قازاقستاندا مەملەكەتتىك الەۋمەتتىك ساقتاندىرۋ قورىنان جۇمىسسىزدىق بويىنشا تولەمدەر بەرۋ مەرزىمى قىسقارتىلماق. بۇل تۋرالى ۇكىمەتتەگى بريفينگ بارىسىندا ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتاەۆ مالىمدەدى, دەپ حابارلايدى,Egemen.kz
ءمينيستردىڭ ايتۋىنشا, قازىرگى ۋاقىتتا قور تۇراقتى جۇمىس ىستەپ تۇر جانە قاراجات جەتكىلىكتى كولەمدە ءتۇسىپ جاتىر. دەگەنمەن تولەم جۇيەسىندە كەيبىر سحەمالىق پايدالانۋ جاعدايلارى انىقتالعان.
«مىسالى, ءبىر ادام بىرنەشە ۇيىمدا جۇمىس ىستەپ, ءبىر ۋاقىتتا جۇمىستان شىعىپ, كەيىن جۇمىسسىز رەتىندە ءوتىنىش بەرەدى. سول كەزدە وعان ورتاشا جالاقى نەگىزىندە تولەم تاعايىندالادى. مۇنداي جاعدايلار رەتتەۋدى قاجەت ەتەدى», دەدى مينيستر.
جۇمىسسىزدىق بويىنشا تولەم قالاي تاعايىندالادى؟
ونىڭ ايتۋىنشا, پاندەمياعا دەيىن جۇمىسسىزدىق بويىنشا تولەم 4 ايعا دەيىن بەرىلگەن, ال پاندەميا كەزىندە بۇل مەرزىم 6 ايعا ۇزارتىلعان. ەندى بۇرىنعى تارتىپكە قايتارۋ جوسپارلانىپ وتىر.
«جۇمىسسىز مارتەبەسى قازىرگى تاڭدا ءۇش كۇن ىشىندە بەرىلەدى, بۇل دۇرىس ەمەس. سوندىقتان ونى 10 كۇنگە وزگەرتىپ, تولەم مەرزىمىن 4 ايعا دەيىن قىسقارتامىز. بۇل ارتىق جانە نەگىزسىز تولەمدەردىڭ الدىن الۋ ءۇشىن قاجەت», دەدى ا.ەرتاەۆ.
ەڭ تومەنگى جالاقى 150 مىڭ تەڭگەگە دەيىن وسە مە؟ مينيستر جاۋاپ بەردى
ايتا كەتەيىك, مينيسترلىكتىڭ ءتيىستى وزگەرىستەر جوباسى قازىر تالقىلانىپ جاتىر.