15 اقپان, 2011

قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №5

580 رەت
كورسەتىلدى
4 مين
وقۋ ءۇشىن
2011 جىلعى 10 قاڭتار, استانا قالاسى 2011 جىلى قازاقستان رەسپۋبليكاسىنىڭ ورتا ءبىلىم بەرۋ ۇيىمدارىندا مەملەكەتتىك ارالىق باقىلاۋدى وتكىزۋ تۋرالى «ءبىلىم تۋرالى» قازاقستان رەسپۋبليكاسىنىڭ زاڭىنا جانە قا­زاق­ستان رەسپۋبليكاسى ءبىلىم جانە عىلىم ءمينيسترى مىندەتىن ات­قارۋشىنىڭ 2007 جىلعى 20 قاراشاداعى № 561 بۇيرىعىمەن بەكىتىلگەن قازاقستان رەسپۋبليكاسىنىڭ ءبىلىم بەرۋ ۇيىمدارىندا مەملەكەتتىك ارالىق باقىلاۋدى وتكىزۋ ەرەجەسىنە (نورماتيۆتىك قۇ­قىق­تىق اكتىلەردى مەملەكەتتىك تىركەۋ تىزىلىمىندە №5033 تىركەلگەن, «زاڭ گازەتى» گازەتىندە 2008 جىلى 11 قاڭتاردا №4 (1230) جا­ريالانعان) سايكەس, ءبىلىم بەرۋ قىزمەتتەرىن كورسەتۋ ساپاسىن باعا­لاۋ جانە ورتا ءبىلىم بەرەتىن ۇيىمدار ءبىلىم الۋشىلارىنىڭ باس­تاۋىش جانە نەگىزگى ورتا ءبىلىم بەرۋدىڭ جالپى ءبىلىم بەرەتىن وقۋ باعدارلامالارىن مەڭگەرۋ دەڭگەيىن انىقتاۋ ماقساتىندا بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ ورتا ءبىلىم بەرۋ ۇيىمدارىندا مەملەكەتتىك ارالىق باقىلاۋدى وتكىزۋ كەستەسى (بۇدان ءارى – كەستە) بەكىتىلسىن. 2. ءبىلىم جانە عىلىم سالاسىنداعى باقىلاۋ كوميتەتى (بۇدان ءارى – كوميتەت) (م.ق. بايجۇمانوۆ): 1) قازاقستان رەسپۋبليكاسىنىڭ ورتا ءبىلىم بەرۋ ۇيىمدارىندا مەملەكەتتىك ارالىق باقىلاۋدى (بۇدان ءارى – ماب) 2011 جىلعى 20 اقپان مەن 20 ناۋرىز ارالىعىندا كەستەگە سايكەس وتكىزسىن; 2) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 3) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن. 3. ۇلتتىق تەستىلەۋ ورتالىعى (ق.س. ابديەۆ): 1) وسى بۇيرىقتا بەلگىلەنگەن مەرزىمدە ماب ءراسىمىن ۇيىمداستىرۋ- تەحنولوگيالىق الىپ ءجۇرۋدى قامتاماسىز ەتسىن; 2) ماب باستالعانعا دەيىن ەكى كۇن بۇرىن وبلىستاردىڭ, استانا جانە الماتى قالالارىنىڭ ءبىلىم باسقارمالارىنا ماب-تىڭ ماتەريالدارىن جەتكىزۋدى ۇيىمداستىرسىن; 3) ماب ناتيجەلەرىن وڭدەۋدى 2011 جىلعى 15 ساۋىرگە دەيىن اياقتاسىن جانە كوميتەت پەن ءبىلىم ساپاسىن باعالاۋدىڭ ۇلتتىق ورتالىعىنا ۇسىنسىن. 4. ءبىلىم ساپاسىن باعالاۋدىڭ ۇلتتىق ورتالىعى (ت.م.امرەەۆا) ورتا ءبىلىم بەرۋ ۇيىمدارىنداعى ماب قورىتىندىسىنىڭ تال­داۋىن كوميتەتكە 2011 جىلعى 15 مامىرعا دەيىن ۇسىنسىن. 5. وبلىستاردىڭ, استانا جانە الماتى قالالارىنىڭ ءبىلىم باسقارمالارى: 2) ماب-تى وتكىزۋ كەزەڭدەرىندە وبلىستاردىڭ, استانا جانە الماتى قالالارىنىڭ ءبىلىم باسقارمالارىنىڭ بازالارىندا ماب-تى ۇيلەستىرۋ جانە وتكىزۋ شتابىنىڭ جۇمىسىن ۇيىم­داستىرسىن; 3) ءاربىر ورتا ءبىلىم بەرۋ ۇيىمىندا 2011 جىلعى 20 قاڭتارعا دەيىن ماب-تى وتكىزۋ جونىندەگى مەملەكەتتىك كوميسسيالاردىڭ قۇرامدارىن بەكىتسىن. 6. وسى بۇيرىقتىڭ ورىندالۋىن باقىلاۋ ءبىلىم جانە عىلىم ۆيتسە-ءمينيسترى س. ىرساليەۆكە جۇكتەلسىن. 7. وسى بۇيرىق العاش رەت رەسمي جاريالاعان كۇننەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى. ءمينيستردىڭ مىندەتىن اتقارۋشى ب.ءابدىراسىلوۆ. قازاقستان رەسپۋبليكاسى  ءبىلىم جانە عىلىم ءمينيسترىنىڭ 2010 جىلعى 10 قاڭتار  №5 بۇيرىقپەن بەكىتىلگەن قازاقستان رەسپۋبليكاسىنىڭ ورتا ءبىلىم بەرۋ ۇيىمدارىندا مەملەكەتتىك ارالىق باقىلاۋدى وتكىزۋ كەستەسى
قالالار جانە وبلىستار ۇيىمداستىرۋ جانە وتكىزۋ مەرزىمى تەستىلەۋ كۇنى
1 استانا قالاسى 23.02-26.02 24 اقپان
2 اقمولا وبلىسى 23.02-26.02 24 اقپان
3 باتىس قازاقستان وبلىسى 20.02-27.02 24 اقپان
4 اقتوبە وبلىسى 21.02-27.02 24 اقپان
5 اتىراۋ وبلىسى 20.02-27.02 24 اقپان
6 ماڭعىستاۋ وبلىسى 20.02-27.02 24 اقپان
7 قاراعاندى وبلىسى 09.03-13.03 11 ناۋرىز
8 سولتۇستىك قازاقستان وبلىسى 09.03-13.03 11 ناۋرىز
9 قوستاناي وبلىسى 09.03-13.03 11 ناۋرىز
10 پاۆلودار وبلىسى 09.03-13.03 11 ناۋرىز
11 وڭتۇستىك قازاقستان وبلىسى 15.03 - 20.03 18 ناۋرىز
12 جامبىل وبلىسى 15.03 - 20.03 18 ناۋرىز
13 قىزىلوردا وبلىسى 15.03 - 20.03 18 ناۋرىز
14 الماتى قالاسى 15.03 - 20.03 18 ناۋرىز
15 الماتى وبلىسى 14.03 - 20.03 18 ناۋرىز
16 شىعىس قازاقستان وبلىسى 15.03 - 20.03 18 ناۋرىز
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 18 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6747 بولىپ ەنگىزىلدى.
سوڭعى جاڭالىقتار