استانا. 18 قاڭتار. ەلباسى پارلامەنت سەناتىنىڭ توراعاسى قاسىم-جومارت توقاەۆپەن جانە پرەمەر-مينيستر كارىم ماسىموۆپەن كونسۋلتاتسيا وتكىزدى. كەزدەسۋگە سونداي-اق, پرەزيدەنت اكىمشىلىگىنىڭ باسشىسى نۇرلان نىعماتۋلين قاتىستى. بۇل تۋرالى akorda.kz حابارلادى.
كونسۋلتاتسيا بارىسىندا كەزەكتەن تىس پارلامەنت سايلاۋىن وتكىزۋ تۋرالى ءماجىلىس دەپۋتاتتارىنىڭ باستاماسى قارالدى.
قازاقستان پرەزيدەنتى بۇل باستاما قازاقستاندىقتار اراسىندا كەڭىنەن قولداۋ تاپقانىن جانە مەملەكەت جۇزەگە اسىرىپ جاتقان تەرەڭ رەفورمالار مەن الەمدىك نارىقتاعى احۋال تۇرعىسىنان وزەكتى بولىپ وتىرعانىن اتاپ ءوتتى.
سونداي-اق, مەملەكەت باسشىسى باستامانىڭ ءماجىلىس پەن ءماسليحات سايلاۋىن بىرىكتىرۋگە, قارجىلىق جانە ۇيىمداستىرۋشىلىق شىعىستاردى وڭتايلاندىرۋعا مۇمكىندىك بەرەتىنىنە نازار اۋداردى.
قاسىم-جومارت توقاەۆ كەزەكتەن تىس سايلاۋ وتكىزۋ جونىندەگى باستاما دەر كەزىندە كوتەرىلگەنىن, ويتكەنى ماجىلىسكە بۇگىندە ەل الدىندا تۇرعان مىندەتتەردى ناقتى جۇزەگە اسىرۋ ءۇشىن حالىقتىڭ جاڭا مانداتىن الۋ قاجەت ەكەنىن ايتتى.
ەلامان قوڭىر.
دەرەك, سۋرەت: akorda.kz.