2016 جىلعى 18 اقپان, استانا, ۇكىمەت ءۇيى
قۇقىق قورعاۋ ورگاندارىنىڭ قىزمەتكەرلەرىنە جانە ولارمەن بىرگە تۇراتىن وتباسى مۇشەلەرىنە, زەينەتكەرلەرىنە, سونداي-اق قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەردىڭ بالالارىنا ولار كامەلەتتىك جاسقا تولعانعا دەيىن ءتيىستى مەملەكەتتىك دەنساۋلىق ساقتاۋ ۇيىمدارىندا مەديتسينالىق جانە ساناتوري-كۋرورتتىق قىزمەت كورسەتۋ قاعيدالارىن بەكىتۋ تۋرالى
«قۇقىق قورعاۋ قىزمەتى تۋرالى» 2011 جىلعى 6 قاڭتارداعى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قۇقىق قورعاۋ ورگاندارىنىڭ قىزمەتكەرلەرىنە جانە ولارمەن بىرگە تۇراتىن وتباسى مۇشەلەرىنە, زەينەتكەرلەرىنە, سونداي-اق قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەردىڭ بالالارىنا ولار كامەلەتتىك جاسقا تولعانعا دەيىن ءتيىستى مەملەكەتتىك دەنساۋلىق ساقتاۋ ۇيىمدارىندا مەديتسينالىق جانە ساناتوري-كۋرورتتىق قىزمەت كورسەتۋ قاعيدالارى بەكىتىلسىن.
2. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن.
3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءميننسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2016 جىلعى 18 اقپانداعى №78 قاۋلىسىمەن بەكىتىلگەن
قۇقىق قورعاۋ ورگاندارىنىڭ قىزمەتكەرلەرىنە جانە ولارمەن بىرگە تۋراتىن وتباسى مۇشەلەرىنە, زەينەتكەرلەرىنە, سونداي-اق قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەردىڭ بالالارىنا ولار كامەلەتتىك جاسقا تولعانعا دەيىن ءتيىستى مەملەكەتتىك دەنساۋلىق ساقتاۋ ۇيىمدارىندا مەديتسينالىق جانە ساناتوري-كۋرورتتىق قىزمەت كورسەتۋ قاعيدالارى
1. جالپى ەرەجەلەر
1. وسى قۇقىق قورعاۋ ورگاندارىنىڭ قىزمەتكەرلەرىنە جانە ولارمەن بىرگە تۇراتىن وتباسى مۇشەلەرىنە, زەينەتكەرلەرىنە, سونداي-اق قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەردىڭ بالالارىنا ولار كامەلەتتىك جاسقا تولعانعا دەيىن ءتيىستى مەملەكەتتىك دەنساۋلىق ساقتاۋ ۇيىمدارىندا مەديتسينالىق جانە ساناتوري-كۋرورتتىق قىزمەت كورسەتۋ قاعيدالارى (بۇدان ءارى – قاعيدالار) «قۇقىق قورعاۋ قىزمەتى تۋرالى» 2011 جىلعى 6 قاڭتارداعى قازاقستان رەسپۋبليكاسىنىڭ زاڭىنا سايكەس ازىرلەندى.
قاعيدالار قۇقىق قورعاۋ ورگاندارىنىڭ جانە مەملەكەتتىك فەلدەگەرلىك قىزمەت قىزمەتكەرلەرىنە, ولارمەن بىرگە تۇراتىن وتباسى مۇشەلەرىنە, زەينەتكەرلەرىنە جانە كورسەتىلگەن ورگانداردىڭ قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەرىنىڭ بالالارىنا (بۇدان ءارى – كونتينگەنت) مەديتسينالىق جانە ساناتوري-كۋرورتتىق قىزمەت كورسەتۋ ءتارتىبىن ايقىندايدى.
قاعيدالاردىڭ مەديتسينالىق قىزمەت كورسەتۋ قازاقستان رەسپۋبليكاسى پرەزيدەنتىنىڭ ءىس باسقارماسىنىڭ مەديتسينالىق ۇيىمدارىندا قازاقستان رەسپۋبليكاسىنىڭ زاڭناماعا سايكەس جۇزەگە اسىرىلاتىن قۇقىق قورعاۋ ورگاندارىنىڭ قىزمەتكەرلەرىنە, ولاردىڭ وتباسى مۇشەلەرىنە جانە زەينەتكەرلەرىنە قولدانىلمايدى.
2. قاعيدالاردا قىزمەتكەرلەرىنىڭ وتباسى مۇشەلەرى دەپ: جۇبايى (زايىبى), ەكەۋىنىڭ نەمەسە ەرلى-زايىپتىلاردىڭ بىرەۋىنىڭ كامەلەتكە تولماعان بالالارى (اسىراپ العان, اسىراۋىنداعى نەمەسە قامقورشىلىعىنداعى); بالالارى (اسىراپ العان, اسىراۋىنداعى نەمەسە قامقورشىلىعىنداعى) جانە جۇبايىنىڭ (زايىبىنىڭ) ءبىلىم بەرۋ ۇيىمدارىندا كۇندىزگى وقۋ نىسانىندا وقيتىن جيىرما ءۇش جاسقا دەيىنگى بالالارى; مۇگەدەك بالالار (اسىراپ العان, اسىراۋىنداعى نەمەسە قامقورشىلىعىنداعى) جانە جۇبايىنىڭ (زايىبىنىڭ) ون سەگىز جاسقا دەيىن مۇگەدەك بولعان مۇگەدەك بالالارى; قىزمەتكەردىڭ اسىراۋىنداعى اتا-انالارى جانە جۇبايىنىڭ (زايىبىنىڭ) اتا-انالارى تۇسىنىلەدى.
قىزمەتتىك مىندەتتەرىن اتقارۋ كەزىندە قازا تاپقان قىزمەتكەردىڭ بالالارىنا, ولار كامەلەتتىك جاسقا تولعانعا دەيىن قازاقستان رەسپۋبليكاسى ىشكى ىستەر مينيسترلىگىنىڭ مەديتسينالىق ۇيىمدارىندا مەديتسينالىق جانە ساناتوري-كۋرورتتىق قىزمەت كورسەتۋ قۇقىعى ساقتالادى.
3. كونتينگەنتكە مەديتسينالىق جانە ساناتوري-كۋرورتتىق قىزمەت كورسەتۋ قازاقستان رەسپۋبليكاسى ىشكى ىستەر مينيسترلىگىنىڭ مەديتسينالىق ۇيىمدارىندا (بۇدان ءارى – ۆەدومستۆولىق مەديتسينالىق ۇيىمدار) جۇزەگە اسىرىلادى.
4. قىزمەتىن وتكەرىپ جاتقان جەردە نەمەسە تۇرعىلىقتى جەرى بويىنشا ۆەدومستۆولىق مەديتسينالىق ۇيىمدار بولماعان نەمەسە ۆەدومستۆولىق مەديتسينالىق ۇيىمداردا ءتيىستى بولىمشەلەر, ماماندار نە ارنايى جابدىقتار بولماعان جاعدايدا, مەديتسينالىق كومەكتى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دەنساۋلىق ساقتاۋ سۋبەكتىلەرى كورسەتەدى.
2. مەديتسينالىق قىزمەت كورسەتۋدى ۇيىمداستىرۋ
5. ۆەدومستۆولىق مەديتسينالىق ۇيىمدار مەديتسينالىق كومەكتى:
1) امبۋلاتورلىق-ەمحانالىق كومەك: مەديتسينالىق-سانيتاريالىق العاشقى كومەك جانە كونسۋلتاتسيالىق-دياگنوستيكالىق كومەك;
2) ستاتسيونارلىق كومەك;
3) ستاتسيوناردى الماستىراتىن كومەك نىساندارىندا كورسەتەدى.
پاتسيەنتتى كونتينگەنت قاتارىنان دەنساۋلىق ساقتاۋ سالاسىنداعى ۋاكىلەتتى ورگاننىڭ قاراماعىنداعى مامانداندىرىلعان ستاتسيونارعا, عىلىمي-زەرتتەۋ ۇيىمدارىنا زەرتتەۋ جانە ەمدەۋ ءۇشىن اۋىستىرۋ قاجەتتىگى تۋىنداعان كەزدە, مۇنداي اۋىستىرۋ قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىنا سايكەس جۇزەگە اسىرىلادى.
ادامداردى شەت ەلگە ەمدەۋگە جىبەرۋ قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىنا سايكەس جۇزەگە اسىرىلادى.
6. ۆەدومستۆولىق مەديتسينالىق ۇيىمداردىڭ ستاتسيونارلارىندا ءدارى- دارمەكپەن قامتاماسىز ەتۋ دەنساۋلىق ساقتاۋ سالاسىنداعى ۋاكىلەتتى ورگان بەكىتكەن قازاقستاندىق ۇلتتىق دارىلىك فورمۋليارعا سايكەس تەگىن كورسەتىلەدى.
7. ۆەدومستۆولىق مەديتسينالىق ۇيىمداردا كونتينگەنتكە مەديتسينالىق كومەك دەنساۋلىق ساقتاۋ سالاسىنداعى ستاندارتقا سايكەس كورسەتىلەدى.
8. استانا جانە الماتى قالالارىنان تىس جەرلەردە تۇراتىن كونتينگەنتكە كونسۋلتاتسيا بەرۋ جانە استانا جانە الماتى قالالارىندا ورنالاسقان رەسپۋبليكالىق ۆەدومستۆولىق مەديتسينالىق ۇيىمدارعا ەمدەۋگە جاتقىزۋ قازاقستان رەسپۋبليكاسى ىشكى ىستەر مينيسترلىگىنىڭ تىل دەپارتامەنتى مەديتسينالىق باسقارماسىنىڭ جولداماسى بويىنشا جۇزەگە اسىرىلادى.
استانا جانە الماتى قالالارىندا ورنالاسقان رەسپۋبليكالىق ۆەدومستۆولىق مەديتسينالىق ۇيىمدارعا كونيتينگەنتتى جىبەرۋ ءتارتىبىن قازاقستان رەسپۋبليكاسى ىشكى ىستەر مينيسترلىگى بەلگىلەيدى.
9. مەديتسينالىق كومەك الۋ ءۇشىن بەكىتىلگەن كونتينگەنتتى رەسىمدەۋدى ۆەدومستۆولىق مەديتسينالىق ۇيىمدار قۇقىق قورعاۋ ورگاندارىنىڭ كادر قىزمەتتەرى ۇسىنعان كونتينگەنتتىڭ تىزىمدەرى نەگىزىندە جۇرگىزەدى.
ۆەدومستۆولىق مەديتسينالىق ۇيىمعا بەكىتۋ جەكە باستى كۋالاندىراتىن قۇجات (قىزمەتكەردىڭ قىزمەتتىك كۋالىگى, قىزمەتكەردىڭ, ونىڭ ىشىندە قىزمەتتىك مىندەتتەرىن اتقارۋ كەزىندە قازا تاپقان قىزمەتكەردىڭ, وتباسى مۇشەلەرى ءۇشىن تۋ تۋرالى كۋالىك, جەكە كۋالىك, زەينەتاقى كۋالىگى) نەگىزىندە مەديتسينالىق ۇيىمنىڭ جۇمىس كەستەسىنە سايكەس كەز كەلگەن كۇنتىزبەلىك ۋاقىتتا جۇزەگە اسىرىلادى.
ءاربىر بەكىتىلگەن ادامعا امبۋلاتورلىق پاتسيەنت كارتاسى رەسىمدەلەدى, ول امبۋلاتورلىق-ەمحانالىق بولىمشەنىڭ تىركەۋ بولىمىندە ساقتالادى.
3. ساناتوري-كۋرورتتىق قىزمەت كورسەتۋ
10. كونتينگەنتكە قازاقستان رەسپۋبليكاسىنىڭ دەنساۋلىق ساقتاۋ سالاسىنداعى زاڭناماسىندا جانە قازاقستان رەسپۋبليكاسىنىڭ ەڭبەك زاڭناماسىندا بەلگىلەنگەن تارتىپپەن ساناتوري-كۋرورتتىق ەمدەلۋگە جولدامالار بەرىلەدى.
11. ساناتوري-كۋرورتتىق ەمدەلۋگە جىبەرۋ كەزىندە دەنساۋلىق ساقتاۋ سالاسىنداعى ۋاكىلەتتى ورگان بەكىتكەن نىسان بويىنشا مەديتسينالىق قۇجاتتاما رەسىمدەلەدى.
12. قىزمەتتىك مىندەتتەرىن ورىنداۋ كەزىندە مەرتىككەن (جارالانعان, جاراقات, كونتۋزيا العان) قىزمەتكەر ەمدەلگەننەن كەيىن ىشكى ىستەر ورگاندارىنىڭ ساناتوري-ىرىكتەۋ كوميسسيالارىنىڭ شەشىمى بويىنشا بيۋدجەت قاراجاتى ەسەبىنەن ساناتوري-كۋرورتتىق ەمدەلۋگە جىبەرىلەدى.
13. ىشكى ىستەر ورگاندارىنىڭ ساناتوري-ىرىكتەۋ كوميسسيالارى تۋرالى ەرەجەنى قۇقىق قورعاۋ ورگاندارىمەن كەلىسۋ بويىنشا قازاقستان رەسپۋبليكاسى ىشكى ىستەر مينيسترلىگى بەكىتەدى.
قازاقستان رەسپۋبليكاسى ۇكىمەتىنىڭ 2016 جىلعى 18 اقپانداعى №78 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ كۇشى جويىلعان كەيبىر شەشىمدەرىنىڭ تىزبەسى
1. «ىشكى ىستەر ورگاندارىنىڭ قىزمەتكەرلەرىنە جانە ولارمەن بىرگە تۇراتىن وتباسى مۇشەلەرىنە, سونداي-اق ىشكى ىستەر ورگاندارىنىڭ زەينەتكەرلەرىنە مەديتسينالىق جانە ساناتورلىق-كۋرورتتىق قىزمەت كورسەتۋ ءتارتىبىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 16 قاڭتارداعى № 53 قاۋلىسى.
2. «قازاقستان رەسپۋبليكاسى ۇكىمەتىنىڭ 2002 جىلعى 16 قاڭتارداعى № 53 قاۋلىسىنا تولىقتىرۋ ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 13 شىلدەدەگى №724 قاۋلىسى (قازاقستان رەسپۋبليكاسىنىڭ ءپۇاج-ى, 2005 ج., № 29, 370-قۇجات).
3. «قازاقستان رەسپۋبليكاسى ۇكىمەتىنىڭ 2002 جىلعى 16 قاڭتارداعى №53 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 قاڭتارداعى №85 قاۋلىسى (قازاقستان رەسپۋبليكاسىنىڭ ءپۇاج-ى, 2009 ج., № 8, 32-قۇجات).