سىبىس تاراتقاندار قۇرىقتالدى

الماتىدا قايعىلى وقيعا بولعان كۇنى ەلدى دۇرلىكتىرىپ سىبىس تاراتقاندار دا ۇستالدى. الماتى قالالىق ءىىد رەسمي وكىلى, پوليتسيا مايورى سالتانات ازىربەك بىزبەن اڭگىمەسىندە بىلاي دەدى: – قوعامدىق ورتادا دۇربەلەڭ تۋعىزعان 1993 جىلى تۋعان چ. ەسىمدى ازاماتشا, جوو ءبىرىنىڭ ستۋدەنتى – الەۋمەتتىك جەلىدە City Plus ساۋدا ورتالىعىندا ادامدار كەپىلدىككە الىندى دەپ قانا قويماي, كىسى ءولىمى بار... دەپ جانتۇرشىگەرلىك سىبىس تاراتقان. ال 1993 جىلى تۋعان ا. ەسىمدى ازامات كوممۋنيكاتسيالىق جەلىنىڭ رەسۋرستارىن پايدالانىپ, «جۇلدىز» شاعىن اۋدانىنان قالاعا بەت العان قارۋلى توپ جولىندا كەزدەسكەندەرگە وق اتىپ كەلەدى دەپ دۇرلىكتىرەدى. ەكى «حابارشى» دا ۇستالدى, قازىر ولاردان قازاقستان رەسپۋبليكاسى قىلمىستىق كو­دەكسىنىڭ 274-بابىنىڭ 2-ءشى تار­ماعى بويىنشا جاۋاپ الىنۋدا. وسىعان وراي قالالىق ءىىد رەسمي وكىلى «ەگەمەن قازاقستان» گازەتى ارقىلى ازاماتتاردىڭ قاپەرىنە مىنا جايتتى سالۋىمىزدى ءوتىندى: ء–بىز بارشا ازاماتتارىمىزدى تاۋەلسىز ەلىمىزدىڭ زاڭ اكتىلەرىن ۇقىپتى تۇردە ساقتاۋعا شاقىرامىز. قازاقستان رەسپۋبليكاسىنىڭ قىلمىستىق كودەكسىنىڭ جاڭا رەداكتسياسىندا «كورىنەۋ (بىلە تۇرا) جال­عان اقپاراتتى باق نەمەسە اق­پاراتتىق-كوممۋنيكاتسيالىق جەلىلەردى پايدالانۋ ارقىلى تاراتۋشىلاردىڭ جاۋاپكەرشىلىگىن قارايتىنى» اتاپ كورسەتىلگەن. سوندىقتان دا ءاربىر ازامات ونداي قادام جاساماس بۇرىن ون ويلانىپ, ءجۇز تولعانۋى ءتيىس. حال-قادەرىنشە تەك قانا ناقتى اقپاراتقا قۇلاق اسقانى ءجون, – دەدى سالتانات ازىربەك. بىزگە ءمالىم بولعانى, جەدەل ىزدەستىرۋ شارالارىنىڭ ارقاسىندا حالىقتى دۇرلىكتىرىپ, جالعان حابار تاراتقان وزگە دە ازاماتتتاردىڭ ەسىمدەرى انىقتالىپتى. قازىر ولار ىزدەستىرىلىپ جاتىر. ءبىر سوزبەن ايتقاندا الماتى پوليتسياسى كاسىبي بىلگىرلىگىن ادەتتەگىشە ەشبىر دابىراسىز اتقارۋ ۇستىندە. وپات بولعان بوزداقتار ءۇشىن شىن كوڭىلمەن قايعىرعان قالا تۇرعىندارى ءتارتىپ ساقشىلارى وققا ۇشقان ورىندارعا گۇل شوقتارىن اكەلىپ قويۋدان جالىعار ەمەس... كەشە قالا اكىمى باۋىرجان بايبەك پوليتسيا ستارشيناسى, ارناۋلى 2-ءشى باتالوننىڭ پوليتسيا قىزمەتكەرى ايان عاليەۆتىڭ وتباسىنا الاتاۋ اۋدانىنىڭ «سايالى» شاعىن اۋدانىنان 2 بولمەلى پاتەردىڭ كىلتىن تاپسىردى. اياننىڭ قارت اناسىنا ارناپ ءسوز سويلەگەن اكىم «ءسىزدىڭ ۇلىڭىز تەڭدەسسىز ەرلىك جاسادى, وكىنىشكە قاراي ءومىرىن قيدى. مىنا پاتەردىڭ كىلتىن ەلباسىنىڭ ءوزى ۇسىنىپ وتىر, مارقۇمنىڭ ارتىندا قالعان بالالارى قاشان دا قامقورلىقتا بولادى» دەدى. شىنىندا دا, قاراقشىمەن بەتپە-بەت كەلىپ قالعان ايان عاليەۆ وتە اۋىر جاراقات العا­نىنا قاراماستان اقىرعى دەمىن جيناپ, قىلمىسكەرگە وق اتىپ ۇلگەرگەن. اياننىڭ ەڭ سوڭعى وعى قىلمىسكەردىڭ جولىن كەستى. ەگەر ول وق تيمەگەندە قاندىقول قىلمىسكەردىڭ تاعى قانشاما بەيبىت جاننىڭ ومىرىنە قاۋىپ توندىرەرىن ويلاۋدىڭ ءوزى وتە اۋىر. الماتىدا وتكەن قارالى جيىندا اياننىڭ سول ەرلىگىنەن قۇلاعدار بولعان حالىقتىڭ بالۋان شولاق اتىنداعى سپورت كەشەنىنىڭ ۇلكەن زالىن كۇڭىرەنتە «اھ» ۇرعانى دا ەسىمىزدە... تالعات ءسۇيىنباي, «ەگەمەن قازاقستان» الماتى