استانا. 18 قاڭتار. 23 قاڭتار كۇنى «استانا ارلاندارى» جارتىلاي كاسىپقوي بوكس كلۋبى بۇكىلالەمدىك بوكس سەرياسىنىڭ التىنشى ماۋسىمىنىڭ العاشقى كەزدەسۋىن وتكىزەدى. بۇل تۋرالى egemen.kz ءتىلشىسى حابارلادى.
وسى كۇنى «استانا ارلاندارى» ازەربايجاننىڭ «Baku Fires» كومانداسىمەن كەزدەسەدى. جەكپە-جەك قاراعاندى قالاسىندا وتەدى.
بيىلعى ماۋسىمدا «استانا ارلاندارى» D توبىندا كۇش سىناسادى. 2010 جىلى العاش رەت تۇساۋى كەسىلگەن جوباعا بيىل ايتارلىقتاي وزگەرىستەر ەندى. بۇكىلالەمدىك بوكس سەرياسىنىڭ باسشىلارى جارىسقا قاتىسۋعا نيەت بىلدىرگەن ون التى كوماندانى ءتورت توپقا ءبولدى. «استانا ارلاندارى» كومانداسى جەرەبە قورىتىندىسى بويىنشا ازەربايجان, وزبەكستان جانە پۋەرتو-ريكا كلۋبتارىمەن بىرگە D توبىنا ءتۇستى.
ا توبى: كۋبا, ۋكراينا, تۇركيا, قىتاي;
ۆ توبى: مەكسيكا, ماروككو, اقش, ۇلىبريتانيا;
س توبى: رەسەي, ارگەنتينا, پولشا, ۆەنەسۋەلا;
D توبى: قازاقستان, وزبەكستان, ازەربايجان, پۋەرتو-ريكا;
بىلتىرعى ماۋسىممەن سالىستىرعاندا بيىل كوماندالار سانىندا وزگەرىس جوق. الايدا, جوباعا تاعى ەكى كوماندا قوسىلدى. تۇركيا كومانداسى اراعا ءۇش جىل سالىپ, جارىسقا قايتا ورالدى. سوڭعى رەت تۇرىكتەر 2011/2012 جىلعى ماۋسىمدا قاتىسقان. سونداي-اق, بيىلعى دودادا تۇڭعىش رەت وزبەكستاندىق كوماندانىڭ بوكسىن تاماشالايمىز. وزبەك بوكسشىلارى «استانا ارلاندارىمەن» D توبىندا قولعاپ تۇيىستىرەدى. تۇركيا مەن وزبەكستان كوماندالارى الجير مەن يتاليا كوماندالارىنىڭ ورنىن باستى.
بۇكىلالەمدىك بوكس سەرياسىنىڭ التىنشى ماۋسىمىنا ارنالعان ەرەجە بويىنشا ءار توپتان ۇزدىك شىققان ەكى كوماندا جارىستىڭ شيرەك فينالىنا شىعادى. توپتىق باسەكەنىڭ جەكپە-جەكتەرى وليمپيالىق اينالىم بويىنشا وتەدى.
كۇنى
كوماندالار
23.01.
«Astana Arlans» (قازاقستان)
«Baku Fires» ء(ازىربايجان)
06.02.
«Puerto Rico Hurricanes» (پۋەرتو-ريكا)
«Astana Arlans» (قازاقستان)
26.02.
«Uzbek Tigers» (وزبەكستان)
«Astana Arlans» (قازاقستان)
04.03.
«Baku Fires» ء(ازىربايجان)
«Astana Arlans» (قازاقستان)
19.03.
«Astana Arlans» (قازاقستان)
«Puerto Rico Hurricanes» (پۋەرتو ريكا)
02.04.
«Astana Arlans» (قازاقستان)
«Uzbek Tigers» (وزبەكستان)
داستان كەنجالين.
دەرەك, سۋرەت: «Astana Arlans» جارتىلاي كاسىپقوي بوكس كلۋبى.