پاۆلودار. 25 اقپان. استانادان ەل تاۋەلسىزدىگىنىڭ 25 جىلدىعىنا وراي ساپارعا شىققان «ماڭگىلىك ەل» پويىزى وسكەمەن, سەمەيدى ارالاپ, كەرەكۋ وڭىرىنە كەلدى. بۇل تۋرالى egemen.kz ءتىلشىسى حابارلادى.
ساپارلاتىپ كەلە جاتقان پويىزدى 24 اقپان كۇنى تەمىرجول ۆوكزالىنان قالا اكىمى بولات باقاۋوۆ باستاعان اسسامبلەيا, قوعامدىق ۇيىمداردىڭ وكىلدەرى, جەرگىلىكتى جاستار باستاپ, قالا تۇرعىندارى قارسى الدى.
«ءوندىرىستى وڭىرگە كەلگەنىمىزگە قۋانىشتىمىز. ءبىزدىڭ جولعا شىققانداعى ماقساتىمىز – ەلباسىنىڭ «ماڭگىلىك ەل» يدەياسىن ەل ىشىندە ناسيحاتتاۋ, ەلدىك ماقساتتاردى, ۇلتتىق قۇندىلىقتارىمىزدى دارىپتەۋ. پويىز قۇرامىنداعى 98 ادامنىڭ ءبارىنىڭ دە ويلارى ءبىر ەلدەگى قابىلدانعان رەفورمالاردىڭ ءمان-جايىن ءتۇسىندىرىپ, تۇرعىندارعا جەتكىزۋ. ءبىزدىڭ توپ قۇرامىندا مەملەكەتتىك ورگانداردىڭ باس ماماندارى, الەۋمەتتىك جانە مەديتسينا سالاسىنىڭ قىزمەتكەرلەرى, بانك كەڭەسشىلەرى بار. ارامىزدا 30 دارىگەر تۇرعىندارعا كەڭەس بەرەدى», – دەدى پويىز جەتەكشىسى ءامىرجان الپەيىسوۆ.
بۇدان كەيىن توپ مۇشەلەرى وبلىس ورتالىعىنداعى ەستاي اتىنداعى قالالىق مادەنيەت سارايىندا پويىز قوناقتارىنىڭ قاتىسۋىمەن دوڭگەلەك ۇستەل باسىندا ۇلتارالىق كەلىسىم, ەلدەگى تۇراقتىلىق, وركەندەۋ, تاۋەلسىزدىك تالاپتارى اياسىندا اڭگىمەلەسۋ ءوتتى. ال دارىگەرلەر وبلىس ورتالىعىنداعى №3 ەمحانادا قابىلداۋ جۇرگىزدى.
«ماڭگىلىك ەل» پويىزىنىڭ جەتەكشىسى ءامىرجان الپەيىسوۆتىڭ ايتۋىنشا, پويىز قۇرامى باسقا وبلىستاردى ارالاپ پاۆلودارعا كەلىپ جەتكەنگە دەيىن 7,5 مىڭ ادامدى قابىلداعان ەكەن.
وسىعان دەيىن حابارلانعانداي, جولاۋشىلار پويىزىنىڭ قۇرامىندا قازاقستان حالقى اسسامبلەياسىنىڭ مۇشەلەرى, عالىمدار, ساراپشىلار, دارىگەرلەر بار, ولاردىڭ ارقايسىسىنىڭ حالىققا الەۋمەتتىك كومەك كورسەتۋ, بەس ينستيتۋتسيونالدىق رەفورمانى ءتۇسىندىرۋ, كونسۋلتاتيۆتىك كومەك بەرۋ جونىندە ءوز جۇمىستارى بار.
«پويىزدىڭ كەلۋى ارينە, قاراپايىم تۇرعىندار ءۇشىن جاقسى. وتكەن جىلدارى باسقا اتاۋلارمەن كەلىپ ءجۇردى. بارلىق ساۋالدارىنا جاۋاپ الدى دەپ ويلايمىن. حالىق ريزا. اسىرەسە, دارىگەرلەرگە قارالىپ كەڭەستەر العاندارىنا العىس ايتۋدا. ەكىنشىدەن, «ماڭگىلىك ەل» دەپ جول بويىمەن كەلگەن ۇگىت-ناسيحات پويىزىنىڭ كەلۋى ءار ادامنىڭ بويىندا ەلگە, جەرگە دەگەن وتانسۇيگىشتىك سەزىم تۋدىرارى انىق», – دەيدى قزاقستان حالقى اسسامبلەياسىنىڭ وبلىستىق فيليالىنىڭ ورىنباسارى سەيسەنباي جەتپىسباەۆ
ال ۇيىمداستىرۋشىلاردىڭ ايتۋىنشا, قۇرامىنا 100-گە جۋىق مۇشەسى بار, 9 ۆاگوننان تۇراتىن پويىز ساپارى بارىسىندا ءبىزدىڭ ماماندار قۇرامى اۋىسىپ, جاڭارىپ وتىرادى. ماقسات – اۋىل تۇرعىندارىنىڭ, سوعىس ارداگەرلەرى مەن مۇمكىندىگى شەكتەۋلى ادامداردىڭ ءوتىنىش-تىلەكتەرىن تىڭداپ, جاۋاپ بەرىپ, قۇقىقتىق جانە مەديتسينالىق تۇرعىدا كەڭەس بەرىلەدى. جەكە كاسىبىن اشىپ, بيزنەسكە باستاعىسى كەلەتىن كاسىپكەرلەرگە دە كومەك كورسەتىلەدى. مادەني-سپورتتىق شارالار, كونتسەرتتىك باعدارلامالار ۇسىنىلادى», – دەيدى «ماڭگىلىك ەل» مامانداندىرىلعان ارنايى پويىزىنىڭ جەتەكشىسى رۋسلان بارباسوۆ.
پويىز ساپارى ارى قاراي ءوندىرىستى ەكىباستۇزداعى كەزدەسۋلەرمەن جالعاستى..
فاريدا بىقاي.
دەرەك: egemen.kz.
سۋرەت: ماقسات ايتباەۆ.