استانا. 17 ناۋرىز. ۆتب بىرىڭعاي ليگاسىندا وينايتىن «استانا» باسكەتبول كومانداسى كەزەكتى رەت جەڭىلىپ, جانكۇيەرلەرىن جەرگە قاراتتى. بۇل جولى ەلوردالىقتار ءوز الاڭدارىندا سانكت-پەتەربۋرگتىڭ «زەنيتىنە» ەسە جىبەردى. كەزدەسۋ رەسەيلىكتەردىڭ پايداسىنا 93:71 ەسەبىمەن اياقتالدى. بۇل تۋرالى egemen.kz ءتىلشىسى حابارلادى.
ءبىرىنشى كەزەڭ تولىعىمەن «زەنيتتىڭ» باسىمدىعىمەن ءوتتى. ناتيجەسىندە قوناقتار 23:12 ەسەبىمەن باسىم ءتۇستى. ەكىنشى كەزەڭدە «استانا» قارقىنىن كۇشەيتكەنىمەن, تاعى دا رەسەيلىكتەرگە جول بەرۋگە ءماجبۇر بولدى (25:20). ال ءۇشىنشى بولىكتە استانالىقتار ەكى ۇپاي ايىرماشىلىعىمەن جەڭدى (19:17). دەگەنمەن, سوڭعى كەزەڭدە باسىمدىقتى قايتا قولدارىنا العان «زەنيت» ويىنشىلارى 28:20 ەسەبىمەن جەڭىسكە جەتىپ, ماڭىزدى ۇپايلارعا قول جەتكىزدى.
ويىن بارىسىندا «استانا» ساپىنان الەكسەي جۋكانەنكونىڭ شەبەرلىگىمەن كوزگە تۇسكەنىن اتاپ وتكەن ءجون. ول وسى ماتچتا 20 ۇپايدى ءوز اتىنا جازدى.
وسىمەن قاتارىنان سەگىزىنشى رەت جەڭىلگەن رامۋناس بۋتاۋتاستىڭ كومانداسى ازىرگە تۋرنير كەستەسىندە 15-ورىندا تۇر. «استانا» كەلەسى كەزدەسۋىن 20 ناۋرىزدا سىرت الاڭدا كراسنويارسكىنىڭ «ەنيسەيىمەن» وتكىزەدى.
ەلامان قوڭىر.
دەرەك: egemen.kz.
سۋرەت: bcastana.kz.