قازاقستان ازاماتتارىن وڭتۇستىك كورەيادا زاڭدى تۇردە جۇمىسقا ورنالاستىرۋ ماسەلەسى بويىنشا كەلىسسوزدەر جالعاسىپ جاتىر. بۇل تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى اسقاربەك ەرتاەۆ مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, كەلىسسوزدەردىڭ ۇزاققا سوزىلۋىنا وڭتۇستىك كورەياداعى ساياسي وزگەرىستەر سەبەپ بولعان. قازىرگى تاڭدا قازاقستان وڭتۇستىك كورەياداعى شەتەلدىكتەر ءۇشىن ەڭبەك ميگراتسياتسىن رەتتەيتىن EPS جۇيەسىنە قوسىلۋ بويىنشا ەكىنشى كەزەڭدەگى كەلىسسوزدەردى جۇرگىزىپ جاتىر.
ء«بىز ءبىرىنشى كەزەڭنەن وتتىك. الايدا وڭتۇستىك كورەيادا پرەزيدەنت اۋىسۋىنا بايلانىستى پروتسەسس شامامەن التى ايعا توقتاپ قالدى. قازىرگى ۋاقىتتا كەلىسسوزدەر قايتا جانداندى», دەدى مينيستر.
وڭتۇستىك كورەيادا بولعان ميتينگتە ءبىر ادام مەرت بولدى
EPS ورتالىعىن الماتى قالاسىندا اشۋ جوسپارلانىپ وتىر. تاراپتار نىسانداردى قاراپ, تاڭداۋ جۇرگىزگەن. قازىرگى ۋاقىتتا جەرگىلىكتى اكىمدىكپەن بىرلەسىپ ورتالىقتى اشۋ جۇمىستارى اتقارىلىپ جاتىر. ەگەر بارلىق كەلىسىمدەر جۇزەگە اسسا, پروتسەسس پرەمەر-مينيسترلەر دەڭگەيىندە جالعاسادى.
وڭتۇستىك كورەيا قازاقستاننان 18 ميلليون باررەل مۇناي ساتىپ الادى
ءمينيستردىڭ ايتۋىنشا, وڭتۇستىك كورەيا قازاقستاندى EPS جۇيەسىنە قوسۋ جونىندە تۇپكىلىكتى شەشىمدى جىل سوڭىنا دەيىن قابىلداۋى مۇمكىن.
ايتا كەتەيىك, قازىرگى ۋاقىتتا شامامەن 10 مىڭعا جۋىق قازاقستان ازاماتى وڭتۇستىك كورەيادا زاڭسىز جاعدايدا جۇمىس ىستەپ ءجۇر.