قاراعاندى. 4 مامىر. قاراعاندى قالاسىنداعى حايۋاناتتار باعىنىڭ ەسكى عيماراتى قۇلاپ قالدى. بۇل تۋرالى vk.com-عا سىلتەمە جاساعان egemen.kz ءتىلشىسى حابارلادى.
ەسكى عيماراتتىڭ قۇلاعالى تۇرعانى وتكەن جىلى بەلگىلى بولعان. سول كەزدە جۇمىسشىلار قۇرىلىس ۆاگوندارىنا ورنالاستىرىلىپ, ال جانۋارلار جاپسارلاس قورالارعا كوشىرىلگەن بولاتىن.
بۇل – حايۋاناتتار باعىنداعى جالعىز عانا كەلەڭسىز وقيعا ەمەس, 2015 جىلدىڭ قازان ايىندا مۇندا جانۋارلاردى زاڭسىز ساتۋ وقيعالارى بەلگىلى بولدى. پروكۋرورلاردىڭ دەرەگى بويىنشا, مەكەمەدە جاڭا تۋعان تولدەر تىركەلمەي, كەيىن ولار بەلگىسىز بىرەۋلەرگە ساتىلىپ وتىرعان.
ال وسى جىلدىڭ اقپان ايىندا حايۋاناتتار باعىنىڭ بۇرىنعى ديرەكتورىنىڭ جەكە مەنشىگىندەگى ءپونيدى ەكى جىل بويى مەكەمەدە تەگىن ۇستاپ, اسىراپ كەلگەنى انىقتالدى. سوت شەشىمىمەن ەكس-ديرەكتورعا 300 مىڭ تەڭگە ايىپپۇل سالىندى.
قايرات ءابىلدينوۆ.
دەرەك, فوتو: vk.com.