اۋا رايىنىڭ جىلىنۋىنا جانە ەلەكتروساموكات پايدالانۋشىلار سانىنىڭ ارتۋىنا بايلانىستى استانا قالاسىندا رەيدتىك ءىس-شارالار كۇشەيتىلدى. تەكسەرۋ جۇمىستارى ناتيجەسىندە 200-گە جۋىق ساموكات پايدالانۋشىسى جاۋاپقا تارتىلعان, دەپ حابارلايدى Egemen.kz.
پوليتسيا قىزمەتكەرلەرى ازاماتتارعا جول قوزعالىسى قاعيدالارىن ساقتاۋ قاجەتتىلىگى تۋرالى تۇراقتى تۇردە ءتۇسىندىرۋ جۇمىستارىن جۇرگىزىپ كەلەدى. اسىرەسە, ەلەكتروساموكاتتاردى قاۋىپسىز پايدالانۋ, قورعانىس قۇرالدارىن قولدانۋ جانە جاياۋ جۇرگىنشىلەر مەن جۇرگىزۋشىلەرگە قاۋىپ توندىرەتىن ارەكەتتەرگە جول بەرمەۋ ماسەلەلەرىنە ەرەكشە نازار اۋدارىلعان.
رەيدتەر بارىسىندا 200-گە جۋىق ساموكات پايدالانۋشىسى اكىمشىلىك جاۋاپكەرشىلىككە تارتىلدى. سونىمەن قاتار ەرەجەنى بۇزا وتىرىپ ورنالاستىرىلعان 170-تەن استام ەلەكتروساموكات كوممۋنالدىق تۇراقتارعا ەۆاكۋاتسيالانعان.
ەلوردادا ەلەكتروساموكاتتاردى باقىلاۋدىڭ جاڭا جۇيەسى ەنگىزىلەدى
پوليتسيا اتاپ وتكەندەي, ساموكاتتاردى رەتسىز قويۋ جاياۋ جۇرگىنشىلەرگە قولايسىزدىق تۋعىزىپ قانا قويماي, ولاردىڭ قاۋىپسىزدىگىنە دە قاۋىپ توندىرەدى. بۇل, اسىرەسە, مۇمكىندىگى شەكتەۋلى ازاماتتار مەن بالالار ارباسىمەن جۇرگەن اتا-انالار ءۇشىن قيىندىق كەلتىرەدى.
الماتىدا ساموكات مىنگەندەرگە باقىلاۋ كۇشەيدى
قالالىق پوليتسيا دەپارتامەنتى قالا تۇرعىندارى مەن قوناقتارىن جول قوزعالىسى قاعيدالارىن قاتاڭ ساقتاۋعا شاقىرادى. قاۋىپسىزدىكتى قامتاماسىز ەتۋ بويىنشا جۇمىستار جالعاساتىن بولادى.