ۇكىمەت ەنگىزگەن زاڭ جوبالارى

سەنات بيۋروسى 2016 جىلعى 11 اقپاندا بولاتىن جو­عار­عى پالاتانىڭ كەزەكتى وتىرىسىنىڭ كۇن ءتارتىبىن كەلىستى, دەپ حابارلادى پارلامەنت سەناتىنىڭ ءباسپاسوز قىزمەتى. سەناتورلار 2009 جىلعى 9 ماۋ­سىمداعى ەۋرازيالىق ەكونو­مي­كالىق قوعامداستىقتىڭ داع­دارىسقا قارسى قورىن قۇرۋ تۋرالى شارتقا وزگەرىستەر ەنگىزۋ تۋرالى حاتتامانى جانە 2009 جىلعى 9 ماۋسىمداعى ەۋرازيالىق ەكونوميكالىق قوعامداستىقتىڭ داعدارىسقا قارسى قورىنىڭ قاراجاتىن باسقارۋ تۋرالى كەلىسىمگە وزگەرىستەر ەنگىزۋ تۋرالى حاتتامانى; ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان ۆەتنام سو­تسيا­ليستىك رەسپۋبليكاسى ارا­سىنداعى ەركىن ساۋدا تۋرالى كەلىسىمدى; 1995 جىلعى 20 قاڭ­تار­داعى قازاقستان مەن رەسەي ۇكى­مەتتەرى اراسىنداعى رەسەي فە­دەراتسياسى قورعانىس مينيس­ترل­ىگىنiڭ (وبەكتiلەرى مەن ۇرىس الاڭدارى قازاقستان اۋماعىندا ورنالاسقان) 929 مەملەكەتتىك ۇشۋ-سىناق ورتالىعىن پايدالانۋ ءتارتىبى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى; قا­زاق­ستان مەن رەسەي ۇكىمەتتەرى ارا­سىن­داعى 1996 جىلعى 18 قازان­داعى قازاقستان مەن رەسەي ۇكىمەتتەرى اراسىنداعى قازاق­ستان اۋماعىنا ورنالاسقان رەسەي­دىڭ 929 مەملەكەتتىك ۇشۋ-سى­ناق ورتالىعىنىڭ وبەك­تى­لەرى مەن جاۋىنگەرلىك الاڭ­دارىن جالداۋ تۋرالى شارت­قا وزگەرىستەر ەنگىزۋ تۋرالى حات­تا­مانى; قازاقستان مەن ۇلى­بريتانيا اراسىنداعى قىل­مىس­تىق ىستەر بويىنشا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى زاڭ جوبالارىن تالقىلايتىن بولادى. بيۋرودا, سونداي-اق, ۇكىمەت ەنگىزگەن زاڭ جوبالارى سەناتتىڭ تۇراقتى كوميتەتتەرى اراسىندا ءبولىنىپ بەرىلدى.