تۇركىستان وبلىسىندا جىرتقىش جانۋاردىڭ ادامدارعا شابۋىلى تىركەلدى. وقيعا سالدارىنان بىرنەشە تۇرعىن مەديتسينالىق كومەككە جۇگىنىپ, ءبىر ادام اۋرۋحانادا ەم قابىلداپ جاتىر, دەپ جازادى Egemen.kz.
وبلىس اكىمدىگىنىڭ حابارلاۋىنشا, وقيعا ەسكى شىلىك ەلدى مەكەنىندە بولعان. جىرتقىش جانۋار ەكى بالا مەن ءبىر ەرەسەك ادامعا شابۋىل جاساعان.
ۆەتەريناريالىق قىزمەت وكىلدەرى جانۋاردان الىنعان پاتولوگيالىق ماتەريالدى قۇتىرۋ اۋرۋىنا كۇدىك بويىنشا زەرتحاناعا جىبەرگەن. ال زارداپ شەككەندەر اۋداندىق ورتالىق اۋرۋحاناعا جەتكىزىلىپ, قۇتىرۋعا قارسى پروفيلاكتيكالىق ۆاكتسينا العان.
سيرەك كەزدەسەتىن جىرتقىش بەينەجازباعا ىلىنگەن
رەسمي مالىمەتكە سايكەس, زارداپ شەككەندەردىڭ جاعدايى تۇراقتى, ولار دارىگەرلەردىڭ باقىلاۋىندا. ەكى ادام ۇيىنە شىعارىلعان, ال ءبىر ادام مەديتسينالىق مەكەمەدە ەم الىپ جاتىر.
وقيعادان كەيىن ءشيبورى بولعان اۋماق پەن تۇرعىن ۇيلەردىڭ اۋلالارى دەزينفەكتسيالانعان. قازىرگى ۋاقىتتا جاعداي ءتيىستى قىزمەتتەردىڭ باقىلاۋىنا الىنعان.
ءۇستىرت قورىعىندا سيرەك كەزدەسەتىن جىرتقىش اڭ كوزگە ءتۇستى