ەكاتەرينبۋرگ – استانا باعىتىنداعى اۋە رەيسىندە كامەلەتكە تولماعان جولاۋشىلاردىڭ قاتىسۋىمەن وقىس وقيعا تىركەلدى. ۇشاق بورتىندا بولعان جاعداي جولاۋشىلار اراسىندا الاڭداۋشىلىق تۋعىزدى, دەپ جازادى Egemen.kz.
كۋاگەرلەردىڭ ايتۋىنشا, اسكەري كيىم كيگەن ەر ادام ءوزىن ورەسكەل ۇستاپ, 2017 جىلى تۋعان بالالارعا مازا بەرمەگەن. ول داۋىس كوتەرىپ, ابەس سوزدەر ايتىپ, جانجال شىعارۋعا ارەكەتتەنگەن. سونىمەن قاتار جولاۋشىلاردىڭ سوزىنشە, ەر ادام «بالالار ۇيىقتاپ جاتقاندا سوعىسقا قاتىسقانىن» ايتىپ, وق اتۋدى يميتاتسيالاعان.
جاعدايدىڭ ۋشىعۋىنا جول بەرمەۋ ءۇشىن بورتسەرىكتەر مەن حوككەي كومانداسىنىڭ جاتتىقتىرۋشىسى ارالاسىپ, ەر ادامدى سابىرعا شاقىرعان. ولاردىڭ جەدەل ارەكەتىنىڭ ارقاسىندا ۇشاق ىشىندە ءتارتىپ ساقتالىپ, جولاۋشىلار قاۋىپسىزدىگى قامتاماسىز ەتىلدى.
SCAT اۋە پاركى ەكى جاڭا ۇشاقپەن تولىقتى: قاي قالالارعا ۇشۋ جيىلىگى ارتادى؟
استانا قالاسىنىڭ كولىك پوليتسياسى اتالعان دەرەك بويىنشا تەكسەرۋ باستالعانىن مالىمدەدى. قۇزىرلى ورگاندار وقيعانىڭ ءمان-جايىن انىقتاپ, ءتيىستى شارا قابىلدايتىنىن جەتكىزدى.
اقتاۋ مەن استانادان ەرەۆانعا تىكەلەي رەيستەر اشىلدى