استانا. 18 قاڭتار. باس پروكۋرور اسحات داۋىلباەۆ قازاقستان رەسپۋبليكاسىنداعى كانادانىڭ توتەنشە جانە ۋاكىلەتتى ەلشىسى شون ستايلمەن كەزدەستى. بۇل تۋرالى باس پروكۋراتۋرانىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
كەزدەسۋگە قاتىسۋشىلار ەكىجاقتى ىنتىماقتاستىقتىڭ اۋقىمدى ماسەلەلەرى بويىنشا, ەڭ الدىمەن, ۇيىمداسقان ترانسۇلتتىق قىلمىسپەن كۇرەس جانە شارتتىق-قۇقىقتىق بازانى كەڭەيتۋ اياسىنداعى پىكىرلەرىمەن ءبولىستى.
اسحات داۋىلباەۆ كانادا ەلشىسىن باس پروكۋراتۋرا قىزمەتىنىڭ نەگىزگى باعىتتارى تۋرالى اقپاراتتاندىرا وتىرىپ, حالىقارالىق بايلانىستىڭ ەكىجاقتى جانە كوپجاقتى نىسانداعى كەڭەيۋى ەلىمىزدىڭ پروكۋراتۋرا ورگاندارى قىزمەتىنىڭ باستى باعىتتارىنىڭ ءبىرى ەكەنىن اتاپ ءوتتى. سونىمەن قاتار, ول زاڭدىلىق پەن قۇقىقتىق ءتارتىپتى قامتاماسىز ەتۋ جونىندەگى قابىلدانىپ وتىرعان شارالار, ۇلتتىق زاڭناماداعى وزگەرىستەر تۋرالى ايتتى.
تاراپتار ترانسۇلتتىق قىلمىسپەن كۇرەس قازاقستان جانە كانادا ۋاكىلەتتى ورگاندارى قىزمەتىنىڭ باسىم باعىتتارىنىڭ ءبىرى ەكەنىن جانە وتكىزىلگەن كەزدەسۋدىڭ مەملەكەتتەر اراسىنداعى حالىقارالىق-قۇقىقتىق ىنتىماقتاستىقتى جوعارى دەڭگەيگە جەتكىزۋدەگى تاعى دا ءبىر ماڭىزدى قادام بولعانىن اتاپ ءوتتى.
كەزدەسۋ سوڭىندا ەلشى جىلى قابىلداۋ ءۇشىن ريزاشىلىعىن ءبىلدىرىپ, باس پروكۋرورعا ماعىنالى سۇحبات ءۇشىن العىسىن ايتتى.
ەلامان قوڭىر.
دەرەك, سۋرەت: باس پروكۋراتۋرانىڭ ءباسپاسوز قىزمەتى.