2026 جىلعى 24 اقپاندا الماتى قالاسىندا «قازاقستاننىڭ جاڭا كونستيتۋتسياسى – قوعامنىڭ توپتاستىرۋشى الەۋەتى» تاقىرىبىندا ساراپشىلىق تالقىلاۋ ءوتتى, دەپ حابارلايدى Egemen.kz.
ءىس-شارانى عىلىم جانە جوعارى ءبىلىم مينيسترلىگى فيلوسوفيا, ساياساتتانۋ جانە ءدىنتانۋ ينستيتۋتى (فسدي) ۇيىمداستىردى. جيىنعا قولدانبالى ەتنوساياسي زەرتتەۋلەر ينستيتۋتى, پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتى ساراپشىلارى, سونداي-اق فيلوسوفيا, ساياساتتانۋ جانە ءدىنتانۋ ينستيتۋتىنىڭ عىلىمي قىزمەتكەرلەرى قاتىستى.
«جاڭا كونستيتۋتسيا جوباسى تەڭ قۇقىقتار قاعيداتىن جانە قازاقستاننىڭ سان الۋاندىلىعىنا قۇرمەتتى نىعايتادى. ول قوعامدىق كەلىسىمدى ادىلدىككە, ديالوگقا جانە ءوزارا مويىنداۋعا نەگىزدەلگەن جۇيە ارقىلى قالىپتاستىرادى», دەدى قولدانبالى ەتنوساياسي زەرتتەۋلەر ينستيتۋتىنىڭ ديرەكتورى لۋيزا ۋزاروۆا.
ساراپشىنىڭ پىكىرىنشە, كونستيتۋتسيا جوباسى قوعامدىق قاتىناستاردى دامىتۋدىڭ جاڭا كەزەڭىن كورسەتەدى جانە قازاقستاندىق قوعامدى توپتاستىرۋدىڭ جيناقتالعان تاجىريبەسىن ەسكەرە وتىرىپ, ەلدەگى بەيبىتشىلىك پەن كەلىسىمدى ودان ءارى نىعايتۋعا باعىتتالعان.
فيلوسوفيا, ساياساتتانۋ جانە ءدىنتانۋ ينستيتۋتىنىڭ باس عىلىمي قىزمەتكەرى ناتاليا سەيتاحمەتوۆا جاڭا كونستيتۋتسيا جوباسىنىڭ باپتارىندا زايىرلىلىق قاعيداتتارىن بەكىتۋدىڭ ماڭىزدىلىعىن ەرەكشە اتاپ ءوتتى. ول بۇل قاعيدالاردى «smart-زايىرلىلىق» دەپ سيپاتتاپ, ونىڭ ار-وجدان بوستاندىعى, ديالوگ مادەنيەتى جانە تولەرانتتىلىق قاعيداتتارى سياقتى ازاماتتىق تاتۋلىق قۇندىلىقتارىن نىعايتاتىنىن ايتتى. مۇنداي قۇندىلىقتىق نەگىز جاڭا ونتولوگيالىق شىنايىلىق جاعدايىندا كوزقاراستار الۋاندىعىن ساقتاي وتىرىپ, قوعام بىرلىگىن قامتاماسىز ەتۋگە مۇمكىندىك بەرەدى.
ماڭعىستاۋ اتوم ەنەرگەتيكالىق كومبيناتىنىڭ ۇجىمى جاڭا كونستيتۋتسيانى قولدادى
ساراپشىلار جاڭا كونستيتۋتسيا جوباسىنا وڭ باعا بەرىپ, ونىڭ قازاقستاندىق قوعامداعى كەلىسىمدى نىعايتۋعا باعىتتالعان سىندارلى الەۋەتىن اتاپ ءوتتى.
قازاقستان حالىق پارتياسى جاڭا كونستيتۋتسيا جوباسىنا قاتىستى ساراپتامالىق تالقىلاۋ وتكىزدى