قوستاناي. 17 ناۋرىز. وسىدان ءبىر اي بۇرىن شاماسىندا قۇرىلعان سايلاۋدى باقىلاۋ جونىندەگى رەسپۋبليكالىق قوعامدىق كوميسسيانىڭ وڭىرلىك فيليالىنىڭ جەتەكشىسى ءالىمجان بەكماعامبەتوۆ ورتالىق مۇشەلەرىمەن بىرگە جۋرناليستەرگە تاعى دا بريفينگ وتكىزدى. ول ءبىر اي تاۋلىگىندە قوعامدىق بايقاۋشىلاردىڭ دايىندالعانىن جانە ولاردىڭ اتقاراتىن قىزمەتى جايلى اڭگىمەلەدى. بۇل تۋرالى egemen.kz ءتىلشىسى حابارلادى.
بريفينگتە ءالىمجان باۋىرجان ۇلى قوعامدىق كوميسسيانىڭ سايلاۋعا دايىندىق جۇمىستارى تۋرالى ايتتى. وسى كەزگە دەيىن وڭىرلىك ورتالىق قوعامدىق بايقاۋشىلاردى دايىنداۋ ءۇشىن ولارمەن بىرنەشە رەت سەمينارلار وتكىزىلگەن, 797 ادامنان تۇراتىن قوعامدىق بايقاۋشىلار كورپۋسى جاساقتالدى.
سايلاۋدى بايقاۋعا كومەك بەرۋ وڭىرلىك ورتالىعىنىڭ جەتەكشىسى ءالىمجان بەكماعامبەتوۆ: «قوعامدىق بايقاۋشىلاردىڭ ارقايسىسىمەن جەكە كەلىسىم شارت جاسالدى, ولارعا 4000 تەڭگە تولەنەدى. قوعامدىق بايقاۋشىلار قاتارىنا مۇعالىمدەر مەن دارىگەرلەر, بيۋدجەتتىك ەمەس ۇيىمدار وكىلدەرى كىردى. قوعامدىق بايقاۋشى بولعىسى كەلگەن بەلگىلى ءبىر پارتيانىڭ مۇشەلەرىن قابىلدامادىق. قىسقاسى سايلاۋ كۇنى قوعامدىق بايقاۋشىلار كورپۋسى ءوز مىندەتىن اتقاراتىن بولادى», – دەدى.
ءالىمجان بەكماعامبەتوۆتىڭ ايتۋىنشا, سايلاۋ كۇنى قوعامدىق بايقاۋشىلار الىس اۋىلداردا, ەلدى مەكەندەردە دە جەتەدى. اۋرۋحانالار مەن ارنايى مەكەمەلەردەن باسقا ورىنداردىڭ بارلىعىنان دا قوعامدىق بايقاۋشىلار تابىلادى.
ءنازيرا جارىمبەتوۆا.
دەرەك, سۋرەت: egemen.kz.