2015 جىلعى 31 ناۋرىز, استانا قالاسى
بالىق شارۋاشىلىعى سۋ ايدىندارىن جانە (نەمەسە) ۋچاسكەلەرiن اكۆاوسىرۋدى دامىتۋ ءۇشىن پايدالانۋ قاعيدالارىن بەكىتۋ تۋرالى
«جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 9-بابى 1-تارماعىنىڭ 72) تارماقشاسىنا سايكەس, بۇيىرامىن:
1. قوسا بەرىلىپ وتىرعان بالىق شارۋاشىلىعى سۋ ايدىندارىن جانە (نەمەسە) ۋچاسكەلەرiن اكۆاوسىرۋدى دامىتۋ ءۇشىن پايدالانۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن:
1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى اۋىل شارۋاشىلىعى ۆيتسە-مينيسترىنە جۇكتەلسىن.
4. وسى بۇيرىق العاش رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
مينيستر ا.مامىتبەكوۆ
قازاقستان رەسپۋبليكاسى اۋىل شارۋاشىلىعى ءمينيسترىنىڭ
2015 جىلعى 31 ناۋرىزداعى № 18-05/291 بۇيرىعىمەن بەكىتىلگەن
بالىق شارۋاشىلىعى سۋ ايدىندارىن جانە (نەمەسە) ۋچاسكەلەرiن
اكۆاوسىرۋدى دامىتۋ ءۇشىن پايدالانۋ قاعيدالارى
1. وسى بالىق شارۋاشىلىعى سۋ ايدىندارىن جانە (نەمەسە) ۋچاسكەلەرiن اكۆاوسىرۋدى دامىتۋ ءۇشىن پايدالانۋ قاعيدالارى (بۇدان ءارi - قاعيدالار) «جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ تۋرالى» (بۇدان ءارى – زاڭ) 2004 جىلعى 9 شiلدەدەگi قازاقستان رەسپۋبليكاسىنىڭ زاڭىنىڭ 9-بابىنىڭ 1-تارماعىنىڭ 72) تارماقشاسىنا سايكەس ازiرلەندi جانە بالىق شارۋاشىلىعى سۋ ايدىندارىن جانە (نەمەسە) ۋچاسكەلەرiن اكۆاوسىرۋدى دامىتۋ ءۇشىن پايدالانۋ ءتارتiبiن بەلگىلەيدى.
2. وسى قاعيدالاردا مىناداي نەگiزگi ۇعىمدار پايدالانىلادى:
1) كولدە تاۋارلى بالىق ءوسiرۋ شارۋاشىلىعى (بۇدان ءارi – كتبوش) – سۋ ايدىندارىنداعى شارۋاشىلىق قۇنى تومەن بالىقتاردى اۋلاۋ ەسەبىنەن يحتيفاۋنانى تولىق نەمەسە ءىشىنارا الماستىرۋ, ولارعا بالىقتىڭ باعالى تۇرلەرiن قونىستاندىرۋ, ءوسiرۋ جانە كەيiننەن اۋلاۋ ارقىلى ولاردى بالىق شارۋاشىلىعى ماقساتىندا پايدالانۋدى جاقسارتۋمەن اينالىساتىن شارۋاشىلىق;
2) شارباقتىق بالىق ءوسىرۋ شارۋاشىلىعى (بۇدان ءارى - ءشبوش) – شارباقتاردا تاۋارلى ءونىم وسىرۋگە مامانداناتىن شارۋاشىلىق.
3. اكۆاوسىرۋدى دامىتۋ ماقساتىندا جەرگىلىكتى, رەسپۋبليكالىق جانە حالىقارالىق ماڭىزعا يە بالىق شارۋاشىلىعى سۋ ايدىندارى جانە (نەمەسە) ۋچاسكەلەرى پايدالانىلادى.
4. بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن اكۆاوسىرۋدى دامىتۋ ءۇشىن پايدالانۋ كتبوش جانە ءشبوش قۇرۋ ماقساتىندا بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن كونكۋرستىق نەگىزدە بەكىتىپ بەرۋ جولىمەن جۇزەگە اسىرىلادى.
5. كتبوش جانە ءشبوش قۇرۋ ماقساتىندا بالىق شارۋاشىلىعى سۋ ايدىندارىن جانە (نەمەسە) ۋچاسكەلەرىن بەكىتىپ بەرۋ بويىنشا كونكۋرستى وتكىزۋ جانە ۇيىمداستىرۋ ءتارتىبى زاڭنىڭ 9 بابى 1 تارماعىنىڭ 65) تارماقشاسىنا سايكەس بەكىتىلگەن اڭشىلىق القاپتار مەن بالىق شارۋاشىلىعى سۋ ايدىندارىن جانە (نەمەسە) ۋچاسكەلەرiن بەكiتiپ بەرۋ جونiندە كونكۋرس وتكiزۋ قاعيدالارىنا سايكەس جۇرگىزىلەدى.
6. كتبوش ءۇشىن نەگىزگى سۋ ايدىندارىنىڭ گيدرولوگيالىق رەجيمىنە جانە بالىق رەسۋرستارىنىڭ تابيعي كوبەيۋىنە ەلەۋلى تۇردە اسەر ەتپەيىن نەگىزىنەن قۇندىلىعى شامالى بالىق تۇرلەرى بار جانە تابيعي بالىق ونىمدىلىگى تومەن وقشاۋلانعان ء(بولىپ تاستالعان) سۋ ايدىندارى (سۋ ايدىندارى جۇيەلەرى) جانە (نەمەسە) ۋچاسكەلەرى بەرىلەدى.
7. نەگىزگى بالىق شارۋاشىلىعى سۋ ايدىنىمەن بايلانىسى بار كتبوش جانە ءشبوش ءۇشىن وقشاۋلانعان ء(بولىپ تاستالعان) سۋ ايدىندارى جانە (نەمەسە) ۋچاسكەلەرىن بالىقتاندىرۋ جانە ءوسىرۋ اتالعان جانە (نەمەسە) نەگىزگى سۋ ايدىنىندا تابيعي ەركىندىك جاعدايىندا مەكەندەيتىن بالىق تۇرلەرىمەن جۇزەگە اسىرىلادى.
8. وقشاۋلانعان ء(بولىپ تاستالعان) سۋ ايدىندارى جانە (نەمەسە) ونىڭ نەگىزگى بالىق شارۋاشىلىعى سۋ ايدىنىمەن بايلانىسى بار جەكە بولىكتەرىندە كتبوش جۇرگىزۋ ءۇشىن قاجەتتى شارت كتبوش ءۇشىن بەكىتىلىپ بەرىلگەن سۋ قويماسىنان وسىرىلگەن بالىق تۇرلەرىنىڭ كەتىپ قالماۋىن جانە سۋ قويماسىنا بوگدە بالىقتاردىڭ (سونىڭ ىشىندە شاباقتار) وزدىگىنەن كىرىپ كەتۋىنە بوگەت بولاتىن سەنىمدى گيدروتەحنيكالىق قۇرىلعىلاردىڭ (قوندىرعىلار) بارى بولىپ تابىلادى.
9. وسى جانە (نەمەسە) نەگىزگى سۋ قويمادا مەكەندەمەيتىن جانە بوگدە وبەكتىلەردى (گيدروبيونتتاردى) ءتىرى ازىق رەتىندە پايدالانۋعا رۇقسات ەتىلمەيدى.
10. پايدالانۋشىعا بۇدان بۇرىن بەكىتىلىپ بەرىلگەن سۋ ايدىنىنىڭ جانە (نەمەسە) ۋچاسكەسىنىڭ اكۆاتورياسىندا ورنالاستىرىلعان شارباقتار ايماعىنىڭ شەگىندە بالىق رەسۋرستارىن جانە باسقا دا سۋ جانۋارلارىن پايدالانۋدىڭ رۇقسات ەتىلگەن تۇرلەرى بالىق اۋلاۋ قاعيدالارىن بەكىتۋ تۋرالى قازاقستان رەسپۋبليكاسى اۋىل شارۋاشىلىعى ءمينيسترىنىڭ م.ا. 2015 جىلعى 27 اقپانداعى № 18-04/148 بۇيرىعىنا سايكەس جۇزەگە اسىرىلادى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10606 بولىپ تىركەلگەن).
11. كتبوش جانە ءشبوش وسىرىلگەن بالىق پايدالانۋشىنىڭ مەنشىگى بولىپ تابىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 5 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10944 بولىپ ەنگىزىلدى.