2015 جىلعى 30 قاراشا, استانا قالاسى
ماتەريالدىق ەمەس مادەني مۇرا ەلەمەنتتەرىنىڭ ۇلتتىق تىزبەسىن جۇرگىزۋ قاعيدالارىن بەكىتۋ تۋرالى
«مادەنيەت تۋرالى» 2006 جىلعى 15 جەلتوقسانداعى قازاقستان رەسپۋبليكاسىنىڭ زاڭىنىڭ 7-بابى 21-1) تارماقشاسىنا سايكەس بۇيىرامىن:
1. قوسا بەرىلىپ وتىرعان ماتەريالدىق ەمەس مادەني مۇرا ەلەمەنتتەرىنىڭ ۇلتتىق تىزبەسىن جۇرگىزۋ قاعيدالارى بەكىتىلسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتى زاڭنامادا بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋ ءۇشىن ەلەكتروندىق تاسىمالداعىشتا ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ, قازاقستان رەسپۋبليكاسى ءنورماتيۆتى قۇقىقتىق اكتىلەرىنىڭ ەتالوندى باقىلاۋ بانكىنە ەنگىزۋ ءۇشىن ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ وسى بۇيرىققا قول قويۋعا ۋاكىلەتتى تۇلعانىڭ ەلەكتروندىق تسيفرلىق قولتاڭباسىمەن كۋالاندىرىلعان ەلەكتروندىق تۇردەگى وسى بۇيرىقتىڭ كوشىرمەلەرىن جولداۋدى;
3) وسى بۇيرىق رەسمي جاريالانعاننان كەيىن قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىنا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن.
4. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋى ءتيىس.
مينيستر ا.مۇحامەدي ۇلى
قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 30 قاراشاداعى
№368 بۇيرىعىمەن بەكىتىلگەن
ماتەريالدىق ەمەس مادەني مۇرا ەلەمەنتتەرىنىڭ ۇلتتىق تىزبەسىن جۇرگىزۋ قاعيدالارى
1. جالپى قاعيدالار
1. وسى ماتەريالدىق ەمەس مادەني مۇرا ەلەمەنتتەرىنىڭ ۇلتتىق تىزبەسىن جۇرگىزۋ قاعيدالارى (بۇدان ءارى – قاعيدالار) ماتەريالدىق ەمەس مادەني مۇرا ەلەمەنتتەرىنىڭ ۇلتتىق تىزبەسىن (بۇدان ءارى – ۇلتتىق تىزبە) جۇرگىزۋ ءتارتىبىن انىقتايدى.
2. وسى قاعيدالاردا مىناداي نەگىزگى ۇعىمدار پايدالانىلادى:
1) ماتەريالدىق ەمەس مادەني مۇرا (بۇدان ءارى – مەمم) – ۇرپاقتان ۇرپاققا بەرىلەتىن جانە ماتەريالدىق ەمەس مادەني قۇندىلىق بولىپ تابىلاتىن سالتتار, تۇسiنiكتەر مەن پايىمداردىڭ نىساندارى, بiلiم مەن داعدىلار, سونداي-اق ولارمەن بايلانىستى قۇرالدار, زاتتار;
2) ۇلتتىق تىزبە – قازاقستان حالقىنىڭ ماتەريالدىق ەمەس مادەني مۇراسىنىڭ مادەني قۇندىلىقتارىنىڭ تىزبەسى.
3) ماتەريالدىق ەمەس مادەني مۇرانى ساقتاۋشىلار – قازاقستاننىڭ ماتەريالدىق ەمەس مادەني مۇرالارىن جاساۋدا, ساقتاۋدا جانە قايتا جاڭعىرتۋدا ماڭىزدى ءرول اتقاراتىن, مادەني ارتۇرلىلىكتى بايىتاتىن جانە ادامداردىڭ شىعارماشىلىق قابىلەتىن دامىتاتىن جەرگىلىكتى جانە ەتنيكالىق قوعامداستىقتار, توپتار جانە كەيبىر جاعدايدا جەكەلەگەن ادامدار.
3. ماتەريالدىق ەمەس مادەني قۇندىلىقتارعا (بۇدان ءارى – مەمق ەلەمەنتتەرى) مىنا ەلەمەنتتەر جاتادى:
1) ماتەريالدىق ەمەس مادەني مۇرانىڭ جەتكىزگىشى رەتىندە ءتىلدى قوسا العاندا, پايىمنىڭ اۋىزشا داستۇرلەرى مەن نىساندارى;
2) ورىنداۋشىلىق ونەرلەر;
3) سالتتار;
4) ادەت-عۇرىپتار;
5) مەيرامدار;
6) تابيعات پەن الەمگە جاتاتىن ءبىلىم جانە سالتتار;
7) ءداستۇرلى كاسىپتەرمەن بايلانىستى ءبىلىم جانە داعدىلار.
2. ۇلتتىق تىزبەنى جۇرگىزۋ ءتارتىبى
4. ۇلتتىق تىزبە ماتەريالدىق ەمەس مادەني مۇرانىڭ ومىرشەڭدىگىن, ونى قۇجاتتاندىرۋ, زەرتتەۋ, ساقتاۋ, قورعاۋ جانە ناسيحاتتاۋدى قامتاماسىز ەتۋ ماقساتىندا جۇرگىزىلەدى.
5. مادەنيەت سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) ۇلتتىق تىزبەنى قازاق جانە ورىس تىلدەرىندە, قاعاز جانە ەلەكتروندى نۇسقادا, وسى قاعيدالارعا قوسىمشاعا سايكەس ۇلگى بويىنشا جۇرگىزەدى.
ۇلتتىق تىزبە ۋاكىلەتتى ورگاننىڭ رەسمي ينتەرنەت-رەسۋرسىندا ورنالاستىرىلادى.
6. مادەني قۇندىلىقتاردى زەردەلەۋمەن اينالىساتىن جەكە جانە زاڭدى تۇلعالار ەلەمەنتتىڭ انىقتالۋىنا قاراي قاجەتتى مالىمەتتەرى بار حاتتى (بۇدان ءارى – حات) ۋاكىلەتتى ورگانعا جولدايدى.
ەلەمەنتتەر تۋرالى مالىمەتتەر مىنالاردى قامتيدى:
1) ەلەمەنتتىڭ تولىق اتاۋى;
2) وسى قاعيدالاردىڭ 3-تارماعىندا كورسەتىلگەن ەلەمەنتتىڭ ءتۇرى;
3) ەلەمەنتتىڭ سيپاتتاماسى (قانداي دا ءبىر ەتنوسقا تيەسىلىگى, سونداي-اق جانرى, پايدا بولۋ تاريحى, مەمم-نى ساقتاۋشىلار جانە تاعى باسقا سيپاتتايتىن مالىمەتتەر);
4) ەلەمەنتتىڭ تارالعان جەرى (وبلىس, قالا, اۋدان, اۋىل);
5) فوتوسۋرەتتەر, ەلەمەنتتى كورسەتۋ نەمەسە تىڭداۋ قاجەت بولعان جاعدايدا, ۆيدەو نەمەسە اۋديوماتەريالدار;
6) ەلەمەنتتىڭ ساقتالۋ دەڭگەيى;
7) ەلەمەنت تۋرالى دەرەكتەر (عىلىمي ماتەريالدار, سايت جانە وزگە دەرەكتەر).
7. ۋاكىلەتتى ورگان حات تۇسكەننەن كەيىن ونى وتىز كۇنتىزبەلىك كۇننىڭ ىشىندە قاراستىرادى.
8. ۋاكىلەتتى ورگاننىڭ جانىندا تۇراقتى تۇردە جۇمىس ىستەيتىن ساراپتامالىق كوميسسيا (بۇدان ءارى – كوميسسيا) قۇرىلىپ, كەلەسىلەردى انىقتايدى:
1) ەلەمەنتتىڭ مەملەكەتتىك ماڭىزى بارلىعىن;
2) ەلەمەنتتىڭ ۇرپاقتان ۇرپاققا بەرىلەتىندىگىن;
3) وزدەرىنىڭ مادەني مۇراسىنىڭ بولشەگى دەپ ەسەپتەيتىن قازاقستان اۋماعىنداعى ەتنوستار, توپتار نەمەسە جەكەلەگەن ادامداردىڭ ەلەمەنتتى قولداناتىندىعىن.
9. كوميسسيانىڭ قۇرامى توراعا, حاتشى جانە ۋاكىلەتتى ورگاننىڭ وكىلدەرىنەن, تاريح, مادەنيەت, ونەر سالالارىنىڭ عالىمدارى مەن ساراپشىلارىنان قالىپتاساتىن كوميسسيا مۇشەلەرىنەن تۇرادى.
10. كوميسسيانىڭ توراعاسى كوميسسيانىڭ قىزمەتىنە باسشىلىق جاسايدى, وتىرىستارىن وتكىزەدi جانە ولاردىڭ حاتتامالارىنا قول قويادى.
11. وتىرىستاردى ۇيىمداستىرۋدى, ءتيىستى قۇجاتتار مەن ماتەريالداردى, ونىڭ ىشىندە حاتتامالاردى ازىرلەۋدى حاتشى جۇزەگە اسىرادى. حاتشى كوميسسيانىڭ مۇشەسى بولىپ تابىلمايدى.
12. كوميسسيانىڭ ءماجiلiسi حاتتاردىڭ تۇسۋىنە قاراي وتكiزiلەدi.
13. كوميسسيانىڭ قورىتىندىلارى ونىڭ وتىرىسىنا قاتىسقان كوميسسيا مۇشەلەرىنىڭ جالپى سانىنىڭ كوپشىلىك داۋىسىمەن اشىق داۋىس بەرۋ ارقىلى قابىلدانادى. داۋىستار تەڭ بولعان جاعدايدا كوميسسيا توراعاسىنىڭ داۋىسى شەشۋشى بولىپ تابىلادى.
14. كوميسسيانىڭ شەشىمى ۇسىنىمدىق سيپاتتاعى حاتتامامەن راسىمدەلەدى.
15. ۋاكىلەتتى ورگان ەلەمەنتتى ۇلتتىق تىزبەگە ەنگىزۋ تۋرالى كوميسسيانىڭ شەشىمى نەگىزىندە ون جۇمىس كۇنى ىشىندە مەمق ەلەمەنتتەرىن ۇلتتىق تىزبەگە ەنگىزەدى جانە ونى ۋاكىلەتتى ورگاننىڭ رەسمي سايتىندا جاڭارتادى.
16. ۇلتتىق تىزبەگە ەنگىزىلەتىن ءار مەمق ەلەمەنتىنە تىركەۋ ءنومىرى بەرىلەدى.
ماتەريالدىق ەمەس مادەني مۇرا ەلەمەنتتەرىنىڭ ۇلتتىق تىزبەسىن جۇرگىزۋ قاعيدالارىنا قوسىمشا
نىسان
ماتەريالدىق ەمەس مادەني مۇرا ەلەمەنتتەرىنىڭ ۇلتتىق تىزبەسى
№
ر/س ەلەمەنتتىڭ تولىق اتاۋى ەلەمەنتتىڭ ءتۇرى مەمم-نىڭ* سيپاتتاماسى (قانداي دا ءبىر ەتنوسقا تيەسىلىگى, سونداي-اق جانرى, پايدا بولۋ تاريحى, مەمم-نى ساقتاۋشىلار جانە تاعى باسقا سيپاتتايتىن مالىمەتتەر) ەلەمەنتتىڭ تارالعان جەرى (وبلىس, قالا, اۋدان, اۋىل) فوتوسۋرەتتەر, ۆيدەو نەمەسە اۋديوماتەريالدار
(دانا) ەلەمەنتتىڭ ساقتالۋ دەڭگەيى ەلەمەنت تۋرالى دەرەكتەر (عىلىمي ماتەريالدار**, سايت جانە ت.ب. دەرەكتەر)
ەسكەرتۋ:
*مەمم – ماتەريالدىق ەمەس مادەني مۇرا.
**اۆتورى, اتاۋى, باسىلىمى, شىققان مەرزىمى, بەتى كورسەتىلەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 جەلتوقسانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12594 بولىپ ەنگىزىلدى.