الماتى. 17 اقپان. قىتايدىڭ وڭتۇستىك-باتىس اۋماعىنداعى تۋريستەر دەمالاتىن يۋننان پروۆينتسياسىندا زوولوگيالىق قورىقتان شىعىپ كەتكەن جابايى ءپىل 14 اۆتوموبيلگە زاقىم كەلتىردى. بۇل تۋرالى «سينحۋا» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
ەكى كۇننىڭ ىشىندە 14 ءاۆتوموبيلدى زاقىمداعان ءپىلدىڭ شابۋىلىنا بايلانىستى جەرگىلىكتى پوليتسيا اۋماقتى قورشاپ, تۋريستەردى قاۋىپسىز جەرگە كوشىرۋگە ءماجبۇر بولدى. ساياحاتشىلار مەن جەرگىلىكتى تۇرعىندار اراسىندا زارداپ شەككەندەر جوق. كۋالەردىڭ ايتۋىنشا, بىردە جولاۋشى تولى اۆتوبۋستى اۋدارىپ تاستاماق بولعان جابايى ءپىل, كەنەت رايىنان قايتقان.
وسىعان بايلانىستى ساقتاندىرۋ اگەنتتەرى زارداپ شەگۋشى كولىك يەلەرىنە وتەماقى تولەۋدى مويىندارىنا الدى.
تالعات ءسۇيىنباي.
دەرەك, سۋرەت: «سينحۋا».