قاراعاندى. 4 ءساۋىر. كاسىپقوي بوكستا ورتا سالماقتاعى الەم چەمپيونى گەننادي گولوۆكين (34-0, 31 كو) مەن دومينيك ۋەيد (18-0, 12 كو) اراسىنداعى جەكپە-جەكتى قازاقستاندىق جانكۇيەرلەر تەلەديداردان كورە الماۋى مۇمكىن. بۇل تۋرالى vesti.kz-كە سىلتەمە جاساعان egemen.kz ءتىلشىسى حابارلادى.
گولوۆكيننىڭ جەكپە-جەكتەرىن ءبىزدىڭ ەلدە تۇراقتى تۇردە كورسەتىپ كەلگەن «قازاقستان» ۇلتتىق ارناسى بۇل ماسەلە تۋراسىندا ازىرگە باسىن اشىپ ەشنارسە ايتپادى. تەك كومپانيانىڭ ءباسپاسوز قىزمەتى «اعىمداعى ۋاقىتتا جەكپە-جەك ترانسلياتسياسى جونىندە ەش جاڭالىق جوق» دەگەن حابارلاما تاراتتى.
سونداي-اق, «حابار» جانە «وڭ-تۆ» ارنالارى جەكپە-جەككە قىزىعۋشىلىق تانىتقانىمەن, بەلگىلى سەبەپتەرمەن ونىڭ ترانسلياتسياسىن كورسەتە المايتىندىقتارىن جەتكىزدى.
ايتا كەتەيىك, گەننادي گولوۆكين مەن دومينيك ۋەيد اراسىنداعى جەكپە-جەك اقش-تىڭ لوس-اندجەلەس قالاسىندا 23 ءساۋىر كۇنى وتەدى (استانا ۋاقىتى بويىنشا, 24 ءساۋىردىڭ تاڭەرتەڭگىلىك مەزگىلى).
قايرات ءابىلدينوۆ.
دەرەك, فوتو: vesti.kz.