استانا. 11 قاڭتار. مەكسيكانىڭ شىعىسىندا ورنالاسقان ۆەراكرۋس شتاتىندا اۋەسقوي فۋتبول كومانداسىنىڭ اۆتوبۋسى اپاتقا ۇشىراپ, 20 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
جەرگىلىكتى بيلىك وكىلدەرىنىڭ ايتۋىنشا, 18 ادام وقيعا ورنىندا قازا تاپسا, قالعان ەكەۋى اۋرۋحانادا قايتىس بولعان. ودان بولەك 10 ادام ءتۇرلى جاراقات العان. تاعى ءبىر اقپارلاردا بۇل كورسەتكىش 30 ادامعا دەيىن بارۋى مۇمكىن ەكەنى ايتىلادى.
الدىن-الا تەرگەۋ جۇمىستارى كەزىندە اۆتوبۋستىڭ شامادان تىس جىلدامدىعىن ارتتىرعانىنا بايلانىستى جۇرگىزۋشى رولگە يە بولا الماي, سالدارىنان «جاساندى جول كەدەرگىسىنە» ۇرىنعانى انىقتالدى. ارنايى قويىلعان توسقاۋىلعا سوعىلىپ, كوپىر ۇستىندە كەلە جاتقان كولىك ارتىنشا اتوياك وزەنىنە ءتۇسىپ كەتتى.
ايتا كەتەيىك, اۆتوبۋس فۋتبولشىلار مەن جانكۇيەرلەردى اۋەسقوي فۋتبول ماتچىنا الىپ بارا جاتقان. جولاۋشىلار اراسىندا بۇلدىرشىندەر دە بار.
ايان ءابدۋالي.
دەرەك: تاسس.
سۋرەت: ۆ-دەتالياح.رف.