استانا كۇنىنە وراي «اشىق ەسىك كۇندەرى» وتەدى

استانا كۇنىنە وراي ەلورداداعى قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسىندا «اشىق ەسىك كۇندەرىنىڭ» ونكۇندىگى وتەدى. تاۋەلسىزدىگىمىزدىڭ 25 جىلدىعى مەن استانا قالاسىنىڭ 18 جىلدىعىن ايشىقتى اتاپ ءوتۋ ماقساتىمەن ۇيىمداستىرىلىپ جاتقان باعدارلامادا 5 كورمە زالى بولادى. مۇنداي مالىمەتتەر ەلباسى كىتاپحاناسىنىڭ اتقارۋشى ديرەكتورى  بەيسەمباي جۇمابەكوۆ پەن گەوساياسات جانە ايماقتىق زەرتتەۋ­لەر قىزمەتىنىڭ جەتەكشىسى ەرجان سال­تىباەۆ جانە جۇرتشىلىقپەن بايلانىس قىزمەتىنىڭ جەتەكشىسى وكسانا لوسكۋتوۆانىڭ قاتىسۋىمەن وتكەن ورتالىق كوممۋنيكاتسيالار قىزمەتىندەگى بريفينگ بارىسىندا ايتىلدى. كىتاپحانا ديرەكتورىنىڭ ايتۋىنشا, قىزمەتكەرلەر «اشىق ەسىك كۇنى» ايدارىمەن ون كۇن بويى قالا تۇرعىندارى مەن قوناقتارىنىڭ نازارىنا بەس باعىت بويىنشا ارنايى كورمە زالىن جابدىقتاعان. «اتاپ ايتقاندا, فوتودەرەكتى مۇ­راعات كورمەسىنە مەملەكەت باسشى­سىنىڭ ءومىرى مەن قىزمەتى ارقاۋ ەتىلگەن. «ەلباسى الەمى: تۇلعا. سايا­ساتكەر. جاسامپاز» كور­مە­سى­نىڭ اۆتورلارى قازاقستان رەس­پۋب­­ليكاسىنىڭ تۇڭعىش پرەزي­دەن­تىن – ەلباسىن تۇلعا, الەمدىك دەڭ­گەيدەگى ساياساتكەر, ەلدىڭ قوعام­دىق-ساياسي جانە الەۋمەتتىك-ەكو­نو­ميكالىق ومىرىندەگى كورەگەندى جانە جاسامپاز وزگەرىستەردىڭ باستاماشىسى, جەتەكشىسى جانە قاتىسۋشىسى رەتىندە سيپاتتايتىن تۇپنۇسقالىق تاريحي قۇجاتتاردى ۇسىنادى. ال «ەستەلىككە قولتاڭبا» كورمەسى شەتەل مەملەكەتتەرى باسشىلارىنىڭ, تانىمال تۇلعالاردىڭ ەلباسىنىڭ اتىنا سىيعا ۇسىنعان سۋرەتتەرىمەن ەرەكشەلەنەدى. سونىمەن قاتار, ەكسپوزيتسيادا بىرەگەي 40 فوتوقۇجات قامتىلعان», دەيدى ب. جۇمابەكوۆ. ماماندار پىكىرىنە سۇيەنسەك, قالعان ءۇش كورمە استانا تاقى­رى­بىنا ارنالعان. «استانا بولا­شاعى – بالالار كوزىمەن» تاقىرى­بىنداعى كورمەدە ۇلتتىق مادە­نيەتتىڭ دامۋ تاريحىنا ارنالعان بال­عىن­داردىڭ سۋرەتتەرى پاش ەتىلەدى. جاسوسپىرىمدەردىڭ شەبەر­لىگىن شىڭداۋ ماقساتىندا سۋرەت­شىلەر وداعىنىڭ مۇشەسى امان­جول مۋساليموۆ پەن الىشەر بەس­پالينوۆتىڭ ارنايى ءدارىسىن  ۇيىم­داستىرۋ دا جوسپارلانعان. ال «ەۋ­رازيا جۇرەگىندە» اتتى فوتوكورمەدە جۋرناليستەر وداعىنىڭ مۇشەسى الەكساندر پارحومەنكونىڭ اس­تانا قالاسىنداعى عاجايىپ كورى­نىستەرى بەينەلەنگەن 60 فوتوسۋرەت جۇرتشىلىق نازارىنا ۇسىنىلماق ەكەن. نۇرلىبەك دوسىباي, «ەگەمەن قازاقستان»