قازاقستاننىڭ ۇزدىك تەننيسشىسى, الەمنىڭ 10-راكەتكاسى الەكساندر بۋبليك دۋبايدا ءوتىپ جاتقان ATP 500 ساناتىنداعى ءتۋرنيردى ءساتتى باستادى, دەپ حابارلايدى Egemen.kz.
ءبىرىنشى اينالىمدا قازاقستاندىق سپورتشى الەمدىك رەيتينگتە 80-ورىندا تۇرعان گەرمانيالىق يان-لەننارد شترۋففپەن كەزدەستى. ول جارىسقا «lucky loser» مارتەبەسىمەن وتكەن. ماتچ 1 ساعات 6 مينۋتقا سوزىلىپ, بۋبليك ەكى سەتتەگى جەڭىسكە جەتتى – 6:3, 6:4.
كەلەسى كەزەڭدە بۋبليك فينليانديالىق وتتو ۆيرتانەن (ATP رەيتينگىندە 131-ورىن) مەن نيدەرلاندتىق تاللون گريكسپۋر (25-ورىن) اراسىنداعى كەزدەسۋدىڭ جەڭىمپازىمەن وينايدى.
ءتورت بىردەي تەننيسشىمىز الەمدىك رەيتينگتىڭ توپ-10 تىزىمىنە ەندى
دۋبايداعى ATP 500 ءتۋرنيرىنىڭ جالپى جۇلدە قورى – 3 311 005 اقش دوللارى. جارىس جەڭىمپازى 619 160 دوللار سىياقى مەن ATP رەيتينگىنىڭ 500 ۇپايىنا يە بولادى.
تەننيسشى الەكساندر بۋبليك بالانىڭ تۇساۋىن كەستى