اتىراۋ. 11 قاڭتار. كەشە اتىراۋ حالىقارالىق اۋەجايىنا «ماسكەۋ-الماتى» باعىتىنا قاتىنايتىن ۇشاق جەدەل قونۋعا ءماجبۇر بولدى. بۇل تۋرالى Tengrinews.kz اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«ەير استانا» اۆياكومپانياسىنا تيەسىلى ۇشاقتىڭ اتىراۋداعى حالىقارالىق اۋەجايعا شۇعىل قونۋىنا تەحنيكالىق اقاۋ سەبەپ بولعان. بۇل ماسكەۋدىڭ شەرەمەتەۆو اۋەجايىنان الماتىعا قاتىناۋ ءۇشىن اۋەگە كوتەرىلگەن. الايدا, شامامەن ءبىر ساعاتتان سوڭ تەحنيكالىق اقاۋ بارى انىقتالعان. كەي دەرەكتەرگە قاراعاندا, بورت ىشىندە ءتۇتىن بايقالعان. وسىعان وراي شۇعىل قونۋ داتچيگىنەن دابىل ىسكە قوسىلعان.
اۆياكومپانيا العاشىندا اقاۋلى ۇشاقتىڭ جولاۋشىلارىن الماتىعا ەكى رەيسپەن جەتكىزۋگە شەشىم قابىلداعان. الايدا, الماتىدان جەتكەن ۇشاقپەن بارلىق جولاۋشى دىتتەگەن جەرلەرىنە جەتكىزىلدى.
جولداسبەك شوپەعۇل.
دەرەك: egemen.kz.
سۋرەت: newskaz.ru.