قۇندى قۇجات

ەلباسىنىڭ اعىمداعى جىلعى 28 قاڭتار كۇنگى قازاقستان حال­قى­نا ارناعان جولداۋىمەن مۇقيات تانىسىپ شىقتىم. قارت كوڭىلىم ەلباسى ن.ءا.نازارباەۆ ءوزىنىڭ ءداستۇرلى جولداۋىندا مەملەكەت بولاشاعى مەن ۇلت بولىپ ۇيى­سۋ­­دىڭ جاڭا جولدارىن اي­قىن­داپ وتىر. وسىنداي قام­قور­لىق­تى قۋا­­نىشپەن قابىل­دادىم, ەرتەڭگە دەگەن ەل سەنىمى ودان ءارى ورنىقتى دەپ وي­لايمىن. ونىڭ دا سەبەبى بار. حالقىمىزدان «ەرتەڭىن وي­لا­عان ەل – باقىتتى» دەگەن دانا ءسوز قالعان. مىنە, ەل ەرتەڭىن وي­لاپ, ۇلت قامىن جەگەن, بۇگىندە ءتۇ­بى ءبىر تۇركى الەمىنىڭ اساتاياعىن قولىنا العان ۇلت كوشباسشىسى نۇرسۇلتان نازارباەۆتىڭ ءوز جول­داۋىندا «ىرىس – ىنتىماق­قا جولىعادى, داۋلەت – بىرلىكپەن تولىعادى» دەگەن ويعا قونىمدى اتالى ءسوزى جارقىن بولاشاققا باستاپ وتىر. بۇل – اق ساقالدى قارتىن قادىرلەپ, اق جاۋلىقتى اناسىن ارداقتاعان, جاستارىن بىلىمگە تارتىپ, ۇلتىنىڭ دەن­ساۋ­لىعىن ويلاپ, زامانا كوشىن باستاعان, ەلىنىڭ سەنىمىنە بەرىك يە بولعان ەلباسىنىڭ ەرەن ءىسى. بيىلعى جىلدىڭ باستى ساياسي قۇجاتى مەملەكەتىمىزدىڭ ەڭ باستى رۋحاني قۇندىلىعى مەن تىرەگىنە اينالىپ وتىرعان مەملەكەتتىك ءتىل ماسەلەسىنە ۇلكەن نازار اۋدا­رىل­عانىنا قۋاندىم. ويتكەنى, عا­سىر­لار بويى ۇلتى­مەن جاساپ كەلە جاتقان قازاق ءتىلى – حالىقتىڭ جانى, ۇلتتىڭ بولاشاعى, اتا-بابا رۋحىنىڭ جال­عاسى دەپ بىلەمىن. سوڭعى جىل­دارى مەملەكەتتىك ءتىلدى دامىتۋعا كوپ كوڭىل ءبو­لى­نۋدە. سونداي-اق, ەلىمىزدى مەكەندەيتىن ءتۇرلى ەتنوس وكىلدەرى­نىڭ دە تىلدەرىنە قامقورلىق جاسالۋدا, جاس­تارىمىزدىڭ حالىقارا­لىق قا­تى­ناس تىلىنە اينالعان اعىل­شىن جانە ورىس ءتىلىن جەتىك مەڭگەرۋى تۋرالى تالاپ تا ورىن­دى. ال, قازاق ءتىلىن مەڭگەرۋگە ۇم­تىلعان وزگە ۇلت وكىلدەرىنىڭ ىن­تا-ىقىلاستارىنىڭ ارتقانىن كو­رىپ وتىرمىز. قازاق ەلىن وتا­نىم دەپ, بولاشاعىن ءبىزدىڭ مەملەكەتىمىزبەن بايلانىستىرۋعا ۇم­تىل­­عان اتا-انالاردىڭ بالالا­رىن قازاق مەكتەپتەرى مەن بالا­باق­شا­لارىنا بەرىپ جۇرگەندەرىن كوزى­مىز كورۋدە. دەگەنمەن, ويلانار تۇستار دا جوق ەمەس. سوندىقتان, ەلباسىنىڭ قا­زاق­ستان حالقىنا ارناعان بي­ىلعى جولداۋى تالاپتارىن باس­شىلىق­قا العان ەل ازاماتتارى الداعى ون جىلدىقتا مەكتەپ بىتىرۋشىلەردىڭ بارلىعى مەملەكەتتىك ءتىلدى تولىق مەڭگەۋگە قول جەتكىزسە, وسى جىل­دا­رى مەملەكەتتىك ءتىلدىڭ قول­دانىس اياسى كەڭەيىپ, قازاق ءتىلى ارقىلى تاتۋلىق پەن بىرلىككە تىرەۋ بولارلىق قاجەتتىلىكتىڭ ارتا تۇسەتىنىنە ۇلكەن سەنىممەن قارايمىن. تىلەۋقابىل تورەبەكوۆ, جامبىل وبلىسى ارداگەرلەر كەڭەسىنىڭ توراعاسى, جامبىل وبلىسىنىڭ  قۇرمەتتى ازاماتى,  سوعىس جانە ەڭبەك ارداگەرى. تاراز.