كەشە ۇكىمەت ۇيىندە پرەمەر-مينيستردىڭ ءبىرىنشى ورىنباسارى باقىتجان ساعىنتاەۆ حالىقارالىق گۋمانيتارلىق كومەك ماسەلەلەرى جونىندەگى كوميسسيانىڭ وتىرىسىن وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كوميسسيا سۋ تاسقىنى مەن سەلدەن زارداپ شەككەن تاجىكستانداعى جاعدايدى نازارعا الا وتىرىپ, قازاقستان ۇكىمەتىنە وسى ەلگە رەسمي تۇردە گۋمانيتارلىق كومەك كورسەتۋدى ۇسىندى.تاجىكستاننىڭ زارداپ شەككەن اۋداندارىنا كونسەرۆىلەنگەن ەت جانە ءسۇت ونىمدەرى, وسىمدىك مايى مەن سارى ماي, ۇن جانە ماكارون ونىمدەرى جەتكىزىلەدى.
سونىمەن قاتار, كوميسسيا 2015 جىلدىڭ قاراشا ايىندا قۋاتتى جەر سىلكىنىسى بولعان قىرعىزستانعا گۋمانيتارلىق كومەك كورسەتۋدى ۇسىندى. بۇل ەلگە توسەك-ورىن جابدىقتارىن, جىلىتۋ پەشتەرى مەن قىسقى شاتىرلار جەتكىزۋ جوسپارلانىپ وتىر.