اتىراۋ. 25 اقپان. اتىراۋدا سوت شەشىمىنە نارازىلىق تانىتقان جىگىت ۇستىنە بەنزين شاشىپ, ءوزىن-ءوزى ورتەۋگە ارەكەت جاسادى. وسىعان وراي وبلىستىق سوتتىڭ ءباسپاسوز قىزمەتى تۇسىنىك بەردى. بۇل تۋرالى egemen.kz ءتىلشىسى حابارلادى.
بۇگىن تاڭەرتەڭ اتىراۋ وبلىستىق سوتى عيماراتىنىڭ الدىندا بولعان وقىس وقيعانىڭ ءوربۋى سوت شەشىمىنە رازى بولماۋدان تۋىنداعان. وسىعان وراي وبلىستىق سوتتىڭ ءباسپاسوز قىزمەتى تاراتقان تۇسىنىككە جۇگىنسەك, ءوزىن-ءوزى ورتەۋگە ارەكەتتەنگەن جىگىت 2014 جىلدىڭ اياعىندا اناسى مەن باۋىرىنان 3,8 ملن. تەڭگە سوماسىنداعى اقشالاي ۇلەستى ءبولىسۋ ءۇشىن سوتقا جۇگىنگەن. اتىراۋ قالالىق سوتى 2014 جىلدىڭ 26 جەلتوقسانىندا تۋىستاردىڭ اراسىنداعى جەر تەلىمى مەن تۇرعىن ۇيگە بايلانىستى داۋدى سارالاپ, تالاپ ەتۋشىنىڭ پايداسىنا 3,8 ملن. تەڭگە مەن سوت شىعىنىن ءوندىرىپ بەرۋگە شەشىم شىعارادى. كەيىن بۇل ءىس اپەللياتسيالىق جانە كاسساتسيالىق ينستانتسيالاردا قارالىپ, تالاپ ارىز بەرۋشىنىڭ پايداسىنا تولەنەتىن قاراجات 2 ملن. تەڭگەدەن ءسال اساتىن سوماعا دەيىن تومەندەتىلەدى. سوتتىڭ 2015 جىلعى 30 شىلدەدەگى قاۋلىسىن شىعارۋىنا تۇرعىن ءۇي مەن جەر تەلىمىنىڭ نارىقتاعى باعاسى ەسكەرىلەدى.
سوتتىڭ باستاپقى شەشىمدى وزگەرتۋىنەن تۋىستارىنان ءوزى ويلاعانداي ۇلەستى الا الماعانىنا نارازىلىق تانىتقان جىگىت ءوزىن-ءوزى ورتەۋگە ارەكەتتەندى. قازىرگى تاڭدا ول 2 جانە 3-دارەجەلى كۇيىكپەن اۋرۋحانادا جاتىر.
جولداسبەك شوپەعۇل.
دەرەك: اتىراۋ وبلىستىق سوتىنىڭ ءباسپاسوز قىزمەتى.
سۋرەت: راحىم قويلىباەۆ.