ماڭعىستاۋداعى ماڭىزدى ستراتەگيالىق نىساننىڭ ءبىرى − «ماەك» جشس (ماڭعىستاۋ اتوم ەنەرگەتيكالىق كومبيناتى) ۇجىمى جاڭا كونستيتۋتسيانى قولدادى, دەپ حابارلايدى Egemen.kz.
بۇگىندە 3500-دەن استام ادام ەڭبەك ەتەتىن «ماەك» جشس − وڭىردەگى ستراتەگيالىق ماڭىزى بار ەنەرگەتيكالىق نىسان. كاسىپورىن وبلىس حالقىن تۇراقتى ەلەكتر قۋاتىمەن, سۋ جانە جىلۋمەن قامتاماسىز ەتىپ, تۇرعىنداردىڭ تىرشىلىك تىنىسىن ۇزدىكسىز قولداپ كەلەدى. ءاربىر قىزمەتكەر ءوڭىردىڭ ورنىقتى دامۋىنا جانە حالىقتىڭ ءومىر ساپاسىن ارتتىرۋعا ءوز ۇلەسىن قوسىپ ءجۇر.
قازاقستان حالىق پارتياسى جاڭا كونستيتۋتسيا جوباسىنا قاتىستى ساراپتامالىق تالقىلاۋ وتكىزدى
ۇجىم اتىنان كاسىپورىن باسشىسى كينيس ۋراكوۆ ءسوز سويلەپ, رەفەرەندۋمعا قاتىسۋ − ازاماتتىق جاۋاپكەرشىلىكتىڭ جانە ەڭبەك ۇجىمىنىڭ سانالى ۇستانىمىنىڭ كورىنىسى ەكەنىن اتاپ ءوتتى.
ء«بىز كۇن سايىن ءوڭىرىمىزدىڭ دامۋى مەن تۇراقتىلىعى ءۇشىن ەڭبەك ەتەمىز. ءار قىزمەتكەردىڭ ەڭبەگى − ماڭعىستاۋدىڭ وركەندەۋىنە قوسىلعان ۇلەس. رەفەرەندۋم − ەلىمىزدىڭ بولاشاعىن ءوز داۋىسىمىز ارقىلى ايقىنداۋعا بەرىلگەن ماڭىزدى مۇمكىندىك. شەشىمدى بىرگە قابىلداي وتىرىپ, ءبىز سەنىمدى, تۇراقتى ءارى گۇلدەنگەن قازاقستان ءۇشىن جاۋاپكەرشىلىگىمىزدى كورسەتەمىز. بولاشاق − ءار داۋىستا, ءار ارەكەتتە, ءار ادامنىڭ تاڭداۋىندا. ءبىز, ماەك ۇجىمى, جاڭا كونستيتۋتسيانى تولىق قولدايمىز», دەدى كينيس ۋراكوۆ.
كاسىپورىن ۇجىمى جاڭا كونستيتۋتسيا مەملەكەتتىلىكتى ودان ءارى نىعايتۋعا, دەموكراتيالىق ينستيتۋتتاردى دامىتۋعا جانە ازاماتتاردىڭ قوعامدىق-ساياسي ومىردەگى ءرولىن ارتتىرۋعا باعىتتالعانىن اتاپ ءوتتى.
جاڭا كونستيتۋتسيا: اقمولا وبلىسىنىڭ تۇرعىندارى وزدەرىن تولعاندىرعان سۇراقتارىن قويدى
«ماەك» جشس وڭىردەگى نەگىزگى كاسىپورىنداردىڭ ءبىرى رەتىندە ءوزىنىڭ بەلسەندى ازاماتتىق ۇستانىمىن ءبىلدىرىپ, قازاقستاننىڭ دامۋى مەن وركەندەۋىنە باعىتتالعان باستامالاردى قولداۋعا دايىن ەكەنىن كورسەتتى.
اقسۋ جاستارى وبلىس اكىمىمەن جاڭا كونستيتۋتسيا جوباسىن تالقىلادى