قاراعاندى. 25 اقپان. قاراعاندىدا جول تالعامايتىن كولىك جۇرگىزۋشىسى جولدان ءوتىپ بارا جاتقان قارت ادامدى سوققىعا جىققان. بۇل تۋرالى newtimes.kz سايتىنا سىلتەمە جاساعان egemen.kz ءتىلشىسى حابارلادى.
وقيعا قالاداعى ورتالىق كوشە – بۇقار جىراۋ داڭعىلىندا بولعان. جولدىڭ رۇقسات ەتىلمەگەن جەرىنەن ءوتىپ بارا جاتقان قاريانى كولىك جۇرگىزۋشى الدىمەن بالاعاتتاپ, ودان كەيىن ۇرىپ جىققان. بۇزاقى مۇنىمەن دە قويماي قۇلاپ جاتقان قارت ادامعا تاعى دا بىرنەشە مارتە سوققى جۇمساعان.
جول ۇستىندە جاتقان قارياعا جەدەل جاردەم كولىگى مەديتسينالىق كومەك كورسەتتى. جاپا شەگۋشى دارىگەرلەرگە باسىنىڭ جانە دە قولىنىڭ قاتتى اۋىرىپ تۇرعانى تۋرالى شاعىمدانعان.
قازىرگى ۋاقىتتا پوليتسيا قىزمەتكەرلەرى قاريانى سوققىعا جىققان كۇدىكتىنى انىقتاۋ جۇمىستارىمەن اينالىسۋدا.
قايرات ءابىلدينوۆ.
دەرەك: newtimes.ru.
سۋرەت: today.kz.