اقتاۋ. 5 ءساۋىر. اقتاۋدا جانتۇرشىگەرلىك قىلمىستىق وقيعا ورىن الدى. بۇل تۋرالى lada.kz-كە سىلتەمە جاساعان egemen.kz ءتىلشىسى حابارلادى.
وقيعا 4 ءساۋىر كۇنى كەشكە تامان اقتاۋ قالاسىنىڭ 11 شاعىن اۋدانىندا ورىن العان. تۇرعىنداردىڭ ايتۋىنشا, №31 ءۇيدىڭ اۋلاسىنان بىرەۋلەر پىشاقتاپ كەتكەن ەر ادامدى كورگەن. ال سول ساتتە كورشى №30 ءۇيدىڭ كىرەبەرىسىنەن ەس-ءتۇسسىز جاتقان تاعى ءبىر ەر ادام تابىلعان.
وقيعا ورنىنا كەلگەن دارىگەرلەر 1991 جىلى تۋعان جاس جىگىتتى پىشاق جاراقاتىمەن اۋرۋحاناعا جەتكىزدى. سونداي-اق, وق تيگەن جىگىت وقيعا ورنىندا قايتىس بولدى.
كۋاگەرلەر مىلتىقتىڭ داۋىسىنا ۇقساس وقىس داۋىستى ەستىگەنىن, تەرەزەدەن قاراعاندا قان-جوسا بولىپ جاتقان جىگىتتى كورگەندەرىن ايتۋدا. قازىرگى ۋاقىتتا پوليتسەيلەر, كريميناليستەر جانە پروكۋراتۋرا قىزمەتكەرلەرى وقيعانىڭ ءمان-جايىن انىقتاۋدا.
گۇلايىم شىنتەمىرقىزى.
دەرەك, سۋرەت: lada.kz.