استانادا ەسىل اۋدانىنداعى بۇقار جىراۋ كوشەسىندە ورنالاسقان ون ەكى قاباتتى تۇرعىن ۇيدەن ءورت شىقتى, دەپ حابارلايدى Egemen.kz.
توتەنشە جاعدايلار مينيسترلىگىنىڭ العاشقى بولىمشەلەرى وقيعا ورنىنا جەتكەن ساتتە, 12 قاباتتى ءۇيدىڭ 7-قاباتىنداعى پاتەردەن قويۋ ءتۇتىن شىعىپ جاتقانى انىقتالدى. ءورت سوندىرۋشىلەر دەرەۋ ءورت وقپاندارىن بەرىپ, جالىندى اۋىزدىقتاۋ ءۇشىن بارلىق قاجەتتى شارالاردى قابىلدادى. سونداي-اق سۋدىڭ ۇزدىكسىز بەرىلۋى قامتاماسىز ەتىلدى.
شىمكەنتتە پلاستيك بۇيىمدارىن شىعاراتىن تسەحتان ءورت شىقتى
قۇتقارۋ جۇمىستارى بارىسىندا تجم كۇشتەرى جوعارى قاباتتاردا ورنالاسقان 10 تۇرعىندى قاۋىپسىز جەرگە ەۆاكۋاتسيالادى. ناقتىلانعان مالىمەتتەرگە سايكەس, پاتەردىڭ اس ۇيىندە تۇرمىستىق تەحنيكا, ءۇي زاتتارى مەن جيھازدار ورتەنگەن.
قازىرگى ۋاقىتتا وقيعانىڭ ءمان-جايى انىقتالىپ جاتىر. «112» قۇتقارۋ قىزمەتىنە زارداپ شەككەندەر تۋرالى اقپارات تۇسكەن جوق.
ەسكە سالا كەتەيىك, وسىدان بىرەر كۇن بۇرىن ازەرباەۆ كوشەسىندە ورنالاسقان 10 قاباتتى تۇرعىن ۇيدەن ءورت شىققانىن جازعان ەدىك.