وتكەن سەنبىدە ورتالىق سايلاۋ كوميسسياسى پارتيالىق ءتىزىم بويىنشا «بىرلىك» پارتياسى تاراپىنان ءماجىلىس دەپۋتاتتىعىنا ۇسىنىلعان ۇمىتكەرلەردىڭ قۇجاتتارىن قابىلدادى.
«بىرلىك» پارتياسىنان ۇمىتكەر رەتىندە 8 ادام ۇسىنىلدى. ولاردىڭ بىرەۋى – ايەل. بارلىعى جوعارى ءبىلىمدى, 4 ۇمىتكەر عىلىم كانديداتى, بىرەۋى – پروفەسسور. ۇمىتكەرلەردىڭ ورتاشا جاسى – 59. ولار استانا قالاسىنان, اقمولا, جامبىل, قىزىلوردا وبلىستارىنان ۇسىنىلعان», – دەدى «بىرلىك» ساياسي پارتياسى توراعاسىنىڭ ورىنباسارى تولەگەن قۋانىشەۆ.
ونىڭ ايتۋىنشا, ولاردىڭ اراسىنداعى 4 ۇمىتكەر بۇعان دەيىن ەلىمىزدىڭ جوعارى زاڭ شىعارۋ ورگانىنا سايلانعان. كوپشىلىگى مەملەكەتتىك ناگرادالارمەن ماراپاتتالعان.
ايتا كەتەيىك, وسى جىلدىڭ 5 اقپانى كۇنى «بىرلىك» ساياسي پارتياسىنىڭ كەزەكتەن تىس ءىى سەزى ءوتكەن بولاتىن. وندا دەلەگاتتار پارلامەنت ماجىلىسىنە سايلانۋعا پارتيالىق ءتىزىم بويىنشا ۇسىنىلعان ۇمىتكەرلەردى ءبىراۋىزدان قولداعان ەدى.
جولدىباي بازار,
«ەگەمەن قازاقستان».