باق وكىلدەرىمەن كەزدەسۋ وتكىزگەن «اق جول» پارتياسىنىڭ توراعاسى ازات پەرۋاشەۆ وسىلاي دەدى. ونىڭ ايتۋىنشا, «اق جول» دەموكراتيالىق پارتياسى سايلاۋالدى ناۋقانىنا كىرىسۋگە قاجەتتى ماتەريالداردى دايىنداپ, ءوڭىر-وڭىرلەرگە, ايماقتارعا تاراتۋ جۇمىستارىن باستاماق.
ۇگىت-ناسيحات كەزىندەگى كەرەكتى زاتتار اراسىندا سايلاۋعا تۇسۋشىلەر جونىندەگى پلاكاتتار مەن سايلاۋالدى باعدارلامالىق كىتاپشا, مويىنوراعىشتار جانە پارتيا بەلگىسى قويىلعان سىرت كيىمدەر دە بار. جانە دە ونى دايىنداۋ بارىسىندا وتاندىق ءونىم مەن ەلدەگى ءوندىرىس قولدانىلعان.
مىسالى, سايلاۋالدى ناۋقانى بويىنشا ۇگىت-ناسيحات جۇرگىزۋدە پايدالانىلاتىن فورمالار الماتىدا جاسالعان بولسا, باسقا زاتتار استانادا دايارلانعان. سونىمەن قاتار, ەلدىڭ جىلى ايماقتارىنا جەڭىل كەۋدەشەلەر تاراتىلماق. ەندىگى كەزەكتە اتالعان پارتيا 20 اقپاننان باستاپ زاڭدى تۇردە ۇگىت-ناسيحات جۇمىستارىن باستاۋدى جوسپارلاپ وتىر.
ەلميرا ماتىباەۆا,
«ەگەمەن قازاقستان».