2016 جىلعى 3 اقپان, استانا, ۇكىمەت ءۇيى
«تىركەلگەن تاريفتەردى ايقىنداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 27 ناۋرىزداعى № 271 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تىركەلگەن تاريفتەردى ايقىنداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 27 ناۋرىزداعى № 271 قاۋلىسىنا (قازاقستان رەسپۋبليكاسىنىڭ ءپۇاج-ى, 2014 ج., № 24, 180-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن تىركەلگەن تاريفتەردى ايقىنداۋ قاعيدالارىندا:
2-تارماقتا:
4) تارماقشا مىناداي رەداكتسيادا جازىلسىن:
«4) جاڭارتىلاتىن ەنەرگيا كوزدەرىن قولداۋ جونىندەگى قارجى-ەسەپ ايىرىسۋ ورتالىعى (بۇدان ءارى - قارجى-ەسەپ ايىرىسۋ ورتالىعى) - جۇيەلىك وپەراتور قۇراتىن جانە ۋاكىلەتتى ورگان ايقىندايتىن, جاڭارتىلاتىن ەنەرگيا كوزدەرىن پايدالانۋ وبەكتىلەرى وندىرگەن جانە قازاقستان رەسپۋبليكاسىنىڭ بىرىڭعاي ەلەكتر ەنەرگەتيكاسى جۇيەسىنىڭ ەلەكتر جەلىلەرىنە بەرىلگەن ەلەكتر ەنەرگياسىن زاڭدا كوزدەلگەن تارتىپپەن ورتالىقتاندىرىلعان ساتىپ الۋدى جانە ساتۋدى جۇزەگە اسىراتىن زاڭدى تۇلعا;»;
6) تارماقشا مىناداي رەداكتسيادا جازىلسىن:
«6) بيوگاز - اشۋى نەمەسە گازدانۋى ناتيجەسىندە بيوماسسادان الىناتىن مەتان, كومىرتەگى مونووكسيدى جانە (نەمەسە) سۋتەگى;»;
11-تارماقتىڭ ءبىرىنشى ابزاتسى مىناداي رەداكتسيادا جازىلسىن:
«11. تىركەلگەن تاريفتەر, كۇن ساۋلەسىنىڭ ەنەرگياسىن تۇرلەندىرۋ ءۇشىن قازاقستاندىق كرەمني (كاz رV) نەگىزىندە فوتوەلەكترلىك مودۋلدەردى پايدالاناتىن, جيىنتىق قۋاتى 37 مۆت كۇن ەلەكتر ستانتسيالارىنىڭ جوباسى ءۇشىن تىركەلگەن تاريفتەردى قوسپاعاندا, ينفلياتسيانى ەسكەرە وتىرىپ, جىلىنا ءبىر رەت 1 قازانعا مىناداي فورمۋلا بويىنشا يندەكستەلەدى:»;
مىناداي مازمۇنداعى 11-1-تارماقپەن تولىقتىرىلسىن:
«11-1. كۇن ساۋلەسىنىڭ ەنەرگياسىن تۇرلەندىرۋ ءۇشىن قازاقستاندىق كرەمني (كاz رV) نەگىزىندە فوتوەلەكترلىك مودۋلدەردى پايدالاناتىن, جيىنتىق قۋاتى 37 مۆت ەلەكتر ستانتسيالارىنىڭ جوباسى ءۇشىن تىركەلگەن تاريفتەر ينفلياتسيانى ەسكەرە وتىرىپ, جىلىنا ءبىر رەت 1 قازانعا مىناداي فورمۋلا بويىنشا يندەكستەلەدى:
مۇنداعى:
تt+1 - جوعارىدا كورسەتىلگەن فورمۋلا بويىنشا ەسەپتەلگەن, تومەندەۋ جاعىنا قاراي تولىق تيىنعا دەيىن دوڭگەلەكتەلىپ يندەكستەلگەن تىركەلگەن تاريف;
تt - ەگەر بۇرىن يندەكستەۋ جۇرگىزىلگەن بولسا, سولاردى ەسكەرە وتىرىپ, قازاقستان رەسپۋبليكاسىنىڭ ۇكىمەتى بەكىتكەن قولدانىستاعى تىركەلگەن تاريف;
تبي - مەملەكەتتىك ستاتيستيكا سالاسىنداعى ۋاكىلەتتى ورگاننىڭ دەرەكتەرى بويىنشا ايقىندالاتىن, يندەكستەۋ جۇرگىزىلگەن جىلدىڭ 1 قازانىنىڭ الدىنداعى ون ەكى ايعا جيناقتالعان تۇتىنۋ باعاسىنىڭ يندەكسى.»;
مىناداي مازمۇنداعى 13-1-تارماقپەن تولىقتىرىلسىن:
«13-1. تىركەلگەن تاريفكە يندەكستەۋدى العاش رەت قولدانۋ وسى قاعيدالاردىڭ 14-تارماعىنا سايكەس قارجى-ەسەپ ايىرىسۋ ورتالىعىنا جاڭارتىلاتىن ەنەرگيا كوزدەرىنەن الىناتىن ەلەكتر ەنەرگياسىن بەرۋ باستالعاننان كەيىن كۇنتىزبەلىك ءبىر جىلدان كەشىكتىرمەي جۇرگىزىلەدى.»;
14-تارماق مىناداي رەداكتسيادا جازىلسىن:
«14. قارجى-ەسەپ ايىرىسۋ ورتالىعى يندەكستەلگەن تىركەلگەن تاريفتەردى جىلىنا ەكى رەت: ەلەكتر ەنەرگياسىن قارجى-ەسەپ ايىرىسۋ ورتالىعىنا قاڭتار-ماۋسىم ارالىعىنداعى كەزەڭدە بەرە باستاعان جاڭارتىلاتىن ەنەرگيا كوزدەرى وبەكتىلەرى ءۇشىن - 1 شىلدەدەن باستاپ جانە ەلەكتر ەنەرگياسىن قارجى-ەسەپ ايىرىسۋ ورتالىعىنا شىلدە-جەلتوقسان ارالىعىنداعى كەزەڭدە بەرە باستاعان جاڭارتىلاتىن ەنەرگيا كوزدەرى وبەكتىلەرى ءۇشىن - 1 قاڭتاردان باستاپ قولدانىلۋعا ءتيىس.»;
15-تارماق الىپ تاستالسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ق.ءماسىموۆ.