قارجىلىق پيراميدا كۇيرەدى

الايدا, الاياقتارعا الدانعاندار سانى 700-دەن اسادى تەگىن جاتقان ەشتەڭە جوق. تە­گىن جەم تەك تىشقانعا قۇرىل­عان قاقپاندا عانا بولۋى ءمۇم­كىن. الاي­دا, ارزان دۇنيە دەپ, الاياقتارعا الدانۋشىلار سانى ءالى دە ازايار ەمەس. ءبىر قىزىعى, الدانۋشىلاردىڭ كو­بى كوزى اشىق, جوعارى وقۋ ورنىن ءبىتىر­گەن ساۋاتتى ادامدار. سوعان قا­را­ماستان, الاياقتار قۇرعان قاقپانعا ءتۇسىپ, قاپى قالىپ جاتادى. وسى ورايدا, الماتى قالالىق مەملەكەتتىك كىرىستەر دەپارتامەنتى ەكونوميكالىق تەرگەۋ قىزمەتىنىڭ كولەڭكەلى ەكونوميكاعا قارسى كۇرەس باسقار­ماسىنىڭ قىزمەتكەرلەرى تالاي ادامدى جەر سوقتىرىپ, الاياق­تىقپەن اينالىسقان تاعى ءبىر ۇيىمداسقان قىلمىستىق توپتىڭ جولىن كەستى. ولار 2014-2015 جىلدارى ەكىنشى دارەجەلى بانكتەن نەسيە العان كليەنتتەردى (نەگىزىنەن جەكە تۇلعالاردى) تارتقان. تار­تۋداعى ماقسات – نەسيە الۋشىلار العان نەسيەنىڭ 30-دان 80 پايىزعا دەيىنگى مولشەرىن (قارىزداردى جاباتىن ۋاقىتىنا بايلانىس­تى) «فين ستاتۋس» جشس-گە اۋدارعان جاعدايدا, العان نەسيە­سىنىڭ ۋاقىتىندا جابىلۋىنا كەپىلدىك بەرگەن. ال نەسيەنى جابۋ سحەماسىن جاپپاي ءتۇسىپ جاتقان اقشامەن بىرتە-بىرتە كەزەكپەن جابۋ ارقىلى الداعان. وسىلايشا, قارجىلىق پيراميدا قۇرىلادى. ياعني, العاشقى كەلگەن كليەنتتەردىڭ نەسيەسىن ۋاقىتىندا جابۋ ارقىلى سەنىمگە كىرگەن. سودان كەيىن مۇنداي الاياقتىق سحەماعا الدانعاندار سانى ءوز-وزىنەن كوبەيە بەرگەن. بۇگىنگى كۇنى ۇيىمداسقان قىل­­­مىستىق توپتىڭ الداۋىنا ۇرىنعان سالىمشىلار سانى 700-دەن اسىپ كەتىپ وتىر. ال نەسيەلىك سالىمنىڭ مولشەرى جارتى ميلليارد تەڭگەگە جەتتى, دەپ مالىمدەپ وتىر الماتى قالا­لىق مەملەكەتتىك كىرىستەر دەپارتامەنتىنىڭ ءباسپاسوز قىز­مەتى. بۇل اقشالار قىلمىستىق توپتىڭ ەسەپشوتتارىنا اۋدارىلىپ, سودان كەيىن قولما-قول اقشاعا اينالدىرىلىپ وتىرعان. قازىرگى ۋاقىتتا قارجىلىق پيراميدانى قۇرۋشىلاردىڭ نەگىز­گى ۇيىمداستىرۋشىلارىنىڭ ءبىرى رەتىندە رەسەي ازاماتتارى اعايىندى يلدار زياتدينوۆ پەن روبەرت زياتدينوۆ سوتتىڭ سانكتسيا­سىمەن قاماۋعا الىندى. بۇگىندە قارجىلىق پي­را­ميداعا الدانعان سالىم­شى­لاردىڭ قارا­جاتىن قايتارۋ جانە قىلمىستىق توپتىڭ باسقا دا مۇشەلەرىن قۇرىقتاۋ ءۇشىن تەرگەۋ جۇمىستارى جۇرگىزىلۋدە. سونىمەن قاتار, «فين ستاتۋس» جشس-مەن سىبايلاس بولعان «فين ستاتۋس كونسالت», «فين ستاتۋس ديزاين», «فين ستاتۋس ينۆەست», «مفو فين ستاتۋس زايم», «پروفيت گرۋپپ», «ەۆەرەست فينانس» جشس-لەر قىزمەتى دە تەكسەرىلۋدە. ايناش ەسالي, «ەگەمەن قازاقستان». الماتى.