جاقسى تىلەك, جاراسىمدى قۇرمەت

ازيا ويىندارىندا قازاق­ستاندىق­تاردىڭ جەڭىپ العان 70 مەدالىنىڭ تەڭ جارتىسى كەندى التاي شەبەرلەرىنىڭ ۇلەسىنە تيەسىلى. الماتى مەن استانادا وتكەن اق ازياداعا شىعىس قازاقستان وب­لى­سىنان 47 سپورتشى اتتانعان ەدى. ونىڭ ىشىندە: شاڭعى جارى­سىنان 6, تاۋ شاڭعىسىنان 1, بياتلوننان 4, فريستايل بويىنشا 4, قىسقى سپورتتىق باعدارلاۋدان 3, قىزدار اراسىنداعى شايبالى حوككەيدەن 5, دوپتى حوككەيدەن 1 ادام قاتىستى. حوككەيدەن قازاقستان قۇراماسىنىڭ ساپىندا جۇرگەن جىگىتتەرىمىز تاعى بار. جەرلەستەرىمىز نامىستى جانىپ, 15 التىن, 11 كۇمىس, 7 قولا بارلىعى 33 مەدالعا يە بولدى. شىعىس قازاقستان وبلىسىنىڭ اكىمى بەردىبەك ساپارباەۆ ەل نامىسىن جوعارى ۇستاپ, ايشىقتى باسەكەلەردە توپ جارعان ساڭلاق­تارعا ەل ەسىندە قالارلىقتاي قۇر­مەت كورسەتتى. چارتەرلىك رەيسپەن توپ جارعان سپورتشىلارمەن بىرگە قازاقتىڭ داڭقتى بالۋانى داۋلەت تۇرلىحانوۆ, ءانشى روزا رىمباەۆا, اقىن ۇلىقبەك ەس­داۋلەت بىرگە ۇشىپ كەلدى. ءوڭىر باسشىسى بەردىبەك ماشبەك ۇلى 33 مەدالدى قورجىنعا سالعان جەرلەستەرىمىزدى اۋەجايدا قارسى الىپ, قۇت­تىق­تاعان سوڭ ايشىقتى توپ ورتا­لىقتاعى رەسپۋبليكا الا­ڭىنا بەت الدى. بۇل جەردە 5 مىڭعا جۋىق وسكەمەندىكتەر ۇكى­لەگەن ءۇمىتتى اق­تاپ, باي­را­عى­مىز­دى كوككە كوتەر­گەن ساڭلاقتاردى كۇتىپ تۇرعان. روزا رىمباەۆا, ەربولات قۇداي­بەر­گەن, باسقا دا انشىلەر ساحنا ءتو­رىندە ءان شىرقادى. – كەندى التايدىڭ سپورت­شى­لارى بايراقتى باسەكەلەردە ۇنەمى توپ جاراتىنى بەلگىلى. وليمپيادا چەمپيونى بوريس الەكساندروۆ, مۇحيتتىڭ ارعى جاعىندا ونەر كورسەتىپ جۇرگەن اتاقتى حوككەيشىلەرىمىز ەل ماقتانىشى. ازيا ويىندارىندا شاڭعىشى الەكسەي پولتورانين 4 التىن, 1 قولا مەدالدى, وكسانا ياتسكايا مەن ەلەنا كولومينا ارقايسىسى 2 التىن, 2 كۇمىس, 1 قولانى جەڭىپ السا, فريستايلدان يۋليا گالىشەۆا 2 التىن, 1 كۇمىس, دميتري بارماشوۆ 1 ال­تىن, 1 قولا, دميتري رەيحەرد 1 ال­تىندى جەڭىپ الدى. سونىمەن بىرگە, بياتلوننان ولگا پولتورانينا, يننا موجەۆيتينا, يان ساۆيتسكي ارقايسىسى ءبىر-بىردەن ال­تىن القانى يەلەندى. قىسقى سپورت­تىق باعدارلاۋ بويىنشا جەر­لەستەرىمىز, التىن, كۇمىس, قو­لاسى بار 8 القانى ومىراۋلارىنا تاقتى. تاۋ شاڭعىسى سپورتىنان دا 5 مەدالعا يە بولدىق. جەر­لەستەرىمىزدىڭ بۇل جەڭىستى جول­دارى ەندى 3 جىلدان كەيىن رە­سەيدىڭ سوچي قالاسىندا وتەتىن اق وليمپيا ويىندارىندا جالعاسسا دەگەن نيەتتەمىز, – دەدى وبلىس اكىمى ب.ساپارباەۆ. بۇدان كەيىن ساحنا تورىنە جە­ڭىمپازدار شاقىرىلدى. ءوڭىر باس­شى­سى ا.پولتورانين, و.ياتسكايا, ە.كولومينا, يۋ.گالىشەۆاعا سۋ جاڭا شەتەل كولىكتەرىنە قوسا قو­ماقتى قارجى ۇسىندى. اتاپ ايتقاندا, الەكسەيدىڭ ءبىر ءوزى 2 ملن. 200 مىڭ تەڭگەنىڭ سەر­تي­في­كاتىن الدى. باسقا سپورتشىلار مەن جەڭىمپازداردىڭ باپكەرلەرى دە سىياقىعا يە بولدى. ودان كەيىن تۇنگى وسكەمەن اسپانىندا وت شاشۋ شالىقتاپ, اسەم انگە كەزەك بەرىلدى. وڭداسىن ەلۋباي, وسكەمەن.