شىمكەنت. 4 مامىر. وڭتۇستىك قازاقستان وبلىستىق سوتىنىڭ ۇجىمى ۇلى وتان سوعىسىنىڭ ارداگەرى, قازاقستان رەسپۋبليكاسىنىڭ قۇرمەتتى سۋدياسى ايتجان بەكنازاروۆدى جەڭىس مەرەكەسىمەن قۇتتىقتادى. بۇل تۋرالى egemen.kz ءتىلشىسى حابارلادى.
سوت ۇجىمى قارت مايدانگەردى سوعىس جانە ەڭبەك ارداگەرلەرىنىڭ ەسىمى جازىلعان داڭق تاقتاسىنىڭ جانىندا قارسى الىپ, ەسكەرتكىشكە گۇل شوقتارىن قويدى.
«ءبىز كورگەن سۇراپىل سوعىستى كەيىنگى ۇرپاق كورمەي-اق قويسىن. ەلىمىزدىڭ مەملەكەت باسشىسى نۇرسۇلتان نازارباەۆ ادامزات بالاسىن اۋىر زارداپقا ۇشىراتاتىن يادرولىق قارۋدى تاراتپاۋ جونىندە دۇنيەجۇزىنىڭ باسشىلارىنا ۇندەۋ جاريالادى. ويتكەنى, ەندىگى سوعىستا جەڭىمپازدار بولمايدى», دەدى ايتجان اقساقال.
ەلىمىز امان, جۇرتىمىز تىنىش بولسىن. قازاقستانىمىز داۋىرلەي بەرسىن. جۇزگە اياق باسقان ابىز اقساقالدىڭ تىلەگى وسى.
باقتيار تايجان.
دەرەك, فوتو: egemen.kz