استانا. 17 ناۋرىز. بۇگىن الماتىدا گروسسمەيستەر, ايەلدەر اراسىنداعى الەمنىڭ ءتورت دۇركىن چەمپيونى شاحماتشى, حالىقارالىق شەبەر جانسايا ابدىمالىكتىڭ شاحمات اكادەمياسىنىڭ فيليالى اشىلدى. بۇل تۋرالى egemen.kz ءتىلشىسى حابارلادى.
بۇعان دەيىن الماتىدا الەمنىڭ ەڭ جاس گروسسمەيستەرى اتانعان وتانداسىمىزدىڭ جەكە اكادەمياسى اشىلعان بولاتىن. سول كەزدە ونىڭ اكەسى دانيار ءاشىروۆ: «ءبىز اكادەميادا ءۇش توپتا, ءۇش اۋىسىممەن قىزمەت اتقاراتىن بولامىز. العاشقى توپتى تەگىن جاتتىعادى. كوپ بالالى وتباسى مەن جەتىم بالالاردان اقشا المايمىز. ەكىنشى توپتاعى وتباسى جاعدايى ورتاشا بالالاردى ايىنا 3 000 تەڭگەگە جاتتىقتىرامىز. ال ءۇشىنشى توپتا شاحماتقا قىزىعىپ جۇرگەن بالالار جاتتىعا الادى. ولار ايىنا 15 000-20 000 تەڭگەدەن استام اقشا تولەيدى», دەگەن ەدى. ەندى مىنە, سول اكادەميا قاناتىن كەڭ جايىپ, قالانىڭ ءبىر بۇرىشىندا تاعى ءبىر ورىن اشىپ وتىر.
فيليال روزىباكيەۆ كوشەسىندەگى №289 ۇيدە ورنالاسقان. بۇل ءۇي ءال فارابي داڭعىلىنىڭ قيىلىسىندا تۇر. ول «ايگەرىم» تۇرعىن ءۇي كەشەنى دەپ اتالادى.
داستان كەنجالين.
دەرەك, سۋرەت: egemen.kz