جۇرەگى شىداس بەرمەي قايتىس بولدى
جاقىندا عانا جامبىل وبلىسىندا اپاتقا ۇشىراعان تىكۇشاقتىڭ ۇشقىشى, 62 جاستاعى ۆالەري ميحين قايتىس بولدى. مارقۇم اقتىق دەمى تاۋسىلعانشا تاراز قالاسىنداعى №2 اۋرۋحانادا جاتتى.
اپات كەزىندە ءورت شىعىپ, ۇشقىش ۆالەري ءميحيننىڭ دەنەسىنىڭ 60 پايىزعا جۋىعى كۇيىپ قالعان بولاتىن. جانساقتاۋ بولىمىندە 12 تاۋلىك بويى وكپەگە جاساندى اۋا بەرۋ اپپاراتىنىڭ كومەگىمەن دەمالىپ جاتقان پيلوتتىڭ جۇرەگى شىدامادى. ونىڭ زايىبى مەن بالاسى ۇنەمى قاسىندا وتىرىپتى.
ەستەرىڭىزدە بولسا, 23 قاڭتار كۇنى جامبىل وبلىسىنداعى ت. رىسقۇلوۆ اۋدانى ورتالىعىنان 100 شاقىرىم قاشىقتىقتا مي-2 تىكۇشاعى اپاتقا ۇشىراعان ەدى. وسىدان كەيىن تىكۇشاقتىڭ قۇلاۋ فاكتىسى بويىنشا ارنايى كوميسسيا قۇرىلدى. تىكۇشاق تيەسىلى «تاراز جاڭا الەم» كومپانياسىنىڭ ديرەكتورى ۆالەري ءميحيننىڭ بەتى, باسى, اياق-قولدارى ءى-ءىى-ءىىى دارەجەدە كۇيىپ قالعان. سونىمەن قاتار, ونىڭ تىنىس الۋ جولدارىن ءىى دارەجەدەگى كۇيىك شالعان.
ورالحان ءداۋىت,
«ەگەمەن قازاقستان».
جامبىل وبلىسى.