قاراعاندى. 18 اقپان. قاراعاندى وبلىسىندا پوليتسيا قىزمەتكەرىنە وق اتقان ۇلىتاۋ كەنتىنىڭ 28 جاستاعى تۇرعىنى قاماۋعا الىندى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
كۇدىكتى پوليتسيا قىزمەتكەرىن ءۇيىنىڭ جانىندا اڭدىپ تۇرىپ, ەكى رەت وق اتقان. ۋچاسكەلىك ينسپەكتوردىڭ كومەكشىسى, پوليتسيا اعا لەيتەنانتى وقتان جالتارىپ ۇلگەرىپ, كۇدىكتى مىلتىعىن قايتا وقتاعانشا سامبو كۇرەسىنىڭ ءتاسىلىن قولدانىپ, ونى قارۋسىزداندىرعان.
كەيىن انىقتالعانداي, ول قىلمىستىق ارەكەتتى ماس كۇيىندە جاساپتى جانە دە ونىڭ پوليتسيا قىزمەتكەرىنە دەگەن بۇرىننان كەلە جاتقان وكپە-رەنىشى بولعان.
قازىرگى ۋاقىتتا كۇدىكتى ۋاقىتشا ۇستاۋ قاماۋعا الىندى. ايعاق زاتتار الىنىپ, سوتقا دەيىنگى تەرگەۋ امالدارى جۇرگىزىلۋدە.
قايرات ءابىلدينوۆ.
دەرەك, سۋرەت: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.