قوستاناي وبلىسىندا اتوم ەلەكتر ستانتسياسىن سالۋ مۇمكىندىگى قاراستىرىلىپ جاتىر. بۇل تۋرالى اتوم ەنەرگياسى جونىندەگى اگەنتتىك توراعاسى الماسادام ساتقاليەۆ مالىمدەدى, دەپ حابارلايدى Egemen.kz.
اگەنتتىك توراعاسىنىڭ ايتۋىنشا, ەلدىڭ ەنەرگەتيكالىق تۇراقتىلىعىن قامتاماسىز ەتۋ ماقساتىندا كەمىندە ءۇش, ال پەرسپەكتيۆادا ءتورت اتوم ەلەكتر ستانتسياسىن سالۋ جوسپارلانىپ وتىر.
قازاقستاندا ەكىنشى اەس بالقاش ماڭىندا سالىنۋى مۇمكىن
«قازاقستاندا اتوم ەنەرگەتيكاسىن دامىتۋعا ارنالعان بىرنەشە ەرەكشە الاڭ بار. ونىڭ ىشىندە بالقاش ماڭى, كۋرچاتوۆ جانە باتىس قازاقستان وڭىرلەرى بار. سونداي-اق ۇزاق مەرزىمدى پەرسپەكتيۆادا قوستاناي وبلىسى دا قاراستىرىلۋى مۇمكىن», دەدى ا. ساتقاليەۆ.
اگەنتتىك باسشىسى بۇل وڭىرلەردە ەنەرگەتيكالىق تەڭگەرىم, ەكولوگيالىق جانە سەيسميكالىق قاۋىپسىزدىك تالاپتارى ەسكەرىلەتىنىن اتاپ ءوتتى. ونىڭ ايتۋىنشا, قوستاناي وبلىسى شامامەن 20-30 جىلدىق پەرسپەكتيۆادا ىقتيمال الاڭ بولۋى مۇمكىن.
پاريجدەگى سامميت: الەم ەلدەرىنىڭ اتوم سالاسىنداعى ىنتىماقتاستىعى نىعايا بەرەدى
ايتا كەتەيىك, قازاقستاندا الداعى جىلدارى كەمىندە ءۇش اتوم ەلەكتر ستانتسياسىن ىسكە قوسۋ جوسپارلانعان, سونداي-اق ءتورتىنشى ستانتسيانى سالۋ مۇمكىندىگى دە قاراستىرىلىپ وتىر.