استانا. 18 اقپان. گانا استاناسى اككرا قالاسىندا جولاۋشىلار اۆتوبۋسى مەن جۇك كولىگى سوقتىعىسىپ قالدى. بۇل تۋرالى zakon.kz سايتىنا سىلتەمە جاساعان egemen.kz ءتىلشىسى حابارلادى.
العاشىندا 53 ادامنىڭ مەرت بولعانى حابارلانعانىمەن, كەيىننەن 71 ادام قازا تاپقانى بەلگىلى بولدى. سونداي-اق, 23 ادام ءتۇرلى جاراقات الدى. زارداپ شەككەندەرگە دەر كەزىندە العاشقى مەديتسينالىق كومەك كورسەتىلىپ, جاقىن ماڭايداعى اۋرۋحانالارعا جەتكىزىلدى. دارىگەرلەردىڭ ايتۋىنشا, 13 ادامنىڭ جاعدايى تىم اۋىر.
اپاتتىڭ نەگىزگى سەبەبى ازىرگە بەلگىسىز. الايدا, جولاۋشىلار اۆتوبۋسىنىڭ تەحنيكالىق اقاۋلارى سەبەپ بولۋى مۇمكىن دەگەن بولجام جاسالدى. وقيعا ورنىندا پوليتسيا قىزمەتكەرلەرى تەرگەۋ امالدارىن جۇرگىزىپ جاتىر.
ايان ءابدۋالي.
دەرەك: zakon.kz.
سۋرەت: 24.kz.