استانا. 18 اقپان. پاكىستاننىڭ سولتۇستىك-باتىسىندا اۋعانستانمەن شەكارالاس جەردە لاڭكەستەردىڭ ەكى مارتە جاساعان شابۋىلىنان 9 پوليتسيا قىزمەتكەرى قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
قارۋلانعان توپ پوليتسيا قىزمەتكەرلەرى جينالعان ورىنعا كەلىپ وق جاۋدىرعان. وقيعا ورنىندا بىردەن 7 ادام كوز جۇمدى. سونداي-اق, تاعى ءبىر توپ كۇن باتارەياسى ارقىلى جۇمىس ىستەيتىن سۋ ستانتسياسىنا شابۋىل جاسادى. بۇل جەردە ەكى قىزمەتكەر مەرت بولدى.
«سودىرلار شابۋىلداعان كەزدە ءتۇن بولاتىن. كۇتپەگەن جەردەن وق جاۋدىردى. پوليتسيا قىزمەتكەرلەرى تويتارىس بەرىپ تە ۇلگەرمەدى», – دەدى ءتارتىپ ساقشىلارى.
ايان ءابدۋالي.
دەرەك: تاسس.
سۋرەت: telegraf.com.ua.