Google كەڭسەسىندە تىگىلگەن كيىز ءۇي

اقش-تىڭ كاليفورنيا شتاتىندا ورنالاسقان Google X كەڭ­سەسىندە كيىز ءۇي تىگىلدى. بۇل جاڭالىقتى العاش بولىپ كومپانيا قىزمەتكەرى, قىرعىزستان ازاماتى تىلەك مامۋتوۆ facebook الەۋمەتتىك جەلى­سىندەگى جەكە پاراقشاسىندا حابارلادى. – Google X كەڭسەمىزدە كيىز ءۇيدىڭ ورناتىلۋىنا ەميلي جانە ريچارد ەسىمدى ارىپتەستەرىم كومەكتەستى. ولارعا العىسىم شەكسىز. ين­­تەرنەت ارقىلى باي­لا­­­­­­نىس­قانىمىزدا ءوتى­­­نىش-ءتى­­لەگىمىزدى جەرگە قالدىرمادى. ال­داعى ۋاقىتتا بۇل ورىن مەي­ماندارمەن كەزدەسۋگە ار­نالعان بولمە رەتىندە پايدالانىلادى, – دەدى تىلەك مامۋتوۆ. 2014 جىلى قازاقستان مەن قىر­عىزستاننىڭ ءبىر­لەسۋىمەن كيىز ءۇيدى جا­ساۋ­دىڭ ءداستۇرلى ماعلۇماتى جانە ونەرى يۋنەسكو-نىڭ تىزىمىنە ەنگەن بولاتىن. Google X قازىرگى تاڭدا Alphabet حولدينگىنىڭ قۇرامىندا. نەگىزىنەن پەرسپەكتيۆتى تەحنولوگيالار شى­عارۋمەن اينالىسادى. ولاردىڭ اراسىندا جۇرگىزۋشىسىز جۇرەتىن اۆتوموبيل, شىنايى ءومىر كوزىلدىرىگى, اتموسفەرانىڭ ستراتوسفەرا قاباتىندا ينتەرنەتكە كىرۋ, ادام ءسوزىن تانۋدى, سونىمەن قاتار ۆيدەوداعى, عالامتورداعى نىسانداردى انىقتايتىن وقىتۋ نەيترون جەلىسى بار. ايتا كەتەيىك, كوش­پەلى حالىق­تاردىڭ باسپاناسى بولعان كيىز ءۇي بۇگىندە كوپشىلىكتىڭ قىزى­عۋ­شىلىعىن تۋدىرۋدا. ماسەلەن, وسىدان بىرنەشە اي بۇرىن كانادادا مايكل دجەففري ەسىمدى ستۋدەنت ىقشامدىلىعى, ۇنەمدىلىگى, قو­لاي­لىعى ءۇشىن ەجەلگى جۇرتتار باس­پاناسىن قۇرىپ العان.  ال گولليۆۋد جۇل­دىزى لەوناردو دي كاپريو 10 كۇندىك دەما­لىسىن موڭعوليادا كيىز ۇيدە ءوت­كىزگەن. ايان ءابدۋالي, «ەگەمەن قازاقستان»