قاراعاندى. 28 قاڭتار. قاراعاندىدا وتكەن جىلدىڭ قاراشا ايىندا ءىرى جول-كولىك وقيعاسىنا سەبەپكەر بولعان قازىبەك بي اۋداندىق پروكۋراتۋراسىنىڭ قىزمەتكەرى جۇمىسىنان بوساتىلدى. بۇل تۋرالى وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وسى وقيعاعا بايلانىستى قىزمەتتىك تەكسەرۋ جۇرگىزىلگەننەن كەيىن, پروكۋراتۋرا قىزمەتكەرىنىڭ قىزمەتتىك ءتارتىپتى بۇزعانى انىقتالىپ, وبلىس پروكۋرورىنىڭ بۇيرىعىمەن قىزمەتىنەن بوساتىلدى.
ايتا كەتەيىك, پروكۋراتۋرا قىزمەتكەرىنىڭ سەرىگى قاراعاندى قالاسىنىڭ ورتالىق كوشەسىندە جول ەرەجەسىن بۇزىپ, اپاتقا ۇشىراعان. سول كەزدە پروكۋرور كەلىنشەك جۇرگىزۋشى ورنىنا ءوزى وتىرىپ, پوليتسيا قىزمەتكەرلەرىنە باعىنباستان وقيعا بولعان جەردەن كەتىپ قالۋعا ارەكەتتەنەدى. ارتىنشا ول جولىن بوگەگەن بىرنەشە اۆتوكولىكتى سوعىپ كەتكەن بولاتىن.
قايرات ءابىلدينوۆ.
دەرەك: قاراعاندى وبلىستىق پروكۋراتۋرانىڭ ءباسپاسوز قىزمەتى.
سۋرەت: rostov.press.