۋ سالاسىنداعى ۋاكىلەتتى ورگان بەكىتكەن نىساندار بويىنشا ەڭبەككە جارامسىزدىق فاكتىسىن كۋالاندىراتىن قۇجات;
8) ەڭبەككە ۋاقىتشا جارامسىزدىق پاراعىنىڭ تالاپ ەتىلمەيتىن بلانكىسى - قاعيدالارعا سايكەس رەسىمدەلگەن, بىراق ەڭبەككە ۋاقىتشا جارامسىزدىق پاراعى بەرىلگەن ادام ەڭبەككە ۋاقىتشا جارامسىزدىق پاراعىن ۇزارتۋ مەرزىمى اياقتالعاننان كەيىن ءۇش جۇمىس كۇنى ىشىندە ونى ۇزارتۋ نەمەسە جاپتىرۋ ءۇشىن كەلمەگەن ەڭبەككە ۋاقىتشا جارامسىزدىق پاراعى.
3. ەڭبەككە ۋاقىتشا جارامسىزدىق پاراعى:
1) ءجىتى نەمەسە سوزىلمالى اۋرۋلار اسقىنعان;
2) ەڭبەككە جارامدىلىعىن ۋاقىتشا جوعالتۋعا بايلانىستى جاراقاتتانعان جانە ۋلانعان;
3) جۇكتىلىكتى جاساندى ۇزگەن;
4) ناۋقاس بالاعا كۇتىم جاساعان;
5) جۇكتى بولعان جانە بوسانعان;
6) جاڭا تۋعان بالانى (بالالاردى) اسىراپ العان;
7) ساناتوريلىك-كۋرورتتىق ۇيىمداردا تولىق ەمدەلگەن;
8) كارانتين;
9) ورتوپەديالىق پروتەزدەۋ كەزىندە بەرىلەدى.
4. ەڭبەككە ۋاقىتشا جارامسىزدىق انىقتاماسى:
1) ءبىلىم بەرۋ ۇيىمدارىندا وقيتىن ادامداردىڭ ءجىتى نەمەسە سوزىلمالى اۋرۋلارى اسقىنعان, جاراقاتتانۋ جانە ۋلانۋ;
2) الكوگولدىك نەمەسە ەسىرتكىلىك ماس بولۋ جاعدايىندا الىنعان جاراقاتتار, سونداي-اق الكوگولدىك نەمەسە ەسىرتكەلىك ءجىتى ۋىتتانعان;
3) وزگە بۇزىلۋلارمەن جانە اۋرۋلارمەن اسقىنباعان سوزىلمالى الكوگوليزمدى, ناشاقورلىقتى ەمدەگەن;
4) ناۋقاس بالاعا كۇتىم جاساعان;
5) ينۆازيۆتىك زەرتتەپ-قاراۋ ادىستەرىن جۇرگىزۋ كەزەڭىندە كونسۋلتاتسيالىق-دياگنوستيكالىق ۇيىمداردا زەرتتەپ-قاراۋدان وتكەن;
6) جۇكتىلىكتى جاساندى ۇزگەن;
7) جۇكتى بولعان جانە بوسانعان;
8) جاڭا تۋعان بالانى (بالالاردى) اسىراپ العان;
9) ساناتوريلىك-كۋرورتتىق ۇيىمداردا تولىق ەمدەلگەن;
10) كارانتين;
11) ورتوپەديالىق پروتەزدەۋ;
12) اۋىسىمنىڭ سوڭىنا دەيىن ەڭبەككە جارامسىزدىق بەلگىلەرى بولعان كەزدە (كاسىپورىنداردىڭ جانە ۇيىمداردىڭ مەديتسينالىق پۋنكتەرىنىڭ مەديتسينا قىزمەتكەرلەرى بەرەدى) بەرىلەدى.
5. وسى قاعيدالاردىڭ 3-تارماعىندا كورسەتىلگەن جاعدايلاردا ەڭبەككە ۋاقىتشا جارامسىزدىق پاراعى قازاقستان رەسپۋبليكاسىنىڭ ازاماتتارىنا, ورالماندارعا, قازاقستان رەسپۋبليكاسىندا تۇراقتى تۇراتىن جانە ەڭبەك ەتەتىن جانە ءبىلىم بەرۋ ۇيىمدارىندا وقيتىن شەتەل ازاماتتارىنا ولاردى وندىرىستىك پراكتيكا كەزەڭىندە اقى تولەتىن جۇمىس ورىندارىنا الىنعان كەزەڭدەرىندە بەرىلەدى.
6. ەڭبەككە ۋاقىتشا جارامسىزدىق انىقتاماسى وسى قاعيدالاردىڭ 4-تارماعىندا كورسەتىلگەن جاعدايلاردا قازاقستان رەسپۋبليكاسىنىڭ ازاماتتارىنا, ورالماندارعا, قازاقستان رەسپۋبليكاسىندا تۇراقتى تۇراتىن جانە ەڭبەك ەتەتىن جانە ءبىلىم بەرۋ ۇيىمدارىندا وقيتىن شەتەل ازاماتتارىنا ولاردى وندىرىستىك پراكتيكا كەزەڭىندە اقى تولەتىن جۇمىس ورىندارىنا الىنعان كەزەڭدەرىندە بەرىلەدى.
7. ەڭبەككە ۋاقىتشا جارامسىزدىق پاراعىن جانە انىقتاماسىن:
1) مەملەكەتتىك جانە جەكە مەنشىك نىسانىنداعى مەديتسينالىق ۇيىمداردىڭ, سونداي-اق جەكە مەديتسينالىق پراكتيكامەن اينالىساتىن دارىگەرلەر (بۇدان ءارى – دەنساۋلىق ساقتاۋ سۋبەكتىلەرى) وزدەرىندە ەڭبەككە ۋاقىتشا جارامسىزدىقتى ساراپتاۋ جۇرگىزۋدى قامتيتىن مەديتسينالىق قىزمەتتىڭ ءتۇرىن جۇزەگە اسىرۋعا ليتسەنزياسى بولعان جاعدايدا بەرەدى;
2) مەملەكەتتىك نىسانداعى مەديتسينالىق-سانيتاريالىق العاشقى كومەك (بۇدان ءارى – مساك) ۇيىمدارىنىڭ ورتا مەديتسينالىق ءبىلىمى بار مەديتسينا قىزمەتكەرلەرى پاتسيەنتتەردى ءوز بەتىنشە قابىلداعان جانە باستاپقى ۇيگە شاقىرتۋدا ءوز بەتىنشە قىزمەت كورسەتكەن كەزدە بەرەدى.
8. ەڭبەككە ۋاقىتشا جارامسىزدىق پاراعى:
1) اسكەري باسقارۋ ورگاندارىنىڭ جولداماسى بويىنشا مەديتسينالىق كۋالاندىرۋدان, مەديتسينالىق تەكسەرۋدەن وتەتىن نەمەسە ەمدەلەتىن;
2) قاماۋداعى نەمەسە اكىمشىلىك قاماۋداعى;
3) امبۋلاتوريالىق-ەمحانالىق جاعدايلاردا ءارتۇرلى ەم-شارالار مەن مانيپۋلياتسيالار قابىلدايتىن, زەرتتەپ-قاراۋدان وتەتىن, اسقىنۋدان (ناشارلاۋدان) تىس سوزىلمالى اۋرۋلارى بار;
4) ەڭبەككە ۋاقىتشا جارامسىزدىق بەلگىلەرى انىقتالماعان جاعدايدا مەديتسينالىق ۇيىمعا مەديتسينالىق كومەك سۇراپ, ءوتىنىش بىلدىرگەن ادامدارعا بەرىلمەيدى.
كورسەتىلگەن جاعدايلاردا پاتسيەنتتىڭ تالابى بويىنشا امبۋلاتوريالىق (ستاتسيونارلىق) ناۋقاستىڭ مەديتسينالىق كارتاسىنان كوشىرمە بەرىلەدى.
9. مىناداي مەديتسينالىق ۇيىمدار:
1) قان قىزمەتى سالاسىنداعى قىزمەتتى جۇزەگە اسىراتىن ۇيىمدار;
2) سوت مەديتسيناسى سالاسىنداعى قىزمەتتى جۇزەگە اسىراتىن ۇيىمدار;
3) تراۆماتولوگيالىق پۋنكتەردە جانە ستاتسيونارلىق كومەك كورسەتەتىن مەديتسينالىق ۇيىمداردىڭ قابىلداۋ بولىمشەلەرى;
4) ساناتوريلىك-كۋرورتتىق ۇيىمدار;
5) اپاتتار مەديتسيناسى ۇيىمدارى;
6) سالاماتتى ءومىر سالتىن قالىپتاستىرۋ جانە دۇرىس تاماقتانۋ سالاسىنداعى قىزمەتتى جۇزەگە اسىراتىن ۇيىمدار سالاسىنداعى قىزمەتتى جۇزەگە اسىراتىن ۇيىمدار;
7) دارىگەرلىك-دەنە شىنىقتىرۋ ديسپانسەرلەرى;
8) حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى قىزمەتتى جۇزەگە اسىراتىن ۇيىمدار;
9) جەدەل مەديتسينالىق كومەك ۇيىمدارى ەڭبەككە ۋاقىتشا جارامسىزدىق پاراعىن بەرمەيدى.
2. ەڭبەككە ۋاقىتشا جارامسىزدىققا ساراپتاما جۇرگىزۋ,
ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ ءتارتىبى
10. ەڭبەككە ۋاقىتشا جارامسىزدىق پاراعى جانە انىقتاماسى جەكە باسىن كۋالاندىراتىن قۇجاتتى ۇسىنعان كەزدە بەرىلەدى.
11. ەڭبەككە ۋاقىتشا جارامسىزدىق پاراعىن جانە انىقتاماسىن بەرۋدى جانە ۇزارتۋدى مەديتسينا قىزمەتكەرى ادامدى تەكسەرىپ-قاراعاننان جانە ناۋقاستىڭ امبۋلاتوريالىق (ستاتسيونارلىق) مەديتسينالىق كارتاسىنا ونى جۇمىستان ۋاقىتشا بوساتۋ قاجەتتىگىن نەگىزدەيتىن دەنساۋلىق جاعدايى تۋرالى دەرەكتەردى جازعاننان كەيىن جۇزەگە اسىرادى.
12. ەڭبەككە ۋاقىتشا جارامسىزدىق پاراعى مەن انىقتاماسى ەڭبەككە ۋاقىتشا جارامسىزدىعى بەلگىلەنگەن كۇنىنەن باستاپ مەرەكە جانە دەمالىس كۇندەرىن قوسا العاندا, ەڭبەككە جارامدىلىعىن قالپىنا كەلتىرۋدىڭ بۇكىل كەزەڭى بويىنا بەرىلەدى.
13. وسى قاعيدالاردىڭ 24-تارماعىندا كورسەتىلگەن جاعدايلاردى قوسپاعاندا, ادامدى مەديتسينا قىزمەتكەرى تەكسەرمەگەن, ءوتىپ كەتكەن كۇندەر ءۇشىن ەڭبەككە ۋاقىتشا جارامسىزدىق پاراعىن جانە انىقتاماسىن بەرۋگە جول بەرىلمەيدى.
14. اۋرۋلار مەن جاراقاتتار كەزىندە ەڭبەككە ۋاقىتشا جارامسىزدىق پاراعىن جانە انىقتاماسىن مەديتسينا قىزمەتكەرى كۇنتىزبەلىك ءۇش كۇنگە (حالىقتىڭ تۇماۋمەن, جرۆي-مەن قاتتى سىرقاتتانۋشىلىعى كەزەڭىندە التى كۇنگە دەيىن مەديتسينالىق ۇيىم باسشىسى بۇيرىعىنىڭ نەگىزىندە) جانە جالپى ۇزاقتىعى كۇنتىزبەلىك التى كۇننەن اسپايتىن مەرزىمگە جەكە ءوزى جانە ءبىر مەزگىلدە بەرەدى.
ەڭبەككە ۋاقىتشا جارامسىزدىق پاراعى مەن انىقتاماسىن التى كۇننەن ارتىق ۇزارتۋ مەديتسينالىق ۇيىمنىڭ بولىمشە مەڭگەرۋشىسىمەن بىرلەسىپ, جالپى ۇزاقتىعى كۇنتىزبەلىك جيىرما كۇننەن اسپايتىن مەرزىمگە جۇرگىزىلەدى.
ەڭبەككە ۋاقىتشا جارامسىزدىق پاراعىنان كورسەتىلگەن مەرزىمنەن ارتىق ۇزارتۋ دكك-نىڭ قورىتىندىسى بويىنشا جۇرگىزىلەدى.
ءبىر دارىگەر جۇمىس ىستەيتىن مەديتسينالىق ۇيىمداردا ەڭبەككە ۋاقىتشا جارامسىزدىق پاراعى جانە انىقتاماسى بەرىلەدى جانە دارىگەر ەڭبەككە جارامسىزدىقتىڭ بارلىق كەزەڭىندە بەيىندى ماماننىڭ كونسۋلتاتسياسىمەن ءوز بەتىنشە ۇزارتادى.
جەكە مەديتسينالىق پراكتيكامەن اينالىساتىن جەكە تۇلعالار ەڭبەككە ۋاقىتشا جارامسىزدىق پاراعىن جانە انىقتاماسىن كۇنتىزبەلىك التى كۇننەن اسپايتىن مەرزىمگە بەرەدى.
وسى قاعيدالاردىڭ 7-تارماعىنىڭ 2) تارماقشاسىندا كورسەتىلگەن ورتا مەديتسينالىق ءبىلىمى بار مەديتسينا قىزمەتكەرلەرى ەڭبەككە ۋاقىتشا جارامسىزدىق پاراعىن جانە انىقتاماسىن كۇنتىزبەلىك ءۇش كۇننەن اسپايتىن مەرزىمگە بەرەدى. ءۇش كۇننەن جوعارى ەڭبەككە ۋاقىتشا جارامسىزدىق پاراعىن جانە انىقتاماسىن ۇزارتۋدى ۋچاسكەلىك دارىگەر جۇرگىزەدى.
اۋىلدىق جەرلەردەگى فەلدشەرلەر دارىگەر بولماعان كەزدە حالىقتىڭ تۇماۋمەن, جرۆي-مەن قاتتى سىرقاتتانۋشىلىعى كەزەڭىندە جالپى ۇزاقتىعى كۇنتىزبەلىك التى كۇننەن اسپايتىن مەرزىمگە مەديتسينالىق ۇيىم باسشىسى بۇيرىعىنىڭ نەگىزىندە بەرەدى.
15. ەڭبەككە ۋاقىتشا جارامسىزدىق پاراعى جۇكتىلىكتى جانە بوسانۋدى, سونداي-اق ۋاكىلەتتى ورگان ايقىنداعان جاعدايلاردى قوسپاعاندا, كۇنتىزبەلىك الپىس كۇننەن اسپايتىن مەرزىمگە بەرىلەدى.
ەگەر دكك-نىڭ قورىتىندىسى بويىنشا مۇگەدەكتىكتى بەلگىلەۋ ماقساتىندا ءماس-كە جىبەرۋ ءۇشىن نەگىز بولماسا جانە ادامداردىڭ ەڭبەك جاعدايىن اۋرۋدىڭ كلينيكالىق اعىمى مەن بولجامىن ناشارلاتسا, دكك-نىڭ ەكى ايدان التى ايعا دەيىنگى مەرزىمگە نەعۇرلىم جەڭىل جۇمىسقا ۋاقىتشا اۋىستىرۋ تۋرالى قورىتىندىسى بەرىلەدى. مەرزىمدى كاسىبىنە (ماماندىعىنا), اۋرۋدىڭ اعىمى مەن اسقىنۋلارىنا قاراي دكك بەلگىلەيدى.
16. جۇمىس (اۋىسىم, وقۋ) ۋاقىتى اياقتالعاننان كەيىن مەديتسينالىق كومەككە ءوتىنىش بىلدىرگەن ادامدارعا ەڭبەككە ۋاقىتشا جارامسىزدىق پاراعىندا جانە انىقتاماسىندا كەلەسى كۇننەن باستاپ جۇمىستان بوساتۋ كۇنى كورسەتىلەدى.
17. ەڭبەككە ۋاقىتشا جارامسىزدىق پاراعى مەن انىقتاماسى ستاتسيونارعا ەمدەۋگە جاتقىزىلعان جاعدايدا ەمدەۋگە جاتقىزىلعان كۇننەن باستاپ, بەكىتىلگەن جەرى بويىنشا (باسقا قالادان كەلگەن ادامعا – جۇگىنگەن جەرى بويىنشا) امبۋلاتوريالىق-ەمحانالىق كومەك كورسەتەتىن مەديتسينالىق ۇيىمدا امبۋلاتوريالىق جاعدايلاردا ەمدەلگەن جاعدايلاردا تراۆماتولوگيالىق پۋنكتكە جانە جەدەل جاردەم ستانتسياسىنا جۇگىنگەن كۇندى ولاردىڭ كورسەتىلگەن مەديتسينالىق ۇيىمعا جۇگىنگەندەرىن راستايتىن انىقتامانىڭ نەگىزىندە ەسەپكە الا وتىرىپ بەرىلەدى.
ادام جەدەل جاردەم بريگاداسى جانە (نەمەسە) تراۆماتولوگيالىق پۋنكتە قىزمەت كورسەتىلگەن كەيىن كەلەسى كۇنى امبۋلاتوريالىق-ەمحانالىق كومەك كورسەتەتىن مەديتسينالىق ۇيىمعا جۇگىنەدى.
ەگەر ادامعا جەدەل جاردەم بريگاداسى جانە (نەمەسە) تراۆماتولوگيالىق پۋنكتە جۇما كۇنى, دەمالىس جانە مەرەكە كۇندەرى قىزمەت كورسەتىلسە, وندا ەڭبەككە ۋاقىتشا جارامسىزدىق پاراعى مەن انىقتاماسىن امبۋلاتوريالىق-ەمحانالىق كومەك كورسەتەتىن ۇيىم, تراۆماتولوگيالىق پۋنكتكە جانە جەدەل جاردەم ستانتسياسىنا جۇگىنگەن كۇندى جانە ودان كەيىنگى دەمالىس پەن مەرەكە كۇندەرىن ولاردىڭ كورسەتىلگەن مەديتسينالىق ۇيىمعا جۇگىنگەندەرىن راستايتىن انىقتامانىڭ نەگىزىندە ەسەپكە الا وتىرىپ بەرەدى.
18. ادام اۋىسىم اياقتالعانعا دەيىن ەڭبەككە جارامسىز بولعان جاعدايدا, كاسىپورىندار مەن ۇيىمداردىڭ مەديتسينالىق پۋنكتتەرىنىڭ مەديتسينا قىزمەتكەرى كەيىننەن مەديتسينالىق ۇيىمعا جىبەرە وتىرىپ, اۋىسىمنىڭ اياعىنا دەيىن ەڭبەككە ۋاقىتشا جارامسىزدىق انىقتاماسىن بەرەدى. ەڭبەككە ۋاقىتشا جارامسىزدىق پاراعىن جانە انىقتاماسىن بەرۋدى كاسىپورىننىڭ مەديتسينالىق پۋنكتىنە ءوتىنىش بىلدىرگەن كۇنىن ەسەپكە الا وتىرىپ, ادام بەكىتىلگەن مەديتسينالىق ۇيىمنىڭ مەديتسينا قىزمەتكەرى جۇرگىزەدى.
19. بەلگىلەنگەن تۋبەركۋلەز, پسيحيكالىق, تەرى-ۆەنەرولوگيالىق, ونكولوگيالىق جانە ادامنىڭ يممۋن تاپشىلىعى ۆيرۋسى/ جۇقتىرىلعان يممۋن تاپشىلىعى سيندرومى (بۇدان ءارى – ايتۆ/جيتس) اۋرۋلارى كەزىندە ەڭبەككە ۋاقىتشا جارامسىزدىق پاراعىن جانە انىقتاماسىن مامانداندىرىلعان مەديتسينالىق ۇيىمداردىڭ (بولىمشەلەردىڭ, كابينەتتەردىڭ) ءتيىستى مەديتسينا قىزمەتكەرلەرى بەرەدى. وسى اۋرۋلارمەن اۋىراتىن ادامدار جالپى بەيىندى مەديتسينالىق ۇيىمدارعا جۇگىنگەن كەزدە مەديتسينا قىزمەتكەرى كەيىننەن مىندەتتى تۇردە ادامدى مامانداندىرىلعان مەديتسينالىق ۇيىمعا (بولىمشەگە), ونداي بولماعان جاعدايدا بەيىندى مامانعا جىبەرە وتىرىپ, كۇنتىزبەلىك ءۇش كۇننەن اسپايتىن مەرزىمگە ەڭبەككە ۋاقىتشا جارامسىزدىق پاراعىن جانە انىقتاماسىن بەرەدى.
20. ادامدى ساناتوريلىك-كۋرورتتىق ۇيىمعا اۋىستىرعان جاعدايدا, ونى مەديتسينالىق وڭالتۋ ەمدەۋدىڭ اجىراماس كومپونەنتى بولىپ تابىلعاندا ەڭبەككە ۋاقىتشا جارامسىزدىق پاراعىن جانە انىقتاماسىن ۇزارتۋدى ادام بەكىتىلگەن مەديتسينالىق ۇيىم جۇرگىزەدى.
21. ەڭبەككە ۋاقىتشا جارامسىزدىق پاراعىن جانە انىقتاماسىن ستاتسيونارلىق ەمدەۋ كەزىندە (كۇندىزگى ستاتسيونارلاردى قوسا العاندا) مەديتسينا قىزمەتكەرى ادامدى شىعارعان كۇنى ستاتسيونارلىق ەمدەۋدىڭ بۇكىل كەزەڭىنە بەرەدى.
ەگەر ستاتسيوناردان شىعارۋ ساتىنە ادامنىڭ ەڭبەككە جارامدىلىعى تولىق قالپىنا كەلتىرىلسە, ەڭبەككە ۋاقىتشا جارامسىزدىق پاراعى جانە انىقتاماسى شىعارىلعان كۇنمەن جابىلادى.
ەڭبەككە ۋاقىتشا جارامسىزدىعى ساقتالىپ وتىرعان ادامدارعا ەڭبەككە ۋاقىتشا جارامسىزدىق پاراعى جانە انىقتاماسى ونىڭ ەمحانانىڭ مەديتسينا قىزمەتكەرىنە كەلۋى نەمەسە مەديتسينا قىزمەتكەرىن ۇيگە شاقىرۋى ء(بىر كۇننەن اسپايتىن مەرزىمگە) ءۇشىن قاجەتتى ۋاقىتى ەسكەرىلە وتىرىپ, ۇزارتىلادى.
تۇرعان وڭىرىنەن تىس ەم قابىلداعان ادامدارعا ونىڭ تۇراقتى مەكەنجايىنا كەلۋى ءۇشىن قاجەتتى ۋاقىت (بىراق كۇنتىزبەلىك ءتورت كۇننەن اسپايتىن مەرزىمگە) ەسەپتەلەدى.
ەڭبەككە ۋاقىتشا جارامسىزدىق پاراعىن جانە انىقتاماسىن ودان ءارى ۇزارتۋ جانە جابۋ ادامنىڭ تۇرعىلىقتى جەرى بويىنشا دكك قورىتىندىسىنان كەيىن ونى ودان ءارى باقىلاۋدى جۇزەگە اسىراتىن مەديتسينا قىزمەتكەرى نەمەسە ودان ءارى ەمدەلۋ ءۇشىن ناۋقاس جىبەرىلگەن مەديتسينالىق ۇيىم جۇرگىزەدى.
22. الكوگولدىك نەمەسە ەسىرتكىلىك ماس بولۋ كۇيىندە العان جاراقاتتار كەزىندە, سونداي-اق الكوگولدىك نەمەسە ەسىرتكىلىك ءجىتى ۋىتتانعان كەزدە ەڭبەككە ۋاقىتشا جارامسىزدىقتىڭ بۇكىل كەزەڭىنە ەڭبەككە ۋاقىتشا جارامسىزدىق انىقتاماسى بەرىلەدى.
پاتسيەنتكە ەڭبەككە ۋاقىتشا جارامسىزدىق انىقتاماسى بەرىلگەن اۋرۋمەن بايلانىستى ەمەس باسقا اۋرۋ تۋىنداعان كەزدە, ەڭبەككە ۋاقىتشا جارامسىزدىق انىقتاماسى جابىلادى جانە ەڭبەككە ۋاقىتشا جارامسىزدىق پاراعى بەرىلەدى. ەگەر, وسى اۋرۋ بويىنشا ەڭبەككە قابىلەتتىلىك قالپىنا كەلگەننەن كەيىن, الكوگولدىك نەمەسە ەسىرتكىلىك ماس بولۋ كۇيىندە العان جاراقاتتارمەن تۋىنداعان ەڭبەككە ۋاقىتشا جارامسىزدىق جالعاسادى, قايتادان ەڭبەككە ۋاقىتشا جارامسىزدىق انىقتاماسى اشىلادى.
23. وزگە دە بۇزىلۋشىلىقتارمەن جانە اۋرۋدارمەن اسقىنباعان سوزىلمالى الكوگوليزمدى, ناشاقورلىقتى ەمدەۋ كەزىندە ەڭبەككە ۋاقىتشا جارامسىزدىق انىقتامامەن كۋالاندىرىلادى. ەگەر وسى كەزەڭدە ەڭبەككە ۋاقىتشا جارامسىزدىقتىڭ بولۋىمەن اۋرۋ نەمەسە جاراقاتتان تۋىنداسا جانە الكوگوليزمدى (ناشاقورلىقتى) ەمدەۋدى توقتاتۋ تالاپ ەتىلسە ەڭبەككە ۋاقىتشا جارامسىزدىق جالپى تارتىپپەن كۋالاندىرىلادى. سوزىلمالى الكوگوليزم (ناشاقورلىق) وزگە دە اۋرۋلارمەن جانە ەڭبەككە قابىلەتتىلىكتى بۇزاتىن جاعدايلارمەن اسقىنعان كەزدە ەڭبەككە جارامسىزدىقتىڭ بۇكىل كەزەڭىنە جالپى تارتىپپەن ەڭبەككە جارامسىزدىق پاراعى بەرىلەدى.
24. پسيحيكالىق اۋرۋلاردان زارداپ شەگەتىن ادامدار مەديتسينالىق ۇيىمعا ۋاقىتىندا قارالماعان كەزدە ەڭبەككە ۋاقىتشا جارامسىزدىق پاراعى جانە انىقتاماسى پسيحونەۆرولوگيالىق ديسپانسەردىڭ دكك-نىڭ نەمەسە مەديتسينالىق ۇيىمنىڭ باسشىسىمەن بىرلەسە وتىرىپ, مەديتسينا قىزمەتكەرىنىڭ (پسيحياتر دارىگەر) قورىتىندىسى بويىنشا وتكەن كۇندەرى ءۇشىن بەرىلەدى.
سوتتىڭ شەشىمى بويىنشا ەڭبەككە جارامسىز دەپ تانىلعان سوت-مەديتسينالىق نەمەسە سوت-پسيحياتريالىق ساراپتاماعا جىبەرىلگەن ادامدارعا ەڭبەككە ۋاقىتشا جارامسىزدىق پاراعى جانە انىقتاماسى ساراپتاماعا تۇسكەن كۇنىنەن باستاپ بەرىلەدى.
25. وقۋىن جۇمىسپەن قوسا اتقاراتىن ادامعا ەڭبەككە ۋاقىتشا جارامسىزدىق پاراعىن تىركەلگەن جەرىندەگى مەديتسينالىق ۇيىمدار بەرەدى.
26. ەگەر ادام بىرنەشە جۇمىس بەرۋشىدە جۇمىس ىستەيتىن بولسا ەڭبەككە ۋاقىتشا جارامسىزدىق پاراعى نەگىزگى جۇمىس ورنى بويىنشا بەرىلەدى, ادامنىڭ باسقا جۇمىس ورىندارىنا مەديتسينالىق ۇيىم باسشىسى بەكىتكەن جانە مەديتسينالىق ۇيىمنىڭ ءمورى قويىلعان ەڭبەككە ۋاقىتشا جارامسىزدىق پاراعىنىڭ كوشىرمەلەرى بەرىلەدى.
27. جۇكتى ايەلدەرگە, بالا (بالالاردى) تۋعان ايەلدەرگە, جاڭا تۋعان بالانى (بالالاردى) اسىراپ العان ايەلدەرگە (ەرلەرگە) ەڭبەككە ۋاقىتشا جارامسىزدىق پاراعى ەكى دانادا بەرىلەدى:
1) جۇكتىلىگى مەن بوسانۋىنا, جاڭا تۋعان بالانى (بالالاردى) اسىراپ الۋىنا بايلانىستى تابىسىنان ايرىلعان جاعدايلارعا مەملەكەتتىك الەۋمەتتىك ساقتاندىرۋ قورىنان الەۋمەتتىك تولەماقىنى جۇزەگە اسىرۋ ءۇشىن;
2) جۇكتىلىگى مەن بوسانۋى, جاڭا تۋعان بالانى (بالالاردى) اسىراپ الۋى جونىندەگى دەمالىستار بەرۋ ءۇشىن ەڭبەككە ۋاقىتشا جارامسىزدىق پاراعى (پاراقتارى) بەرىلەدى.
28. ەڭبەككە ۋاقىتشا جارامسىزدىق پاراعى جانە انىقتاماسى ولاردىڭ ۋاقىتشا كەلگەن جەرىندە رەسىمدەلەدى جانە ءتيىستى مەديتسينالىق ۇيىم باسشىسىنىڭ كەلىسىمى بويىنشا بەرىلەدى.
كورسەتىلگەن ەڭبەككە ۋاقىتشا جارامسىزدىق پاراعىن جانە انىقتاماسىن ۇزارتۋ ەڭبەككە ۋاقىتشا جارامسىزدىق پاراعىن جانە انىقتاماسىن اشقان مەديتسينالىق ۇيىمنىڭ دكك قورىتىندىسى بولعان جاعدايدا تۇراقتى مەكەنجايى بويىنشا جۇرگىزىلەدى.
29. تۇراقتى مەكەنجايىنان تىس, ونىڭ ىشىندە قازاقستان رەسپۋبليكاسىنىڭ شەگىنەن تىس مەديتسينالىق ۇيىمدارعا جىبەرىلگەن ادامدارعا ەڭبەككە ۋاقىتشا جارامسىزدىق پاراعىن جانە انىقتاماسىن جول جۇرۋگە قاجەتتى كۇنگە, بىراق كۇنتىزبەلىك بەس كۇننەن اسپايتىن مەرزىمگە دكك قورىتىندىسى بويىنشا جىبەرگەن مەديتسينالىق ۇيىم بەرەدى.
بۇل ەڭبەككە ۋاقىتشا جارامسىزدىق پاراعىن جانە انىقتاماسىن ۇزارتۋ ادام جىبەرىلگەن مەديتسينالىق ۇيىمدا جۇرگىزىلەدى.
ەگەر ادام قازاقستان رەسپۋبليكاسىنان تىس جىبەرىلگەن بولسا, ەڭبەككە ۋاقىتشا جارامسىزدىق پاراعىن جانە انىقتاماسىن سوڭعى رەسىمدەۋدى ول قايتىپ كەلگەن كەزدە دكك باسقا ەلدەگى كونسۋلتاتسيا (ەمدەۋ) تۋرالى قۇجاتتاردىڭ نەگىزىندە جۇرگىزەدى.
30. بەكىتىلگەن جەرى بويىنشا مەديتسينالىق ۇيىمنان ەڭبەككە ۋاقىتشا جارامسىزدىق پاراعىن جانە انىقتاماسىن العان ادامدارعا ولاردى باسقا مەديتسينالىق ۇيىمدا ۇزارتۋ ەڭبەككە ۋاقىتشا جارامسىزدىق پاراعىن جانە انىقتاماسىن بەرگەن مەديتسينالىق ۇيىمنىڭ دكك قورىتىندىسى بولعان كەزدە عانا جۇرگىزىلەدى.
31. شەتەلدەگى قازاقستان رەسپۋبليكاسى ازاماتتارىنىڭ جانە قازاقستان رەسپۋبليكاسىنىڭ اۋماعىندا تۇراقتى ءومىر سۇرەتىن جانە ەڭبەك ەتەتىن ورالمانداردىڭ, شەتەل ازاماتتارىنىڭ اۋرۋ, جاراقاتتانۋ فاكتىلەرىن كۋالاندىراتىن قۇجاتتار ونىڭ بەكىتىلگەن جەرىندەگى مەديتسينالىق ۇيىمنىڭ دكك قورىتىندىسى بويىنشا ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ ءۇشىن نەگىز بولىپ تابىلادى.
اۋرۋ, جاراقاتتانۋ فاكتىلەرىن كۋالاندىراتىن قۇجاتتاردى قازاق نەمەسە ورىس تىلىنە اۋدارۋ جانە كەلگەن ەلىندە نەمەسە قازاقستان رەسپۋبليكاسىندا بەكىتۋ قاجەت.
32. قازاقستان رەسپۋبليكاسىنا ۋاقىتشا كەلگەن شەتەل ازاماتتارىنا اۋىرعان, جاراقاتتانعان جاعدايدا ەڭبەككە ۋاقىتشا جارامسىزدىق انىقتاماسى بەرىلەدى.
33. ءماس-عا:
1) ەڭبەككە ۋاقىتشا جارامسىزدىعى باستالعان كۇننەن باستاپ ءتورت ايدان كەيىن نەمەسە قايتالاپ اۋرۋى (سول اۋرۋمەن) كەزىندە سوڭعى ون ەكى ايدىڭ ىشىندە ەڭبەككە ۋاقىتشا جارامسىزدىقتىڭ بەس ايىنان كەشىكتىرمەي;
2) جاراقاتتانۋ كەزىندە ەڭبەككە ۋاقىتشا جارامسىزدىعى باستالعان كۇننەن باستاپ ءتورت ايدان كەيىن, اۋرۋ اعىمىنىڭ بولاشاق بولجامى بولعان كەزدە دكك شەشىمى بويىنشا ەڭبەككە ۋاقىتشا جارامسىزدىق پاراعى ەكى ايعا ۇزارتىلادى;
3) تۋبەركۋلەزبەن اۋرۋدىڭ سالدارىنان ەڭبەككە ۋاقىتشا جارامسىزدىق باستالعان كۇننەن باستاپ سەگىز ايدان كەيىن ۇزاق اۋىراتىن, جۇمىس ىستەيتىن ەڭبەككە ۋاقىتشا جارامسىزدىق پاراقتارى بار ادامدار جىبەرىلەدى.
34. مۇگەدەك دەپ تانىلعان ادامعا مۇگەدەكتىك توبى بەلگىلەنگەن كۇنمەن ەڭبەككە ۋاقىتشا جارامسىزدىق پاراعى جانە انىقتاماسى جابىلادى.
35. جۇمىس ىستەيتىن مۇگەدەكتەر مۇگەدەكتىككە اكەلگەن اۋرۋلارى بويىنشا دەنساۋلىعى ناشارلاعان كەزدە ۋاقىتشا جۇمىسقا جارامسىزدىق كۇنىنەن باستاپ ەكى ايدان كەيىن ءماس-عا جىبەرىلەدى. ەگەر جۇمىس ىستەيتىن مۇگەدەكتەردىڭ دەنساۋلىعى مۇگەدەكتىككە اكەلگەن اۋرۋلارمەن بايلانىستى ناشارلاسا, وندا ەڭبەككە ۋاقىتشا جارامسىزدىق پاراعى قاعيداعا سايكەس جالپى نەگىزدەردە بەرىلەدى.
36. ادامدى ءماس-عا جىبەرۋدەن باس تارتقان جاعدايدا ۋاقىتشا جۇمىسقا جارامسىزدىق پاراعى ءماس-عا جىبەرۋدەن باس تارتقان كۇنىنەن باستاپ ۇزارتىلمايدى, بۇل تۋرالى مالىمەتتەر ەڭبەككە ۋاقىتشا جارامسىزدىق پاراعىندا جانە ناۋقاستىڭ امبۋلاتوريالىق (ستاتسيونارلىق) مەديتسينالىق كارتاسىندا كورسەتىلەدى.
37. ەڭبەككە ۋاقىتشا جارامسىزدىق پاراعىنىڭ بلانكتەرى قاتاڭ ەسەپتىلىك قۇجاتتارى بولىپ تابىلادى.
38. ەڭبەككە ۋاقىتشا جارامسىزدىق پاراعى وسى قاعيدالارعا قوسىمشاعا سايكەس نىسان بويىنشا بەرىلەدى.
39. ەڭبەككە ۋاقىتشا جارامسىزدىق پاراعى مەملەكەتتىك نەمەسە ورىس تىلدەرىندە رەسىمدەلەدى.
40. ەڭبەككە ۋاقىتشا جارامسىزدىق پاراعىن بەرەتىن دەنساۋلىق ساقتاۋ سۋبەكتىلەرى ونىڭ بەتكى جاعىن تولتىرادى. «ەڭبەككە ۋاقىتشا جارامسىزدىق پاراعى» اتاۋىمەن ەڭبەككە ۋاقىتشا جارامسىزدىق پاراعىنىڭ بەتكى جاعىندا تيىسىنشە نە «العاشقى» نە «جالعاسى» دەگەن سوزدەردىڭ استى سىزىلادى. ودان كەيىن مەديتسينالىق ۇيىمنىڭ اتاۋى مەن مەكەنجايى, پاراقتى بەرۋ كۇنى, پاتسيەنتتىڭ تەگى, اتى, اكەسىنىڭ اتى, لاۋازىمى مەن جۇمىس ورنى كورسەتىلىپ, مەديتسينالىق ۇيىمنىڭ ءمورى قويىلادى.
41. «ۋاقىتشا جۇمىسقا جارامسىزدىق ءتۇرى» باعانىندا پاراقتى بەرۋ نەگىزى كورسەتىلەدى. ەگەر ەڭبەككە ۋاقىتشا جارامسىزدىق پاراعى بوسانۋعا بايلانىستى بەرىلسە - بوسانۋ كۇنى, ۇل/قىز بالانى اسىراپ الۋعا بايلانىستى-اسىراپ الۋ كۇنى, ناۋقاس بالاعا كۇتىم جاساۋ بويىنشا - بالانىڭ تۋعان جىلى مەن كۇنى كورسەتىلەدى.
42. «رەجيم دەگەن جولدا جازىلعان ەمدەۋ-ساقتاۋ رەجيمىنىڭ (ستاتسيونارلىق, امبۋلاتوريالىق, ساناتوريالىق) ءتۇرى كورسەتىلەدى. مەديتسينا قىزمەتكەرى تاعايىنداعان رەجيمدى ادامنىڭ بۇزۋ جاعدايلارى (الكوگولدى شامادان تىس پايدالانۋ, تاعايىنداعان زەرتتەپ-قاراۋدى نەمەسە ەمدەۋدى ورىنداماۋ, مەديتسينا قىزمەتكەرىنىڭ قابىلداۋىنا كورسەتىلگەن مەرزىمدە كەلمەۋ, باسقا جەرگە كەتىپ قالۋ جانە باسقالار) مىندەتتى تۇردە بەلگىلەنىپ, مەديتسينا قىزمەتكەرىنىڭ قولى قويىلادى.
43. ءتيىستى كەستەلەردە ستاتسيونارلىق ەمدەۋ مەرزىمدەرى تۋرالى, ءماس-عا جولداۋ كۇنى جانە ولاردىڭ قورىتىندىسى تۋرالى بەلگىلەر جاسالادى.
44. «جۇمىستان بوساتۋ» بولىمىندەگى «قاي كۇننەن باستاپ» باعانى اراب تسيفرلارىمەن, ال «قاي كۇندى قوسا العاندا» دەگەن باعاندا جازباشا جازىلادى. بۇل ءبولىمنىڭ ءاربىر جولىندا مەديتسينا قىزمەتكەرىنىڭ لاۋازىمى, تەگى مەن اتى, قولى كورسەتىلەدى.
45. «جۇمىسقا كىرىسۋ» دەگەن جول ادام تەكسەرىلىپ-قارالعاننان جانە ەڭبەككە جارامدى دەپ تانىلعاننان كەيىن كەلەسى كۇنمەن (ايى مەن كۇنى) جازباشا تولتىرىلادى. ەڭبەككە ۋاقىتشا جارامسىزدىق ساقتالعان جاعدايدا: «ءالى سىرقاتتانۋدا» دەپ جازىلادى جانە باسقا ەڭبەككە جارامسىزدىق پاراعىنىڭ ءنومىرى مەن بەرىلگەن كۇنى كورسەتىلەدى. ەڭبەككە جارامسىزدىق باسقاشا اياقتالعان جاعدايدا: «مۇگەدەكتىك بەلگىلەندى (كۇنى)», «قايتىس بولدى» (قايتىس بولعان كۇنى كورسەتىلەدى) دەگەن مالىمەتتەر جازىلادى.
ەڭبەككە ۋاقىتشا جارامسىزدىق پاراعىن بەرگەننەن نەمەسە مەرزىمىن ۇزارتقاننان كەيىن ادام قابىلداۋعا كەلمەسە, ال كەزەكتى قابىلداۋدا ەڭبەككە جارامدى دەپ تانىلسا, ەڭبەككە جارامسىزدىق پاراعىنىڭ «جۇمىسقا كىرىسۋ» دەگەن جولىندا: «جۇمىسقا جارامدى» (كەلگەن كۇنى كورسەتىلە وتىرىپ), «قاي كۇننەن باستاپ» جانە «قاي كۇندى قوسا العاندا» دەگەن باعاندارداعى بوس جولدار «Z» بەلگىسىمەن سىزىلادى.
46. ەڭبەككە ۋاقىتشا جارامسىزدىق پاراعى ادامنىڭ ءوتىنىشى بويىنشا نەمەسە ونىڭ جۇمىسىنداعى اكىمشىلىكتىڭ تالابى بويىنشا جابىلمايدى.
47. ناۋقاستىڭ امبۋلاتوريالىق كارتاسىندا (ستاتسيونارلىق سىرقاتتىڭ مەديتسينالىق كارتاسىندا) ەڭبەككە ۋاقىتشا جارامسىزدىق پاراقتارى بلانكىلەرىنىڭ نومىرلەرى, ولاردىڭ بەرىلگەن كۇنى, ۇزارتىلعان نەمەسە جۇمىسقا شىعارىلعان كۇنى جازىلادى.
48. ەڭبەككە ۋاقىتشا جارامسىزدىق پاراعىنىڭ سىرتقى بەتىن ادامنىڭ جۇمىس ورنى بويىنشا جۇمىس بەرۋشى ءمور باسىپ, ەڭبەككە ۋاقىتشا جارامسىزدىق كەزەڭىندە اقى تولەنەتىن جۇمىس كۇندەرىن كورسەتۋدى ەسەپكە الا وتىرىپ, تولتىرادى.
49. دۇرىس جازىلماعانداردى سىزا جانە ۇستىڭگى جاعىنا دۇرىس جازا وتىرىپ, تۇزەتۋلەر ەنگىزۋگە بولادى. تۇزەتۋلەر دەنساۋلىق ساقتاۋ سۋبەكتىسىنىڭ مورىمەن كۋالاندىرىلعان مەديتسينا قىزمەتكەرىنىڭ قولىمەن ەسكەرتىلەدى.
50. ەڭبەككە ۋاقىتشا جارامسىزدىق پاراعىن اشقان كەزدە دەنساۋلىق ساقتاۋ سۋبەكتىسىنىڭ ءمورى پاراقتىڭ ءبىرىنشى ءبولىمىنىڭ ۇستىندە وڭ جاعىنا جانە جۇمىسقا شىعارعان كەزدە نەمەسە جالعاسىن بەرگەن كەزدە تومەنگى جاعىنا قويىلادى.
51. بارلىق ەڭبەككە ۋاقىتشا جارامسىزدىق پاراقتارى ەڭبەككە ۋاقىتشا جارامسىزدارعا ەڭبەككە ۋاقىتشا جارامسىزدىق پاراقتارىنىڭ بلانكىلەرى بويىنشا ەسەپتىلىك ءۇشىن قۇجات بولىپ تابىلاتىن تۇبىرتەكتەرگە قول قويدىرۋ ارقىلى بەرىلەدى.
52. بەرىلگەن ەڭبەككە ۋاقىتشا جارامسىزدىق پاراقتارىنىڭ ەسەبى ەڭبەككە ۋاقىتشا جارامسىزدىق پاراقتارىن تىركەۋ كىتابىندا جۇرگىزىلەدى.
53. ب ۇلىنگەن جانە الىنباي قالعان ەڭبەككە ۋاقىتشا جارامسىزدىق پاراقتارىنىڭ بلانكىلەرىن ولاردى بەرگەن مەديتسينا قىزمەتكەرلەرى مىناداي تارتىپپەن قايتارادى: بلانكتى ءيىر سىزىقپەن سىزادى جانە ءىرى ارىپتەرمەن «ب ۇلىنگەن» نەمەسە «قايتارىلعان» دەپ جازادى.
بلانكىلەردىڭ تۇبىرتەكتەرى, ب ۇلىنگەن نەمەسە الىنباي قالعان بلانكىلەر مەديتسينالىق ۇيىمدا ەكى جىل بويى ساقتالادى, سودان كەيىن باسشى بۇيرىعىنىڭ نەگىزىندە جويىلادى. ب ۇلىنگەن نەمەسە الىنباي قالعان بلانكىلەردى جويۋ تۋرالى اكت بەس جىل بويى ساقتالادى.
54. ەڭبەككە ۋاقىتشا جارامسىزدىق پاراعىن جوعالتقان جاعدايدا, جۇمىس ورنىنان جوعالعان ەڭبەككە ۋاقىتشا جارامسىزدىق پاراعى بويىنشا جاردەم اقى تولەنبەگەندىگى تۋرالى انىقتامانى ۇسىنعان كەزدە ەڭبەككە ۋاقىتشا جارامسىزدىق پاراعىن بەرگەن دەنساۋلىق ساقتاۋ سۋبەكتىسى ونىڭ تەلنۇسقاسىن بەرەدى. تەلنۇسقانىڭ الدىڭعى بەتىنىڭ جوعارعى جاعىندا «تەلنۇسقا» دەگەن بەلگى قويىلادى.
55. تاعايىنداعان كۇنى دارىگەردىڭ قابىلداۋىنا كەلمەگەن ادامعا ەڭبەككە ۋاقىتشا جارامسىزدىق پاراعى جۇگىنگەن كۇنىنەن باستاپ كەلمەگەن كۇندەرىن ەسەپتەمەي ۇزارتىلادى.
56. ەڭبەككە جارامسىزدىق جالعاسقان جاعدايدا مەديتسينا قىزمەتكەرى العاشقى ەڭبەككە جارامسىزدىق پاراعىنىڭ «رەجيمدى بۇزۋ تۋرالى بەلگىلەر» دەگەن باعانىندا بۇزۋشىلىقتى بەلگىلەپ, ادامعا ەڭبەككە ۋاقىتشا جارامسىزدىق پاراعىنىڭ «جالعاسىن» بەرەدى.
57. ەڭبەككە ۋاقىتشا جارامسىزدىق پاراعىنىڭ بلانكىلەرى ۇرلانعان نەمەسە جوعالعان جاعدايدا مەديتسينالىق ۇيىم ونى انىقتاعان كۇنىنەن باستاپ كۇنتىزبەلىك ءۇش كۇننەن كەشىكتىرىلمەيتىن مەرزىمدە كورسەتىلگەن فاكتىلەر تۋرالى جەرگىلىكتى مەملەكەتتىك دەنساۋلىق ساقتاۋ ورگانىنا حابارلايدى.
3. جۇكتىلىك پەن بوسانۋ بويىنشا ۋاقىتشا ەڭبەككە جارامسىزدىق پاراعىن جانە انىقتاماسىن بەرۋ
58. جۇكتىلىك پەن بوسانۋ بويىنشا ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ مىناداي تارتىپپەن جۇزەگە اسىرىلادى: 1) جۇكتىلىك پەن بوسانۋ بويىنشا ەڭبەككە ۋاقىتشا جارامسىزدىق پاراعىن جانە انىقتاماسىن مەديتسينا قىزمەتكەرى (اكۋشەر-گينەكولوگ دارىگەر), ال ول بولماعان جاعدايدا – جۇكتىلىكتىڭ وتىزىنشى اپتاسىنان باستاپ ۇزاقتىعى كۇنتىزبەلىك ءجۇز جيىرما التى كۇنگە (بوسانعانعا دەيىن كۇنتىزبەلىك جەتپىس كۇن جانە بوسانعاننان كەيىن كۇنتىزبەلىك ەلۋ التى كۇن) دكك قورىتىندىسىنان كەيىن بولىمشە مەڭگەرۋشىسىمەن بىرلەسىپ, دارىگەر بەرەدى.
يادرولىق سىناقتاردىڭ اسەرىنە ۇشىراعان اۋماقتاردا تۇراتىن ايەلدەرگە جۇكتىلىگى مەن بوسانۋى بويىنشا ەڭبەككە ۋاقىتشا جارامسىزدىق پاراعى جانە انىقتاماسى قالىپتى بوسانعان جاعدايدا جيىرما جەتى اپتادان باستاپ ۇزاقتىعى كۇنتىزبەلىك ءجۇز جەتپىس كۇنگە جانە اسقىنۋلارى بار بوسانۋلار نەمەسە ەكى جانە ودان دا كوپ بالا تۋعان جاعدايدا كۇنتىزبەلىك ءجۇز سەكسەن ءتورت كۇنگە بەرىلەدى;
2) جۇكتىلىگى مەن بوسانۋى بويىنشا تۇراقتى مەكەنجايىنان قازاقستان رەسپۋبليكاسىنان تىس ۋاقىتشا كەتكەن ايەلدەرگە ەڭبەككە ۋاقىتشا جارامسىزدىق پاراعى جانە انىقتاماسى بوسانعان جەرىندەگى مەديتسينالىق ۇيىمدا نەمەسە ايەلدەر كونسۋلتاتسياسىندا (كابينەتىندە) بوساندىرۋ ۇيىمىنىڭ شىعارۋ قاعازىنا (اۋىستىرۋ كارتاسىنا) سايكەس باقىلاۋ ورنى بويىنشا بەرىلەدى (ۇزارتىلادى);
تۇراقتى مەكەنجايىنان قازاقستان رەسپۋبليكاسىنان تىس ۋاقىتشا كەتكەن ايەلدەرگە, ولار جۇكتىلىگى مەن بوسانۋى بويىنشا دەمالىسى كەزىندە جۇگىنگەن كەزدە ەڭبەككە ۋاقىتشا جارامسىزدىق پاراعى جانە انىقتاماسى بەكىتىلگەن ورنى بويىنشا مەديتسينالىق ۇيىمدا دكك قورىتىندىسى بويىنشا, بالانىڭ (بالالاردىڭ) مەديتسينالىق ۇيىمدا تۋىلعان فاكتىسىن راستايتىن قۇجاتتى جانە بالانىڭ تۋ تۋرالى كۋالىگىن كورسەتكەن كەزدە بەرىلەدى (ۇزارتىلادى). ۇسىنىلاتىن قۇجاتتار قازاق نەمەسە ورىس تىلدەرىنە اۋدارىلۋى جانە كەلگەن ەلىندە نەمەسە قازاقستان رەسپۋبليكاسىندا بەكىتىلۋى ءتيىس.
3) اسقىنعان بوسانۋ, ەكى جانە ودان دا كوپ بالا تۋعان جاعدايدا ەڭبەككە ۋاقىتشا جارامسىزدىق پاراعى جانە انىقتاماسى بوساندىراتىن دەنساۋلىق ساقتاۋ ۇيىمىنىڭ شىعارۋ قاعازىنا سايكەس باقىلاعان جەرى بويىنشا ايەلدەر كونسۋلتاتسياسىندا (كابينەتىندە) قوسىمشا كۇنتىزبەلىك ون ءتورت كۇنگە ۇزارتىلادى. مۇنداي جاعدايدا بوسانعانعا دەيىنگى جانە بوسانعاننان كەيىنگى دەمالىستاردىڭ جالپى ۇزاقتىعى كۇنتىزبەلىك ءجۇز قىرىق كۇندى قۇرايدى;
4) دەنە سالماعى بەس ءجۇز جانە ودان ارتىق گرامم بولعان جيىرما ەكى جانە جيىرما توعىز اپتالىق ءتىرى بالا تۋعان جانە ول جەتى تاۋلىكتەن استام ءومىر سۇرگەن جاعدايدا ايەلگە بوسانۋ فاكتىسى بويىنشا كۇنتىزبەلىك جەتپىس كۇنگە ەڭبەككە ۋاقىتشا جارامسىزدىق پاراعى جانە انىقتاماسى بەرىلەدى.
دەنە سالماعى بەس ءجۇز جانە ودان ارتىق گرامم بولعان جيىرما ەكى جانە جيىرما توعىز اپتالىق ءولى بالا تۋعان نەمەسە ول جەتى تاۋلىككە دەيىن ءتىرى بولىپ, ولگەن جاعدايدا ايەلگە بوسانۋ فاكتىسى بويىنشا كۇنتىزبەلىك ەلۋ التى كۇنگە ەڭبەككە ۋاقىتشا جارامسىزدىق پاراعى جانە انىقتاماسى بەرىلەدى;
5) يادرولىق سىناقتاردىڭ اسەرىنە ۇشىراعان اۋماقتاردا تۇراتىن ايەلدەر ءۇشىن دەنە سالماعى بەس ءجۇز جانە ودان ارتىق گرامم بولعان جيىرما ەكىدەن جيىرما توعىز اپتاعا دەيىنگى مەرزىمدە ءتىرى بالا تۋعان نەمەسە ول جەتى تاۋلىكتەن استام ءومىر سۇرگەن جاعدايدا ايەلگە توقسان ءبىر كۇنگە ەڭبەككە ۋاقىتشا جارامسىزدىق پاراعى جانە انىقتاماسى بەرىلەدى. ءولى بالا تۋعان كەزدە نەمەسە تۋعان بالاسى جەتى تاۋلىككە دەيىن ءتىرى بولىپ, ولگەن جاعدايدا ايەلگە بوسانۋ فاكتىسى بويىنشا كۇنتىزبەلىك جەتپىس جەتى كۇنگە ەڭبەككە ۋاقىتشا جارامسىزدىق پاراعى جانە انىقتاماسى بەرىلەدى;
6) ايەل تولەنەتىن جىل سايىنعى ەڭبەك دەمالىسىندا نەمەسە ءۇش جاسقا تولعانشا بالاعا كۇتىم جاساۋ بويىنشا جالاقىسى ساقتالمايتىن قوسىمشا دەمالىستا بولعان كەزەڭدە جۇكتىلىك باستالعان كەزدە ەڭبەككە ۋاقىتشا جارامسىزدىق پاراعى جۇكتىلىگى مەن بوسانۋى بويىنشا دەمالىستىڭ بۇكىل كۇندەرىنە بەرىلەدى;
7) بوسانعان كەزدە نەمەسە بوسانعاننان كەيىنگى كەزەڭدە اناسى قايتىس بولعان جاعدايدا ەڭبەككە ۋاقىتشا جارامسىزدىق پاراعى جانە انىقتاماسى نارەستەگە كۇتىم جاساۋدى جۇزەگە اسىراتىن ادامعا بەرىلەدى;
8) جۇكتىلىكتىڭ جاساندى ءۇزۋ وپەراتسياسى كەزىندە ەڭبەككە ۋاقىتشا جارامسىزدىق پاراعىن جانە انىقتاماسىن وپەراتسيا جۇرگىزىلگەن ستاتسيوناردا جانە امبۋلاتوريالىق-ەمحانالىق دەڭگەيدە بولعان كەزدە دارىگەر بولىمشە مەڭگەرۋشىسىمەن بىرلەسىپ بەرەدى, ال اسقىنۋلار بولعان جاعدايدا - ەڭبەككە ۋاقىتشا جارامسىزدىعىنىڭ بۇكىل كەزەڭىنە بەرەدى.
تۇسىك وزدىگىنەن تۇسكەن (تۇسىك تاستاعاندا) جاعدايدا ەڭبەككە ۋاقىتشا جارامسىزدىق پاراعى جانە انىقتاماسى ەڭبەككە جارامسىزدىقتىڭ بۇكىل كەزەڭىنە بەرىلەدى;
9) ەمبريوندى اۋىستىرىپ قوندىرۋ وپەراتسياسىن جۇرگىزگەن كەزدە وپەراتسيا جاساعان مەديتسينالىق ۇيىم ەمبريوندى اۋىستىرىپ قوندىرعان كۇنىنەن باستاپ جۇكتىلىكتى بەلگىلەۋ فاكتىسىنە دەيىن ەڭبەككە ۋاقىتشا جارامسىزدىق پاراعىن جانە انىقتاماسىن بەرەدى.
جاڭا تۋعان ۇل نەمەسە قىز بالانى (بالالاردى) اسىراپ العان ادامدارعا, سونداي-اق بيولوگيالىق انالارعا قۇرىق انا بولۋ كەزىندە ۇل نەمەسە قىز بالانى اسىراپ العان كۇنىنەن باستاپ جانە بالا تۋعان كۇنىنەن باستاپ كۇنتىزبەلىك ەلۋ التى كۇن وتكەنگە دەيىن تىكەلەي پەرزەنتحانادان ەڭبەككە ۋاقىتشا جارامسىزدىق پاراعى جانە انىقتاماسى بەرىلەدى.
4. بالاعا كۇتىم جاساۋ بويىنشا ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ
59. ناۋقاس بالاعا كۇتىم جاساۋ بويىنشا ەڭبەككە ۋاقىتشا جارامسىزدىق پاراعىن جانە انىقتاماسىن مەديتسينا قىزمەتكەرى تىكەلەي كۇتىم جاساۋدى جۇزەگە اسىراتىن بالانىڭ زاڭدى وكىلدەرىنىڭ نەمەسە جاقىن تۋىستارىنىڭ بىرەۋىنە بەرەدى.
60. ناۋقاس بالاعا كۇتىم جاساۋ بويىنشا ەڭبەككە ۋاقىتشا جارامسىزدىق پاراعى جانە انىقتاماسى ول كۇتىم جاساۋدى قاجەت ەتكەن كەزەنىڭ ىشىندە, بىراق كۇنتىزبەلىك ون كۇننەن اسپايتىن مەرزىمگە بەرىلەدى جانە ۇزارتىلادى. اناسىمەن نەمەسە بالانىڭ باسقا دا زاڭدى وكىلدەرىمەن بولعان بالا تۇرعىلىقتى مەكەنجايىنان تىس جەردە اۋىرىپ قالعان جاعدايدا ەڭبەككە ۋاقىتشا جارامسىزدىق پاراعى جانە انىقتاماسى باسقا قالالىق رەتىندە (مەديتسينالىق ۇيىم باسشىسىنىڭ قولى قويىلىپ) بەرىلەدى.
61. دكك قورىتىندىسى بويىنشا كۇتىمدى قاجەت ەتەتىن بالانى ستاتسيونارلىق, ونىڭ ىشىندە وڭالتۋ ورتالىعىندا ەمدەۋ كەزىندە كۇتىم جاساۋ بويىنشا ەڭبەككە ۋاقىتشا جارامسىزدىق پاراعى جانە انىقتاماسى اتا-انانىڭ بىرەۋىنە نەمەسە بالاعا كۇتىم جاسايتىن ادامعا:
1) ءۇش جاسقا دەيىن بالانىڭ ستاتسيوناردا بولعان بۇكىل كەزەڭىندە;
2) ءۇش جاستان جوعارى اۋىر ناۋقاس بالالاردىڭ بالا وسىنداي كۇتىمدى قاجەت ەتەتىن مەرزىمگە;
3) مۇگەدەك-بالانىڭ دكك قورىتىندىسى بويىنشا ستاتسيوناردا بولعان بۇكىل كەششەڭىنە;
4) مەديتسينالىق ۇيىمنىڭ جولداماسىمەن ولاردىڭ تۇراقتى مەكەنجايىنان تىس, ونىڭ ىشىندە قازاقستان رەسپۋبليكاسىنان تىس جەرگە, بارىپ-قايتۋ جولاقىسىن قوسا العاندا, ستاتسيوناردا بولعان بۇكىل كەزەڭىنە بەرىلەدى.
62. ەگەر بالا ستاتسيوناردان شىعارىلعاننان كەيىن كۇتىم جاساۋدى قاجەت ەتسە, ال ەمدەۋگە جاتقىزعانعا دەيىن كۇتىم جاساۋ ءۇشىن جۇمىستان بوساتۋ جۇرگىزىلمەسە, ەڭبەككە ۋاقىتشا جارامسىزدىق پاراعىن جانە انىقتاماسىن تۇرعىلىقتى مەكەنجايى بويىنشا مەديتسينالىق ۇيىم كۇنتىزبەلىك ون كۇنگە دەيىنگى كەزەڭگە بەرەدى. ەگەر ستاتسيونارعا جاتقىزعانعا دەيىن بۇل اۋرۋ بويىنشا ەڭبەككە جارامسىزدىق پاراعى جانە انىقتاماسى بەرىلگەن بولسا, ول قالعان كۇندەرگە دە (ون كۇنگە دەيىن) بەرىلەدى.
63. كۇتىم جاساۋ بويىنشا بوساتىلعان كەزەڭدە بالادا بۇرىنعى اۋرۋعا قاتىسى جوق باسقا اۋرۋ تۋىنداعان جاعدايدا اناسىنا (اكەسىنە نەمەسە وتباسىنىڭ باسقا ءبىر مۇشەسىنە) باسقا ەڭبەككە ۋاقىتشا جارامسىزدىق پاراعى جانە انىقتاماسى بەرىلەدى.
64. ەگەر بالا قازاقستان رەسپۋبليكاسىنان تىس جەرگە جىبەرىلسە, ول قايتىپ كەلگەن كەزدە باسقا ەلدەگى كونسۋلتاتسيا (ەمدەۋ) تۋرالى قۇجاتتاردىڭ نەگىزىندە دكك ەڭبەككە ۋاقىتشا جارامسىزدىق پاراعىن جانە انىقتاماسىن تۇپكىلىكتى رەسىمدەۋدى جۇرگىزەدى.
65. ءبىر مەزگىلدە ەكى جانە ودان دا كوپ بالا اۋىرعان جاعدايدا ولارعا كۇتىم جاساۋ بويىنشا ەڭبەككە ۋاقىتشا جارامسىزدىق پاراعىنىڭ جانە انىقتاماسىنىڭ بىرەۋى بەرىلەدى.
66. بالا اناسىنىڭ (اكەسىنىڭ) جۇمىستان بوساۋىن (جىل سايىنعى تولەنەتىن ەڭبەك دەمالىسى, جۇكتىلىگى جانە بوسانۋى بويىنشا دەمالىس, ەڭبەكاقىسى ساقتالمايتىن دەمالىس, دەمالىس نەمەسە مەرەكە كۇندەرى, سونداي-اق بالادا بۇرىنعى اۋرۋىنا بايلانىستى ەمەس باسقا اۋرۋ تۋىنداعان جاعدايدا) قاجەت ەتپەيتىن كەزەڭدە اۋىرعان كەزدە كۇتىم جاساۋ بويىنشا ۋاقىتشا جۇمىسقا جارامسىزدىق پاراعى بالانىڭ سىرقاتتانۋى باستالعان كۇنى ەسەپكە الىنباي, اتا-اناسىنىڭ جۇمىسقا كىرىسۋى ءتيىس كۇنىنەن باستاپ بەرىلەدى.
67. اناسى (اكەسى) بالاعا كۇتىم جاساۋدى جۇزەگە اسىرا الماي اۋىرىپ قالعان جاعدايدا, ەڭبەككە ۋاقىتشا جارامسىزدىق پاراعىن اناسى (اكەسى) اۋىرعان كەزدە بالاعا كۇتىم جاساۋدى ناقتى جۇزەگە اسىراتىن وتباسى مۇشەسىنىڭ بىرەۋىنە ولاردىڭ ەمدەلگەن جەرىندەگى مەديتسينالىق ۇيىم بەرەدى.
68. ناۋقاس بالاعا كۇتىم جاساۋ بويىنشا دەمالىستا جۇرگەن, تولىق ەمەس جۇمىس كۇنى شارتىندا نەمەسە ۇيدە جۇمىس ىستەيتىن ادام ەڭبەككە ۋاقىتشا جارامسىز بولعان جاعدايدا ەڭبەككە ۋاقىتشا جارامسىزدىق پاراعى بەرىلەدى.
69. رەميسسيا كەزەڭىندە سوزىلمالى ناۋقاس بالالارعا كۇتىم جاساۋ بويىنشا ەڭبەككە ۋاقىتشا جارامسىزدىق پاراعى جانە انىقتاماسى بەرىلمەيدى.
5. كارانتين كەزىندە ەڭبەككە ۋاقىتشا جارامسىزدىق پاراعىن جانە انىقتاماسىن بەرۋ
70. ينفەكتسيالىق اۋرۋمەن اۋىرعان ناۋقاستارمەن قارىم-قاتىناستا بولعان نەمەسە باكتەريا تاسۋشىلىق سالدارىنان ۋاقىتشا جۇمىستان شەتتەتىلگەن ادامدارعا ەڭبەككە ۋاقىتشا جار
• 06 قازان, 2016
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №183
سوڭعى جاڭالىقتار
تاعزىم • بۇگىن, 21:32
سوڭعى ەكى ايدا ەلىمىزگە قانشا ادام كوشىپ كەلدى؟
قازاقستان • بۇگىن, 21:25
UAE SWAT Challenge: قازاقستان كوماندالارى ءتۋرنيردىڭ بارلىق جۇلدەلى ورىندارىن يەلەندى
بايقاۋ • بۇگىن, 20:45
ازيا چەمپيوناتى: قازاقستان قۇراماسى نىسانا كوزدەۋدەن بەس مەدالعا يە بولدى
سپورت • بۇگىن, 20:27
6 ملرد تەڭگە جىمقىرعان قۇرىلىس كومپانياسىنىڭ باسشىسى ۇستالدى
وقيعا • بۇگىن, 19:44
ەلەنا رىباكينا WTA رەيتينگىندە ءوز ورنىن ساقتاپ تۇر
تەننيس • بۇگىن, 19:22
مادەنيەت • بۇگىن, 19:12
فرانسيس پۋلەنكتىڭ «ادام داۋىسى» مونووپەراسى العاش رەت قازاق تىلىندە قويىلادى
مادەنيەت • بۇگىن, 19:00
باس رەداكتورلار كلۋبى جاڭا كونستيتۋتسيا جوباسىن قولدايتىنىن مالىمدەدى
اتا زاڭ • بۇگىن, 18:40
مۇقاعالي رۋحىنا ارنالعان تاعىلىمدى كەش ءوتتى
پوەزيا • بۇگىن, 18:25
الماتىلىق جاستار جاڭا كونستيتۋتسيا جوباسىن قولدادى
اتا زاڭ • بۇگىن, 18:15
ماۋلەن اشىمباەۆ: مەملەكەت باسشىسىنىڭ رەفورمالارى جالپىۇلتتىق بىرلىكتى تالاپ ەتەدى
سەنات • بۇگىن, 17:59
قازاقستاندا ءبىر پالاتالى قۇرىلتايدى ىقتيمال تاراتۋ تەتىگىن نەعۇرلىم يكەمدى ەتۋ ۇسىنىلدى
اتا زاڭ • بۇگىن, 17:58
