استانا. 5 ناۋرىز. Toyota كومپانياسى اعاشتان جاسالعان جاڭا كولىك ءتۇرىن كوپشىلىكتىڭ نازارىنا ۇسىندى. بۇل تۋرالى livecars.ru-عا سىلتەمە جاساعان egemen.kz ءتىلشىسى حابارلادى.
جاڭا كونتسەپت-كاردى ماماندار Toyota Setsuna دەپ اتادى. Setsuna ءسوزى جاپون تىلىنەن اۋدارعاندا «قاس-قاعىم» دەگەن ماعىنانى بىلدىرەدى.
اۆتوموبيل اعاشتىڭ بىرنەشە تۇرىنەن جاسالعان. ماسەلەن, كولىكتىڭ راماسى تەگىس جاپىراقتى قايىڭنان دايىندالسا, شاناعى (كۋزوۆ) ءۇشىن جاپون سامىرسىنى قولدانىلعان. ال ءرۋلى ساۋىراعاشتان (كيپاريس) دايىندالعان.
Toyota Setsuna-نىڭ ۇزىندىعى – 3,03 مەتر. سونداي-اق, ەنى – 1,48 مەتر, بيىكتىگى – 0,97 مەتر, ال دوڭگەلەك بازاسىنىڭ ولشەمى 1,7 مەترگە تەڭ. اۆتوموبيل ەلەكتروموتوردىڭ كومەگىمەن جۇرەدى. ازىرگە باسقا تەحنيكالىق سيپاتتامالارى بەلگىسىز.
جاپوندار جاڭا كولىكتى 12-17 ءساۋىر كۇندەرى يتاليانىڭ ميلان قالاسىندا وتەتىن ءسان اپتالىعىندا جۇرتشىلىققا رەسمي تۇردە تانىستىرادى دەپ كۇتىلۋدە.
ەلامان قوڭىر.
دەرەك, سۋرەت: livecars.ru.