استانا. 18 قاڭتار. «استانا ارلاندارى» جارتىلاي كاسىپقوي كلۋبى بيىلعى ماۋسىمدا ونەر كورسەتەتىن بوكسشىلارىنىڭ ءتىزىمىن جاريالادى. بۇل تۋرالى egemen.kz ءتىلشىسى حابارلادى.
سونىمەن, بيىلعى ماۋسىمدا كوماندا قۇرامىندا مىنا بوكسشىلار قولعاپ تۇيىستىرەدى:
49 كيلو: ماردان بەرىكباەۆ, تەمىرتاس ءجۇسىپوۆ, جومارت ەرجان;
52 كيلو: ولجاس ساتتىباەۆ, ازامات يساقۇلوۆ, ازات ماحمەتوۆ;
56 كيلو: مەيىربولات تويتوۆ, نۇربول قالجانوۆ, نۇرسۇلتان كوشەعۇلوۆ;
60 كيلو: زاكىر سافيۋللين, ەرجان مۇزافيروۆ, بەكداۋلەت يبراگيموۆ;
64 كيلو: سامات باشەنوۆ, اسقات ءۋاليحانوۆ, سابىرجان باقبەرگەنوۆ;
69 كيلو: اسلانبەك شىمبەرگەنوۆ, قاناعات مارالوۆ, بەكزات حالمەتوۆ;
75 كيلو: مەيىرىم نۇرسۇلتانوۆ, امانكۇل ءابىلحان, ەرىك ءالجانوۆ, رۋستام سۆاەۆ;
81 كيلو: ءالي احمەدوۆ, نۇرداۋلەت جارمانوۆ, ارمان رىسبەك;
91 كيلو: مۇحامەدجان ەركىن, راحمان ءالجانوۆ;
+91 كيلو: نۇرسۇلتان امانجولوۆ, قامشىبەك قوڭقاباەۆ, نۇرجان بەكزاتوۆ.
«استانا ارلاندارى» جارتىلاي كاسىپقوي بوكس كلۋبى 2010 جىلى قازاقستان بوكس فەدەراتسياسىنىڭ پرەزيدەنتى تيمۋر اسقار ۇلى ق ۇلىباەۆتىڭ باستاماسىمەن قۇرىلدى. كوماندانى ءار جىلدارى بەيبىت ەسجانوۆ, سەرگەي كورچينسكي, مارات جاقيەۆ سىندى بىلىكتى جاتتىقتىرۋشىلار جاتتىقتىردى. جاڭا ماۋسىمدا «ارلانداردى» قازاقستاننىڭ ەڭبەك سىڭىرگەن جاتتىقتىرۋشىسى نۇرلان اقۇرپەكوۆ باستاپ شىعادى. نۇرلان ساكەن ۇلى افينا وليمپياداسىنىڭ چەمپيونى باقتيار ارتاەۆتىڭ جەكە ۇستازى. ول بۇعان دەيىن كوماندانىڭ جاتتىقتىرۋشىلار شتابىندا جۇمىس ىستەپ, جەكەلەگەن بوكسشىلارمەن باپكەرلىك تاجىريبەسىن ءبولىستى.
نۇرلان اقۇرپەكوۆتىڭ كەلۋىمەن جاتتىقتىرۋشىلار كەڭەسىندە ءبىراز وزگەرىستەر بولدى. بىلتىر باس جاتتىقتىرۋشى مارات جاكيەۆپەن تىزە قوسىپ جۇمىس ىستەگەن نۇرعالي سافيۋللين مەن الەكساندر سترەلنيكوۆ بيىل وليمپيادا جىلى بولعاندىقتان ۇلتتىق قۇراماعا اۋىستى. قازىرگى تاڭدا كوماندانىڭ جاتتىقتىرۋشىلار شتابىندا بولات ءجۇمادىلوۆ, بەيبىت ەسجانوۆ, نۇركەن انداسوۆ, ەرمەك ەرتاەۆ جانە اندرەي سپيريدونوۆ سىندى بىلىكتى ماماندار بار. تاعى ءبىر ايتا كەتەرلىگى, ۇلتتىق قۇرامانىڭ باس جاتتىقتىرۋشىسى مىرزاعالي ايتجانوۆ «ارلاندار» كومانداسىندا كەڭەسشى قىزمەتىن اتقارادى.
«استانا ارلاندارىنىڭ» جاڭا قۇرامىنا 30 بوكسشى تىركەلدى. بىلتىر ونەر كورسەتكەن دانيار ەلەۋسىنوۆ, قايرات ەراليەۆ, جانىبەك ءالىمحان ۇلى, ۆاسيلي لەۆيت, يۆان دىچكو سياقتى تاجىريبەلى بوكسشىلار ريو-دە-جانەيرو وليمپياداسىنا بايلانىستى ۇلتتىق قۇراماعا قوسىلدى.
داستان كەنجالين.
دەرەك, سۋرەت: «Astana arlans» جارتىلاي كاسىپقوي كلۋبى.