الماتىدا العاش رەت جاستاردىڭ ۇكىمەتتىك ەمەس ۇيىمدارى قۇرىلىپ, جاڭا بۋىنمەن جۇمىس ىستەۋدى كوزدەيتىن ينفراقۇرىلىمدى دامىتۋ جالعاسادى. وسى ورايدا جاڭا ورتالىقتار اشۋ, جوبالاردىڭ اۋقىمىن كەڭەيتۋ, كەڭەس بەرۋ كولەمىن ارتتىرۋ جوسپارلانىپ وتىر. بۇل تۋرالى بۇگىن قالالىق جاستار ساياساتى باسقارماسىنىڭ وكىلدەرى مالىمدەدى, دەپ جازادى Egemen.kz.
سونىمەن قالانىڭ الاتاۋ, المالى, اۋەزوۆ, بوستاندىق جانە تۇركسىب اۋداندارىندا بەس جاڭا جاستار كوميۋنيتي ورتالىعىن ىسكە قوسۋ كوزدەلگەن. جاڭا الاڭدار اشىلعاننان كەيىن ولاردىڭ قالاداعى جالپى سانى 16-عا جەتەدى.
ينفراقۇرىلىمدى كەڭەيتۋ ناتيجەسىندە جاستاردى قامتۋ كورسەتكىشى 570 مىڭنان كەمىندە 700 مىڭ ادامعا دەيىن ۇلعايماق. كوميۋنيتي ورتالىقتار بازاسىندا كەمىندە 3 مىڭ ءىس-شارا وتكىزۋ جوسپارلانعان. سونىمەن قاتار جۇمىسپەن قامتۋ, پسيحولوگيالىق جانە قۇقىقتىق قولداۋ باعىتتارى بويىنشا كورسەتىلەتىن كەڭەس سانى 22 مىڭنان اسادى.
ەرلان قارين جاستار ۇيىمدارىنىڭ كوشباسشىلارىمەن كەزدەستى
بۇعان قوسا قالادا العاش رەت كەمىندە جاستاردىڭ 8 ۇكىمەتتىك ەمەس ۇيىمىن قۇرىپ, دامىتۋ جوسپارلانىپ وتىر. ولار ەكولوگيالىق, پاتريوتتىق, ەرىكتىلىك سىندى باسقا دا باعىتتاردا دا جۇمىس ىستەپ, كوميۋنيتي ورتالىقتاردىڭ قولداۋىمەن جوبالىق كوماندالار رەتىندە قىزمەت اتقارادى. بۇل ۇيىمدار جاستاردى قالا دەڭگەيىندەگى ماسەلەلەردى بىرلەسىپ شەشۋگە مۇمكىندىك بەرەدى.
«ينفراقۇرىلىمدى دامىتۋ جاستارعا كورسەتىلەتىن قىزمەتتىڭ قولجەتىمدىلىگىن ارتتىرىپ, ولاردى قالانىڭ الەۋمەتتىك, مادەني جانە ءبىلىم بەرۋ باستامالارىنا بەلسەندى تۇردە تارتۋعا باعىتتالعان», دەيدى الماتى قالاسى جاستار ساياساتى باسقارماسىنىڭ ماماندارى.
اقسۋ جاستارى وبلىس اكىمىمەن جاڭا كونستيتۋتسيا جوباسىن تالقىلادى